មហាសាមគ្គីជនជាតិ ភូមិស្រុកផ្លាស់ថ្មី

22/09/2026 - 04:55

ពង្រឹងតួនាទីបក្ខជនក្នុងការកសាងជនបទថ្មី

ក្នុងដំណើរការកសាងជនបទថ្មី សេចក្តីសម្រេចចិត្តរបស់បក្សជា “ត្រីវិស័យ” ចំណែកកម្មាភិបាល បក្ខជនជាអ្នកនាំយកគោលការណ៍ គោលនយោបាយមកអនុវត្តក្នុងជីវភាពជាក់ស្តែង ដើម្បីបង្កើតតំបន់ជនបទ គួរឱ្យរស់នៅ។ រឿងរ៉ាវពីឃុំនានានៅទីក្រុងកឹងធើ បានបង្ហាញឱ្យឃើញ កន្លែងណាមានកម្មាភិបាល បក្ខជន គំរូ “មាត់និយាយដៃធ្វើ” គឺនៅកន្លែងនោះ នឹងមានប្រជាជនស្រុះស្រួលនិងស្រុកភូមិផ្លាស់ថ្មី។

លោកឡឹមរឿ (ទី២ រាប់ពីស្តាំ) ជាគំរូក្នុងការរួមចំណែកយ៉ាងសកម្មដើម្បីភូមិភាគ។

តាមរយៈគោលនយោបាយដ៏ត្រឹមត្រូវ និងទឹកចិត្តប្រជាជនស្រុះស្រួល ឃុំញូយ៉ា ទីក្រុងកឹងធើ មានជំហានឈានឡើងក្នុងដំណើរការកសាងភូមិស្រុកផ្លាស់ថ្មី។ ផ្ទះសម្បែងសមរម្យ ដងផ្លូវបេតុងមានដាំផ្កានិងរុក្ខជាតិលម្អជាច្រើនប្រភេទ បានផ្តល់នូវបរិយាកាសជាទីមនោរម្យ។ កត្តាគន្លឹះដើម្បីបង្កើតភាពជោគជ័យនេះ គឺការឯកភាពនិងការគាំទ្ររបស់ប្រជាជនក្នុងចលនាកសាងជនបទថ្មី។ ពិសេស គឺអាស្រ័យលើគំរូដ៏ល្អនៃបក្ខជនយ៉ាងសាមញ្ញៗ ដែលពួកគាត់មិនត្រឹមតែជាអ្នក “ឈានមុខ” ក្នុងការដឹកនាំនិងរៀបចំការងារនៅមូលដ្ឋានប៉ុណ្ណោះទេ ថែមទាំងជាអ្នកឈានមុខក្នុងការរៃអង្គាសថវិកានិងកម្លាំងពលកម្ម ដើម្បីកសាងហេដ្ឋារចនាសម្ព័ន្ធជនបទ។ ជាក់ស្តែងដូចជាលោក ឡឹមរឿ ជាបក្ខជនជនជាតិខ្មែរនៅភូមិព្រែកឆ្វេង ឃុំញូយ៉ា កន្លងមក លោកបានរួមជាមួយគណៈកម្មាធិការបក្ស និងបក្ខ ជនក្នុងសាខាបក្ស អនុវត្តល្អនូវលក្ខឋានកសាងជនបទថ្មី។ កាលពីមុន ផ្លូវថ្នល់ទ្រុឌទ្រោមពិបាកក្នុងការធ្វើដំណើរ ដូច្នេះហើយ បក្ខជនគឺជាអ្នកឈានមុខក្នុងការចលនាថវិកា និងកម្លាំងពលកម្មដើម្បីកសាង ជួសជុលផ្លូវថ្នល់និងស្ពាននី មួយៗ ដើម្បីឱ្យមាមីងធ្វើដំណើរងាយស្រួល។ លោកឡឹមរឿ ឱ្យដឹង៖ “កន្លងមក ខ្ញុំបានសហការជាមួយអង្គការមហាជនដើម្បីចលនាកសាងស្ពានជនបទចំនួន ២ កសាងផ្លូវថ្មីមួយប្រវែង ៧០០ ម៉ែត្រ និងចលនាប្រជាជនដាំផ្កា ធ្វើរបង រួមចំណែកបង្កបានជាទេសភាពបៃតង - ជ្រះ - ស្អាត “។

នៅឃុំមីហឿង ស្មារតីគំរូរបស់បក្ខជនបានរីកសាយភាយយ៉ាងទូលំទូលាយផងដែរ។ នៅពេលឃុំបើកប្រជុំពិភាក្សា ចលនាប្រជាជនចូលរួមចំណែកកសាងហេដ្ឋារចនាសម្ព័ន្ធតំបន់ជនបទ បក្ខជន យឿងគឹមឡុង នៅភូមិដៃដូនអ៊ុយ បានចលនាគ្រួសារជាង ១០០ គ្រួសារបរិច្ចាគដីដើម្បីពង្រីកដងផ្លូវជនបទ ព្រមទាំងចលនាប្រជាជនរួមចំណែកជាថវិកានិងកម្លាំងពលកម្ម ក្នុងការកសាងស្ពានចំនួន ៦ ដែលមានតម្លៃជាង ២ ពាន់លានដុង ដំឡើងអំពូលភ្លើងបំភ្លឺផ្លូវជនបទ ១៣០ ដើម ជាមួយនឹងថវិកាសរុបជាង ១០០ លានដុង។ល។ សមិទ្ធផលសម្រេចបាន មិនត្រឹមតែស្ថិតនៅលើតួលេខឬសំណង់ប៉ុណ្ណោះទេ ប៉ុន្តែតម្លៃដ៏ធំបំផុតនោះគឺចរន្តជីវភាពថ្មីបង្ហាញយ៉ាងច្បាស់លើទឹកមុខ និងជីវភាពរបស់ប្រជាជនម្នាក់ៗក្នុងភូមិភាគ។

អាចពិនិត្យឃើញថា នៅកន្លែងណាមានកម្មាភិបាលស្វាហាប់ មានគម្រោងសមស្របនិងប្រជាជនឯកភាពគាំទ្រ គឺនៅកន្លែងនោះក្លាយជាតំបន់គួរឱ្យរស់នៅ។ ជាមួយនឹងតម្រូវការកាន់តែខ្ពស់ ក្រមលក្ខឋានកាន់តែពិបាកក្នុងលំហអភិវឌ្ឍន៍ថ្មីរបស់ឃុំនីមួយៗក្នុងការកសាងជនបទថ្មី ដំណាក់កាល២០២៦-២០៣០ តម្រូវឱ្យកម្មាភិបាល និងបក្ខជនម្នាក់ៗត្រូវតែមានភាពគំរូ និងស្វាហាប់ជាងមុនទៀតសម្រាប់ភារកិច្ចដែលបានប្រគល់ជូន ដើម្បីកសាងជនបទថ្មីមិនត្រឹមតែសម្រេចបានបទដ្ឋានប៉ុណ្ណោះទេ ប៉ុន្តែត្រូវឆ្ពោះដល់ការលើកកម្ពស់គ្រប់ផ្នែកអំពីគុណភាពជីវភាពរបស់ប្រជាជន៕

ថាញ់វ៉ាង - ថាច់ធី

ចែករំលែកអត្ថបទ

ពាក្យគន្លឹះ