ក្រុម​ការ​ងារ​ឃុំ​ភូ​មី​ ខេត្ត​កាម៉ាវ​ ដឹក​នាំ​ដោយ​លោក​ ឡេវ៉ាំង​ដែង​  អនុ​ប្រ​ធាន​គណៈ​កម្មា​ធិ​ការ​ប្រ​ជា​ជន​ឃុំ​ ទើប​អញ្ជើញ​មក​ទស្សន​កិច្ច​និង​សិក្សា​រៀន​សូ​ត្រ​បទ​ពិសោធន៍​អំ​ពី​ទម្រង់​ប្រើ​ប្រាស់​ជំនួយ​ការ​បញ្ញា​សិប្ប​និមិត្ត​ (AI) និង​ Zalo Official Account (Zalo OA) នៅ​មជ្ឈ​មណ្ឌល​បម្រើ​រដ្ឋ​បាល​រដ្ឋ​ឃុំ​ឡុង​ភូ​ ទី​ក្រុង​កឹង​ធើ​។ ទទួល​ជួប​ និង​ធ្វើ​ការ​ជា​មួយ​ក្រុម​ការ​ងារ​ រួម​មាន​លោក​ ហូក្វឹក​ហ៊ុង អនុ​ប្រ​ធាន​គណៈ​កម្មា​ធិ​ការ​ប្រ​ជា​ជន​ឃុំ​ លោក​ង្វៀង​វ៉ាំង​ក្វាង​ នា​យក​រង​ទទួល​បន្ទុក​មជ្ឈ​មណ្ឌល​បម្រើ​រដ្ឋ​បាល​រដ្ឋ​ឃុំ​ ព្រម​ទាំង​តំ​ណាង​ការិយា​ល័យ​ ផ្នែក​ ពាក់​ព័ន្ធ​នា​នា​។

ក្រុម​ការ​ងារ​ឃុំ​ភូ​មី​ មក​ស្វែង​យល់​ជាក់​ស្ដែង​នៅ​មជ្ឈ​មណ្ឌល​បម្រើ​រដ្ឋ​បាល​រដ្ឋ​ឃុំ​ឡុង​ភូ​។

ក្រុម​ការ​ងារ​ឃុំ​ភូ​មី​ បាន​មក​ទស្សន​កិច្ច​ជាក់​ស្តែង​នៅ​មជ្ឈ​មណ្ឌល​បម្រើ​រដ្ឋ​បាល​រដ្ឋ​ ដើម្បី​ស្វែង​យល់​ពី​ដំ​ណើរ​ការ​នៃ​ការ​ទទួល​ និង​ដោះ​ស្រាយ​បែប​បទ​រដ្ឋ​បាល​ ព្រម​ទាំង​សាក​ល្បង​ប្រើ​ប្រាស់​មុខ​ងារ​កម្ម​វិធី​បច្ចេក​វិទ្យា​ឌីជី​ថល​មួយ​ចំ​នួន​។ ទន្ទឹម​នឹង​នោះ​ ក្រុម​ការ​ងារ​ក៏​មាន​បំ​ណង​ដោះ​ដូរ​ ចែក​រំលែក​ និង​សិក្សា​បទ​ពិសោធន៍​ក្នុង​ការ​អនុ​វត្ត​ជំនួយ​ការ​ AI នៅ​មជ្ឈ​មណ្ឌល​បម្រើ​រដ្ឋ​បាល​រដ្ឋ​ឃុំ​ឡុង​ភូ​ផង​ដែរ​។ លោក​ង្វៀង​វ៉ាំង​ក្វាង​ នា​យក​រង​ទទួល​បន្ទុក​មជ្ឈ​មណ្ឌល​ បាន​ចែក​រំលែក​ឱ្យ​ដឹង​ថា​ ផ្តើម​ចេញ​ពី​តម្រូវ​ការ​ជាក់​ស្តែង​ក្នុង​ការ​ណែ​នាំ​ និង​ជំនួយ​ប្រ​ជា​ជន​អនុ​វត្ត​បែប​បទ​រដ្ឋ​បាល​ មជ្ឈ​មណ្ឌល​បាន​ម្ចាស់​ការ​ស្រាវ​ជ្រាវ​ រចនា​ កសាង​ និង​ដាក់​ឱ្យ​ដំ​ណើរ​ការ​កម្ម​វិធី​ជំនួយ​ការ​ AI សំ​ដៅ​ផ្លាស់​ថ្មី​វិធី​សាស្ត្រ​ផ្តល់​ព័ត៌​មាន​ ក៏​ដូច​ជា​ជួយ​ឱ្យ​ប្រ​ជា​ជន​កៀក​ជិត​ និង​អនុ​វត្ត​បែប​បទ​រដ្ឋ​បាល​បាន​ឆាប់​រហ័ស​នៅ​ងាយ​ស្រួល​លើ​បរិស្ថាន​ឌីជី​ថល​។ ជំនួយ​ការ​ AI នេះ​បាន​រួម​បញ្ចូល​ទៅ​ក្នុង​ Zalo Official Account (OA) របស់​មជ្ឈ​មណ្ឌល​ អនុញ្ញាត​ឱ្យ​ប្រ​ជា​ជន​អាច​ធ្វើ​អន្តរ​កម្ម​ ដាក់​សំណួរ​ និង​ស្វែង​រក​ព័ត៌​មាន​ដោយ​ការ​ជ្រើស​រើ​សភា​សា​សម​ញ។ ប្រ​ព័ន្ធ​នេះ​ជំនួយ​ដល់​ការ​ស្វែង​រក​បែប​បទ​រដ្ឋ​បាល​តាម​វិស័យ​នីមួយៗ​ ផ្តល់​ព័ត៌​មាន​អំ​ពី​សមា​សភាព​សំណុំ​ឯក​សារ​ លំ​ដាប់​លំ​ដោយ​នៃ​ការ​អនុ​វត្ត​ ពេល​វេលា​ដោះ​ស្រាយ​ កម្រៃ​ ថ្លៃ​សេ​វា​ និង​ស្ថា​ប័ន​អនុ​វត្ត​ ព្រម​ទាំង​ជួយ​ស្វែង​រក​ស្ថាន​ភាព​សំណុំ​ឯក​សារ​ ណែ​នាំ​ពី​របៀប​ដាក់​សំណុំ​ឯក​សារ​ ទូ​ទាត់​ប្រាក់​តាម​ប្រ​ព័ន្ធ​អន​ឡាញ​ និង​បក​ស្រាយ​បំ​ភ្លឺ​នូវ​ខ្លឹម​សារ​ដែល​តែង​ជួប​ប្រ​ទះ​ក្នុង​ដំ​ណើរ​ការ​អនុ​វត្ត​បែប​បទ​រដ្ឋ​បាល​។ កម្ម​វិធី​នេះ​ប្រើ​ប្រាស់​ទម្រង់​បញ្ញា​សិប្ប​និមិត្ត​លេខ​កូដ​ប្រ​ភព​បើក​ចំ​ហ​ ដែល​បាន​ដំ​ឡើង​ និង​ដំ​ណើរ​ការ​តាម​ផ្នែក​នៅ​លើ​ម៉ាស៊ីន​មេ​។ ទម្រង់​ Vistral-7B និង​ Chat GGUF Q4 0 បាន​ប្រើ​ប្រាស់​ដើម្បី​បង្កើត​ចម្លើយ​ដោយ​ផ្អែក​លើ​ព័ត៌​មាន​ច្បាប់​ដែល​បាន​ទាញ​យក​។ ចំ​ណែក​ Vietnamese Document Embedding បម្រើ​ដល់​ការ​ស្វែង​រក​អត្ថ​ន័យ​ រី​ឯ​ BGE Reranker V2 M3 ជួយ​វាយ​តម្លៃ​ និង​ចាត់​ចំ​ណាត់​ថ្នាក់​ឯក​សារ​តាម​កម្រិត​ពាក់​ព័ន្ធ​។ សមា​សភាព​ទាំង​អស់​បាន​រួម​បញ្ចូល​ទៅ​ជា​ប្រ​ព័ន្ធ​ឯក​ភាព​មួយ​ ដើម្បី​បម្រើ​ដល់​តម្រូវ​ការ​ស្វែង​រក​ និង​សួរ​-ឆ្លើយ​អំ​ពី​បែប​បទ​រដ្ឋ​បាល​។

ទិដ្ឋភាព​នៃ​ជំ​នួប​ដោះ​ដូរ​ និង​សិក្សា​បទ​ពិសោធន៍​របស់​អង្គ​ភាព​ទាំង​២។

តាម​រយៈ​កម្ម​វិធី​ជំ​នួប​នេះ​ អង្គ​ភាព​ទាំង​ពីរ​បាន​ដោះ​ដូរ​យោបល់​អំ​ពី​របៀប​អនុ​វត្ត​ ដំ​ណើរ​ការ​ ទាញ​យក​ទិន្ន​ន័យ​ ព្រម​ទាំង​លើក​ឡើង​ពី​ភាព​ងាយ​ស្រួល​ ការ​លំ​បាក​ និង​បទ​ពិសោធន៍​ជាក់​ស្តែង​។ តាម​រយៈ​កិច្ច​ជំ​នួប​នេះ​ ជួយ​ឱ្យ​អង្គ​ភាព​ទាំង​ពីរ​មាន​ឱ​កាស​ដោះ​ដូរ​យោបល់​ដោយ​ផ្ទាល់​អំ​ពី​វិធី​សាស្រ្ត​អនុ​វត្ត​ បទ​ពិសោធន៍​ជាក់​ស្តែង​ ក៏​ដូច​ជា​បញ្ហា​ដែល​ត្រូវ​បន្ត​ស្រាវ​ជ្រាវ​ក្នុង​ដំ​ណើរ​ការ​ប្រើ​ប្រាស់​បច្ចេក​វិទ្យា​ឌីជី​ថល​ បញ្ញា​សិប្ប​និមិត្ត​ និង​ថ្នាល​ឌីជី​ថល​ បម្រើ​ដល់​ការ​ងារ​កំ​ណែ​ទម្រង់​រដ្ឋ​បាល​ ជា​ពិ​សេស​គឺ​ស្វែង​រក​ដំ​ណោះ​ស្រាយ​ដែល​សម​ស្រប​ទៅ​នឹង​លក្ខ​ខណ្ឌ​ជាក់​ស្តែង​នៃ​ភូមិ​ភាគ​នីមួយៗ​ ដោយ​ទិស​ដៅ​ឆ្ពោះ​ទៅ​រក​ការ​បម្រើ​ប្រ​ជា​ជន​ និង​អា​ជីវ​កម្ម​ឱ្យ​កាន់​តែ​ល្អ​ប្រសើរ​ឡើង​៕

សុក​កា - ថា​ច់ធី​