គោលនយោបាយ -ការរស់នៅ ការរស់នៅ

29/09/2026 - 05:56

គោលនយោបាយអាទិភាពជួយគ្រួសារចិញ្ចឹមពពែបង្កើនប្រាក់ចំណូល

ដោយមានបំណងប្រាថ្នាចង់បង្កើតអាជីពប្រកបដោយចីរភាព បង្កើនប្រាក់ចំណូល និងកែលម្អជីវភាពគ្រួសារ បងស្រីង្វៀងធីត្រាង (ជនជាតិខ្មែរ) នៅភូមិបេ១ ឃុំតឹងឡុង ទីក្រុងកឹងធើ បានភូមិភាគពិនិត្យនិងទទួលបានការបុលទុនពីធនាគារគោលនយោបាយសង្គម។ ផ្ដើមពីដើមទុនទាំងនេះ បានជួយឱ្យគ្រួសារ បងស្រីមានលក្ខណៈវិនិយោគ បង្កើតទម្រង់ចិញ្ចឹមពពែបន្ថែមទៀត និងស្វែងរកទិសដៅអភិវឌ្ឍសេដ្ឋកិច្ចថ្មី។

បងស្រីង្វៀងធីត្រាង នៅភូមិបេ១ ឃុំតឹងឡុង រួមជាមួយរដ្ឋអំណាចភូមិភាគទស្សនាទម្រង់ចិញ្ចឹមពពែរបស់គ្រួសារ។

គ្រួសារបងស្រី ង្វៀងធីត្រាង មានពពែធំនិងតូចចំនួន ១៥ ក្បាល កំពុងធំធាត់យ៉ាងល្អនៅក្នុងទ្រុងដ៏ធំទូលាយ និងមានខ្យល់ចេញចូលល្អ។ គ្រួសារបងស្រីទើបតែបានអនុវត្តទម្រង់នេះប្រហែល ២ ឆ្នាំមកនេះ។ គ្រួសារបងស្រីង្វៀងធីត្រាង មានដីស្រែប្រមាណ ១០ កុង។ ក្រៅពីនេះ បងស្រីក៏បានឆ្លៀតប្រើប្រាស់ផ្ទៃដីចម្ការតិចតួចជុំវិញផ្ទះដើម្បីដាំដំណាំរួមផ្សំ។ ប៉ុន្តែប្រសិនបើពឹងផ្អែកតែលើប្រភពចំណូលពីផលិតកសិកម្ម ការចំណាយលើជីវភាពគ្រួសារនៅតែជួបការលំបាកជាច្រើន។ ដូច្នេះ ការងារបង្កបង្កើនថ្មីគឺជាអ្វីដែលគ្រួសារបងស្រីចាំបាច់ត្រូវមានដើម្បីកែលម្អសេដ្ឋកិច្ចគ្រួសារ ហើយទម្រង់ចិញ្ចឹមសត្វពពែត្រូវបានជ្រើសរើស។ មិនត្រឹមតែបង្កើនប្រាក់ចំណូលបន្ថែមប៉ុណ្ណោះទេ ទម្រង់នេះថែមទាំងជួយឱ្យប្តីប្រពន្ធបងស្រីឆ្លៀតប្រើប្រាស់ពេលវេលាទំនេរបានល្អបន្ទាប់ពីការងារស្រែ ចម្ការ។ បងស្រីង្វៀងធីត្រាង ឱ្យដឹង៖ “ដើម្បីលើកកម្ពស់ប្រសិទ្ធភាពការចិញ្ចឹមសត្វ ខ្ញុំតែងស្វែងយល់ពីបច្ចេកទេសចិញ្ចឹមពពែនិងវិធីសាស្ត្រសង់ទ្រុង តាមរយៈប្រព័ន្ធព័ត៌មានមហាជន។ ក្រៅពីនេះ ខ្ញុំក៏បានគ្រួសារចិញ្ចឹមពពែដែលសម្រេចជោគជ័យក្នុងភូមិនិងសមាគមកសិករឃុំណែនាំដោយផ្ទាល់អំពីរបៀបថែទាំ បង្ការជំងឺសម្រាប់ហ្វូងពពែនិងដកពិសោធន៍ផ្ទាល់ខ្លួនក្នុងការចិញ្ចឹម។ អាស្រ័យហេតុនេះ ហ្វូងពពែរបស់គ្រួសារបានអភិវឌ្ឍយ៉ាងលឿន។ ផ្តើមពីប្រភពទុនបុល ៥០ លានដុងពីធនាគារគោលនយោបាយសង្គមដំបូង ខ្ញុំបានទិញពូជពពែមេឈ្មោលចំនួន ៥ ក្បាលមកចិញ្ចឹមរហូតមកដល់បច្ចុប្បន្ន ហ្វូងពពែកើនឡើងដល់ ១៥ ក្បាល។ ពិសេស មានពពែ ៥ ក្បាលកំពុងមានផ្ទៃពោះក្នុងពេលខាងមុខខ្ញុំនឹងបន្តពង្រីកហ្វូងបន្ថែមទៀត”។

តាមសមាគមកសិករឃុំតឹងឡុង ទោះបីទម្រង់នេះគឺជាទម្រង់ចិញ្ចឹមសត្វថ្មីដែលទើបតែបានអនុវត្តក៏ដោយ ប៉ុន្តែតាមរយៈការតាមដាន និងវាយតម្លៃដំបូង ទម្រង់នេះបង្ហាញពីប្រសិទ្ធភាពសេដ្ឋកិច្ច និងមានលទ្ធភាពអាចពង្រីកលើភូមិឋាន។ លោកថាច់ហឿង អនុប្រធានគណៈកម្មាធិការរណសិរ្សមាតុ ភូមិវៀតណាមឃុំ និងជាប្រធានសមាគមកសិករឃុំតឹងឡុង ឱ្យដឹង៖ “បច្ចុប្បន្ន ចំពោះទម្រង់ចិញ្ចឹមពពែនៅលើភូមិឋានឃុំតឹងឡុងនេះ ក៏ជាទម្រង់មួយដែលទើបអភិវឌ្ឍថ្មីៗនេះ។ តាមរយៈកាលនៃការតាមដានក៏ដូចជាការពិនិត្យវាយតម្លៃ ឃើញថាទម្រង់នេះនឹងមានលទ្ធភាពក្នុងការពង្រីកប្រសិទ្ធភាព ហើយឃុំនឹងបន្តពង្រីកនៅលើភូមិឋាន ដើម្បីធ្វើយ៉ាងណាយើងអាចអភិវឌ្ឍទម្រង់នាំមកនូវប្រសិទ្ធភាពសេដ្ឋកិច្ចខ្ពស់ដល់មាមីងកសិករ”។

ដោយមិនរារែកក្នុងការផ្លាស់ប្តូររបៀបគិត របៀបធ្វើ ជាមួយនឹងការរួមដំណើររបស់ប្រភពទុនគោលនយោបាយនិងសមាគមកសិករ ទម្រង់ទាំងឡាយដែលសមស្របនឹងលក្ខណៈជាក់ស្តែង ដូចជាទម្រង់ចិញ្ចឹមពពែរបស់គ្រួសារបងស្រីង្វៀងធីត្រាង នៅឃុំតឹងឡុង ទីក្រុងកឹងធើ នឹងក្លាយជាបង្អែកដើម្បីប្រជាជនឈានឡើង កែលម្អជីវភាពគ្រួសារនិងឆ្ពោះទៅរកការធ្វើមានបាននៅលើភូមិស្រុករបស់ខ្លួន៕

ដាលីន

ចែករំលែកអត្ថបទ

ពាក្យគន្លឹះ