ព្រឹត្តិការណ៍ - នយោបាយ ព្រឹត្តិការណ៍

21/09/2026 - 05:15

រួមដំណើរនិងជំនួយជាក់ស្ដែងដើម្បីអភិវឌ្ឍផលិតផល OCOP ឃុំដុងហ៊ីប

លោកស្រី តូអាយវ៉ាង អនុប្រធានក្រុមទទួលបន្ទុកនៃគណៈប្រតិភូតំណាង រដ្ឋសភាទីក្រុងកឹងធើ បានចុះត្រួតពិនិត្យស្ថានភាពអនុវត្តផលិតផល OCOP ផ្សារភ្ជាប់ជាមួយកម្មវិធី “ឃុំមួយផលិតផលមួយ” លើភូមិឋានឃុំដុងហ៊ីប។

គណៈប្រតិភូចុះត្រួតពិនិត្យជាក់ស្តែង នៅសហករណ៍មៀនសាច់ក្រអូបហ៊ឺវតឹម និងសហករណ៍កសិកម្មហ្វាថាញ់ថាំង។ នៅតាមមូលដ្ឋាន គណៈប្រតិភូ បានស្វែងយល់ពីសង្វាក់ផលិតគុណភាព បង្កើតយីហោ ទីផ្សារប្រើប្រាស់ការលំបាកនិងទិសដៅអភិវឌ្ឍផលិតផល OCOP។

គណៈប្រតិភូចុះត្រួតពិនិត្យនៅសហករណ៍មៀនសាច់ក្រអូបហ៊ឺវតឹម។

យោងតាមគណៈកម្មាធិការប្រជាជនឃុំដុងហ៊ីប បច្ចុប្បន្ន លើភូមិឋានឃុំ មានផលិតផល OCOP ចំនួន ៤ មានអង្គសំខាន់ចូលរួមចំនួន ៣។ ក្នុងនោះ មានផលិតផល OCOP ចំនួន ២ សម្រេចលំដាប់ផ្កាយ ៤ និងផលិតផល OCOP ចំនួន ២ សម្រេចលំដាប់ផ្កាយ៣។ បច្ចុប្បន្ន មានផលិតផលមួយបានផុតកំណត់វិញ្ញាបនបត្រក្នុងឆ្នាំ ២០២៦ ឃុំបន្តការពិគ្រោះដល់អ្នក បង្កើតធ្វើឱ្យសុក្រឹតសំណុំឯកសារ ដើម្បី ស្នើសុំការវាយតម្លៃនិងទទួលស្គាល់ឡើងវិញតាមបទប្បញ្ញត្តិ។

ថ្វីដ្បិតដូច្នោះក្តី ដំណាក់កាលអនុវត្តកម្មវិធី OCOP នៅមានការលំបាកមួយចំនួនដូចជា សមត្ថភាពរបស់អង្គសំខាន់នៅមានកម្រិតក្នុងការរៀបចំសំណុំឯកសារវាយតម្លៃនិងបញ្ជាក់; ចំណាយលើការពិនិត្យវិភាគ បន្តរក្សាវិញ្ញាបនបត្រ កែលម្អការវេចខ្ចប់ឱ្យមានកម្រិតខ្ពស់គួរសម បើធៀបនឹងទំហំគ្រួសារអាជីវកម្ម; ខ្វះទីតាំងដាក់បង្ហាញផលិតផល OCOP ផ្សារភ្ជាប់ជាមួយដំណើរផ្លូវទេសចរណ៍។

ចំពោះស្ថានភាពជាក់ស្តែងខាងលើ គណៈកម្មាធិការប្រជាជនឃុំបានស្នើដល់ស្ថាប័នជំនាញជួយគាំទ្រ ណែនាំការពារកម្មសិទ្ធិបញ្ញា តាមដានប្រភពដើម និងការផ្ទេរបច្ចេកវិទ្យាផលិត។ តភ្ជាប់ទីផ្សារប្រើប្រាស់ដាក់បញ្ចូលផលិតផលក្នុងប្រព័ន្ធចែកចាយ និងគាំទ្រជំរុញដំណើរការពាណិជ្ជកម្ម។ បន្តហ្វឹកហាត់ជំនាញ OCOP បំណិនផ្លាស់ប្តូរឌីជីថល និងអនុវត្តពាណិជ្ជកម្មតាមប្រព័ន្ធអេឡិចត្រូនិកដល់អង្គសំខាន់។

តាមរយៈការចុះត្រួតពិនិត្យជាក់ស្តែង និងធ្វើការជាមួយគណៈកម្មាធិការប្រជាជនឃុំដុងហ៊ីប លោកស្រី តូអាយវ៉ាង បានស្នើឱ្យគណៈកម្មាធិការប្រជាជនឃុំដុងហ៊ីប ពិនិត្យឡើងវិញនូវតម្រូវការជាក់ស្តែងរបស់មូលដ្ឋាននីមួយៗ ដើម្បីជំនួយជាក់ស្ដែង ផ្តោតសំខាន់គឺការតភ្ជាប់ប្រភពទុនឥណទានជំនួយ បំពាក់គ្រឿងម៉ាស៊ីន សម្រួលបែបបទរដ្ឋបាល និងជំរុញពាណិជ្ជកម្មតាមប្រព័ន្ធអេឡិចត្រូនិក។ ទន្ទឹមនឹងនោះ ភូមិភាគត្រូវបង្កើនការឃោសនាជួយដល់អង្គសំខាន់លើកកម្ពស់ស្មារតីរក្សាខ្ជាប់ គុណភាព ការពារយីហោ; ព្រមទាំងចលនាប្រជាជនបើកទូលាយផ្ទៃដីតំបន់ ដាំដុះ ធានាប្រភពវត្ថុធាតុដើមសម្រេចបទដ្ឋានបម្រើឱ្យការកែច្នៃ។

ក្រោយពេលចុះត្រួតពិនិត្យ គណៈប្រតិភូតំណាងរដ្ឋសភាទីក្រុងកឹងធើ នឹងសរុបរាល់សំណើ សំណូមពរទាំងអស់របស់អង្គសំខាន់និងរដ្ឋអំណាចភូមិភាគ ដើម្បីធ្វើការជាមួយមន្ទីរ គណៈ ផ្នែកជំនាញ រួមជាមួយការិយាល័យសម្របសម្រួលកម្មវិធីគោលដៅជាតិទីក្រុង។ ផ្តើមពីនោះ ស្វែងរកដោះស្រាយការលំបាក; ព្រមទាំងស្នើដល់ក្រសួង ផ្នែកមជ្ឈិម កែតម្រូវយន្តការគោលនយោបាយឱ្យស្របនឹងភាពជាក់ស្តែង រួមចំណែកពង្រីកជាអតិបរមាឧត្តមភាពនៃផលិតផល OCOP លើភូមិឋានទីក្រុងក្នុងរយៈពេលខាងមុខ៕

ទូត្រិញ - លីសៀ

ចែករំលែកអត្ថបទ

ពាក្យគន្លឹះ