ព្រឹត្តិការណ៍ - នយោបាយ ព្រឹត្តិការណ៍

05/09/2026 - 12:03

អនុប្រធានរដ្ឋសភា លោកស្រី ង្វៀងធីហុង និងលេខាគណៈកម្មាធិការបក្សទីក្រុងកឹងធើ លោកដោថាញប៊ិញ អញ្ជើញចូលរួមពិធីបើកបវេសនកាលនៅអនុវិទ្យាល័យនិងវិទ្យាល័យង៉ាសាវ

(អ.ឡ) - នាព្រឹកថ្ងៃទី៥ ខែកញ្ញា លោកស្រី ង្វៀងធីហុង សមាជិកគណៈប្រតិបត្តិការមជ្ឈិមបក្ស អនុប្រធានរដ្ឋសភានៃសាធារណរដ្ឋសង្គមនិយមវៀតណាម និងលោកដោថាញប៊ិញ សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុង ប្រធានគណៈប្រតិភូតំណាងរដ្ឋសភាទីក្រុងកឹងធើ បានអញ្ជើញចូលរួមពិធីបើកបវេសនកាលឆ្នាំសិក្សាថ្មី ២០២៦-២០២៧ នៅអនុវិទ្យាល័យនិងវិទ្យាល័យង៉ាសាវ (ឃុំចូវថាញ់)។

អនុប្រធានរដ្ឋសភា លោកស្រីង្វៀងធីហុង និងលេខាគណៈកម្មាធិការបក្សទីក្រុងកឹងធើ លោកដោថាញប៊ិញ ព្រមទាំងអ្នកតំណាងទាំងឡាយបានអញ្ជើញចូលរួមពិធីបើកបវេសនកាលឆ្នាំសិក្សាថ្មី ២០២៦-២០២៧ នៅអនុវិទ្យាល័យនិងវិទ្យាល័យង៉ាសាវ (ឃុំចូវថាញ់ ទីក្រុងកឹងធើ)។

អញ្ជើញចូលរួមពិធីនេះ មានថ្នាក់ដឹកនាំគណៈកម្មាធិការវប្បធម៌-សង្គមនៃរដ្ឋសភា ថ្នាក់ដឹកនាំការិយាល័យរដ្ឋសភា តំណាងក្រសួងអប់រំនិងបណ្តុះបណ្តាល លោកង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុងកឹងធើ លោកស្រី ឡេធីថាញឡាម អនុប្រធានទទួលបន្ទុក គណៈប្រតិភូតំណាងរដ្ឋសភាទីក្រុងកឹងធើ លោកស្រីត្រឹងធីហ្វៀង នាយកមន្ទីរអប់រំនិងបណ្តុះបណ្តាលទីក្រុងកឹងធើ ព្រមទាំងថ្នាក់ដឹកនាំឃុំចូវថាញ់។

អនុប្រធានរដ្ឋសភា លោកស្រី ង្វៀងធីហុង និងអ្នកតំណាងទាំងឡាយអញ្ជើញចូលរួមពិធីបើកបវេសនកាល ឆ្នាំសិក្សា ថ្មី២០២៦-២០២៧ នៅអនុវិទ្យាល័យនិងវិទ្យាល័យង៉ាសាវ (ឃុំចូវថាញ់ ទីក្រុងកឹងធើ)។

លេខាគណៈកម្មាធិការបក្សទីក្រុងកឹងធើ លោកដោថាញប៊ិញ និងអ្នកតំណាងទាំងឡាយអញ្ជើញចូលរួមពិធីបើកបវេសនកាលឆ្នាំសិក្សាថ្មី ២០២៦-២០២៧ នៅអនុវិទ្យាល័យនិងវិទ្យាល័យង៉ាសាវ (ឃុំចូវថាញ់ ទីក្រុងកឹងធើ)។

ពិធីបើកបវេសនកាល ចាប់ផ្តើមដោយការសម្តែងសិល្បៈចំនួន ២ ឈុត សម្តែងដោយក្រុមសិល្បៈនៃអនុវិទ្យាល័យនិងវិទ្យាល័យង៉ាសាវ បង្កបរិយាកាសរីករាយនិងប្រកបដោយភាពចម្រុះពណ៌។ បន្ទាប់មកគណៈប្រតិភូនិងលោកគ្រូ អ្នកគ្រូ បានរួមគ្នាអនុវត្តពិធីស្វាគមន៍សិស្សដែលចូលរៀនថ្មី ៧៨១ នាក់ ក្នុងនោះ មានសិស្សថ្នាក់ទី៦ ចំនួន ៤០៦ នាក់ និងសិស្សថ្នាក់ទី១០ ចំនួន ៣៧៥ នាក់។

ការសម្តែងសិល្បៈក្នុងពិធីបើកបវេសនកាលឆ្នាំសិក្សាថ្មី នៅអនុវិទ្យាល័យនិងវិទ្យាល័យង៉ាសាវ ឃុំចូវថាញ់ (ទីក្រុងកឹងធើ)។

ក្តីរីករាយរបស់សិស្សានុសិស្សអនុវិទ្យាល័យនិងវិទ្យាល័យង៉ាសាវ ឃុំចូវថាញ់ (ទីក្រុងកឹងធើ) ។

អនុវត្តគោលការណ៍រៀបចំគ្រឹះស្ថានអប់រំរដ្ឋ អនុវិទ្យាល័យនិងវិទ្យាល័យង៉ាសាវ បានបង្កើតឡើងដោយការរួមបញ្ចូលរវាងអនុវិទ្យាល័យង្វៀងវ៉ាំងគ្វី និងវិទ្យាល័យង៉ាសាវ; បន្ទាប់ពីការរៀបចំឡើងវិញ សាលាមានថ្នាក់រៀន ៥៩ បន្ទប់ និងសិស្សានុសិស្សសរុប ២.៥៧៥ នាក់។ នេះជាឱកាសសម្រាប់សាលាប្រមូលផ្តុំប្រភពធនធាន មូលដ្ឋានសម្ភារៈនិងពង្រីកកងជួរគ្រូបង្រៀន រួមចំណែកលើកកម្ពស់គុណភាពអប់រំ និងផ្តល់ឱកាសកាន់តែល្អប្រសើរដល់សិស្សានុសិស្ស។

ក្នុងឱកាសនេះ លោកស្រីង្វៀងធីហុង អនុប្រធានរដ្ឋសភា បានជូនអាហារូបករណ៍ ៥០ ចំណែក (ក្នុងមួយចំណែក ១ លានដុង) ដើម្បីឧបត្ថម្ភដល់សិស្សានុសិស្សដែលមានជីវភាពលំបាក និងអំណោយមួយចំណែកជូនដល់សមូហភាពសាលារៀន។

លោកស្រី ង្វៀងធីហុង អនុប្រធានរដ្ឋសភា (ខាងឆ្វេង) ផ្តល់ជូនអាហារូបករណ៍ដល់តំណាងអនុវិទ្យាល័យនិងវិទ្យាល័យង៉ាសាវ ដើម្បីឧបត្ថម្ភដល់សិស្សានុសិស្សដែលមានជីវភាពលំបាក។

លោកដោថាញប៊ិញ តំណាងថ្នាក់ដឹកនាំគណៈកម្មាធិការបក្សទីក្រុង បានជូនអាហារូបករណ៍ ៤០ ចំណែក (ក្នុងមួយចំណែក ១ លានដុង) ជូនថ្នាក់ដឹកនាំសាលា ដើម្បីឧបត្ថម្ភដល់សិស្សានុសិស្សដែលមានជីវភាពលំបាក។

លោក ដោថាញប៊ិញ សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុង ប្រធានគណៈប្រតិភូតំណាងរដ្ឋសភាទីក្រុងកឹងធើ ជូនអាហារូបករណ៍ដល់តំណាងអនុវិទ្យាល័យនិងវិទ្យាល័យង៉ាសាវ ដើម្បីឧបត្ថម្ភដល់សិស្សានុសិស្សដែលមានជីវភាពលំបាក។

លោកង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុង ជូនអាហារូបករណ៍ ២០ ចំណែក (ក្នុងមួយចំណែក ១ លានដុង) ជូនថ្នាក់ដឹកនាំសាលា ដើម្បីឧបត្ថម្ភដល់សិស្សានុសិស្សដែលមានជីវភាពលំបាក។

ថ្នាក់ដឹកនាំមន្ទីរអប់រំនិងបណ្តុះបណ្តាលទីក្រុងកឹងធើ បានប្រគល់ជូនថវិកាមូលនិធិអាហារូបករណ៍ចំនួន ១០ លានដុងដល់សាលារៀន ដើម្បីឧបត្ថម្ភដល់សិស្សានុសិស្សដែលមានជីវភាពលំបាក។ ក្រៅពីនេះ គណៈចាងហ្វាងសាលាក៏បានកៀរគរអង្គការ និងបុគ្គលនានាឧបត្ថម្ភសៀវភៅសរសេរ ៥០០ ក្បាល កង់ ៦ គ្រឿង និងអាហារូបករណ៍ ៣០ ចំណែក (ក្នុងមួយចំណែក ៥០០.០០០ ដុង) ដល់សិស្សានុសិស្សដែលមានជីវភាពលំបាក។

អំណោយនិងអាហារូបករណ៍ដែលបានផ្ដល់ជូនទាំងអស់នេះ មិនត្រឹមតែមានតម្លៃផ្នែកសម្ភារៈប៉ុណ្ណោះទេ ថែមទាំងបង្កប់នូវក្តីស្រឡាញ់ ការជឿជាក់និងការចែករំលែកដ៏កក់ក្តៅពីសង្គមទាំងមូលចំពោះសិស្សានុ សិស្ស។ ឆ្លងតាមរយៈនេះ បានរួមចំណែកលើកទឹកចិត្ត បង្កទំនុកចិត្តនិងឆន្ទៈតស៊ូ ដើម្បីឱ្យសិស្សានុសិស្សដែលមានជីវភាពលំបាក ខិតខំប្រឹងប្រែងឈានឡើង និងសម្រេចបានលទ្ធផលល្អក្នុងឆ្នាំសិក្សាថ្មី។

បន្ទាប់ពីពិធីបើកបវេសនកាលរបស់សាលា គណៈប្រតិភូ លោកគ្រូ អ្នកគ្រូ និងសិស្សានុសិស្សជាង ១.៤០០ នាក់ នៃអនុវិទ្យាល័យនិងវិទ្យាល័យង៉ាសាវ បានទស្សនាកម្មវិធី ពិធីបើកបវេសនកាលទូទាំងប្រទេស សម្រាប់ឆ្នាំសិក្សាថ្មី ២០២៦-២០២៧ ដែលបានផ្សាយបន្តផ្ទាល់តាមកញ្ចក់ទូរទស្សន៍ VTV1 នៃស្ថានីយទូរទស្សន៍វៀតណាម៕

ក្វឹកថាយ ពេជ្រសឿន

ចែករំលែកអត្ថបទ

ពាក្យគន្លឹះ