មហាសាមគ្គីជនជាតិ គំរូក្នុងសហគមន៍

14/08/2026 - 22:23

អ្នកមានប្រិយភាពក្នុងជនរួមជាតិខ្មែរ

ជាច្រើនឆ្នាំផ្សារភ្ជាប់ជាមួយនឹងការងារភូមិភាគ សកម្មចូលរួមក្នុងសកម្មភាពសង្គមនានា បង្រៀនអក្សរខ្មែរ និងណែនាំមាមីងអភិវឌ្ឍន៍សេដ្ឋកិច្ច លោកពូ ថាច់សាមិត្ត អនុប្រធានគណៈប្រជាជនភូមិឡុងថើយ ឃុំតឹងហ្វា ខេត្តវិញឡុង បានជនរួមជាតិខ្មែរជឿទុកចិត្ត និងគោរពស្រឡាញ់។ លោកពូគឺជាគំរូមួយក្នុងចំណោមគំរូឆ្នើមនានានៅក្នុងសហគមន៍។

លោកពូ ថាច់សាមិត្ត ក្បែរលិខិតសរសើរ ប័ណ្ណសរសើរ និងរង្វាន់ដែលគ្រប់លំដាប់ថ្នាក់ប្រគល់ជូន។

លោកពូ ថាច់ សាមិត្ត ធ្លាប់ទទួលបន្ទុកភារកិច្ចជាច្រើននៅភូមិភាគ តាំងពីប្រធានគណៈរណសិរ្ស ដល់ប្រធានគណៈប្រជាជនភូមិ។ ក្រោយពេលបញ្ចូលភូមិ លោកពូជាអនុប្រធានគណៈប្រជាជនភូមិឡុងថើយ។ ក្នុងការងារ លោកពូតែងតែស្និទ្ធស្នាល ជិតដិតនឹងមូលដ្ឋាន ក្តាប់បាននូវបំណងប្រាថ្នារបស់ប្រជាជន; ចូលរួមយ៉ាងសកម្មក្នុងការសម្របសម្រួល ចលនាមាមីងអនុវត្តតាមគោលការណ៍របស់បក្ស គោលនយោបាយ ច្បាប់របស់រដ្ឋ និងគាំទ្របណ្តាចលនានៅភូមិភាគ។ លោកពូនៅទាំងប្តេជ្ញាចិត្តថែរក្សាភាសា និងអក្សរសាស្ត្រខ្មែរ។ ចាប់ពីឆ្នាំ ១៩៧៩ លោកពូបានបួសនិងរៀនអក្សរបាលី - ខ្មែរ នៅតាមវត្តអារាមនានាក្នុងខេត្ត និងផ្សារភ្ជាប់ជាមួយនឹងការងារបង្រៀនអក្សរខ្មែររហូតមកទល់សព្វថ្ងៃ។ ទន្ទឹមនឹងការងារសង្គម លោកពូផ្តោតសំខាន់លើការអភិវឌ្ឍសេដ្ឋកិច្ចគ្រួសារ ជាមួយដីស្រែ ១០ កុង និងដីដាំដូង ២ កុង បង្កបានប្រភពចំណូលលំនឹង។ លោកពូ រួមជាមួយបក្ខជនចូលរួមដាំផ្កា ដាំបន្លែបង្ការ ក្នុងមួយខែៗចំណូលពី ៨០០.០០០ ដុងដល់ ១,៥ លានដុង សម្រាប់បម្រើប្រជុំជីវភាពរបស់សាខាបក្ស។ ពីបទពិសោធន៍ក្នុងការផលិត លោកពូតែងតែចែករំលែក និងណែនាំមាមីងជ្រើសរើសទម្រង់សមស្រប ឆ្ពោះដល់ការលើកកម្ពស់ចំណូល និងកែលម្អជីវភាព។

លោកពូ គឹមង៉ឹង អតីតប្រធានគណៈប្រជាជនភូមិកូវត្រែ បច្ចុប្បន្នជាភូមិឡុងថើយ បានឱ្យដឹង៖ “លោក ថាច់សាមិត្ត គឺជាគំរូដ៏ភ្លឺស្វាងនៅក្នុងសហគមន៍។ គាត់តែងតែចលនាមាមីងអំពីរបៀបរកស៊ីដើម្បីឈានឡើងចាកផុតពីភាពក្រីក្រ; ទន្ទឹមនឹងនោះ ផ្សព្វផ្សាយគោលការណ៍របស់បក្ស គោលនយោបាយ និងច្បាប់របស់រដ្ឋ ជូនដល់ជនរួមជាតិខ្មែរ។ ដោយសារលោកបង្រៀនអក្សរខ្មែរនៅវត្តពោធិព្រឹក្សផ្នោព្រីងផង ហើយក៏ជាសមាជិកគណៈកម្មការវត្តផង ដូច្នេះមាមីងជឿទុកចិត្ត ហើយរាល់បញ្ហាដែលលោកបានផ្សព្វផ្សាយក៏ងាយស្រួលមាមីងទទួលយកដែរ”។

ជាមួយនឹងការរួមចំណែកយ៉ាងសកម្ម ឆ្នាំ ២០១៣ លោកពូ ថាច់សាមិត្ត បានទទួលស្គាល់ជាអ្នកមានប្រិយភាពក្នុងជនរួមជាតិខ្មែរ។ តាំងពីនោះ លោកពូមានលក្ខណៈសម្បត្តិចូលរួមបណ្តាដំណើរទស្សនកិច្ច សិក្សារៀនសូត្រ និងផ្លាស់ប្តូរបទពិសោធន៍នៅរដ្ឋធានីហាណូយ និងខេត្ត ក្រុងជាច្រើនទៀតក្នុងទូទាំងប្រទេស។ ដំណើរទស្សនកិច្ចទាំងនេះ បានជួយឱ្យលោកពូមានបន្ថែមចំណេះដឹង និងបទពិសោធន៍ ដើម្បីអនុវត្តទៅក្នុងការងារចលនាមហាជននៅភូមិភាគ។ ជាច្រើនឆ្នាំកន្លង លោកពូ បានគ្រប់លំដាប់ថ្នាក់ ចាប់ពីថ្នាក់មូលដ្ឋានរហូតដល់ថ្នាក់មជ្ឈិមទទួលស្គាល់ និងកោតសរសើរតាមរយៈប័ណ្ណសរសើរ និងលិខិតសរសើរជាច្រើន។ ជាមួយនឹងស្មារតីទទួលខុសត្រូវ ភាពជាគំរូ និងភាពស្និទ្ធស្នាល លោកពូបានរួមចំណែកពង្រឹងកម្លាំងសាមគ្គី ចលនាជនរួមជាតិខ្មែរសកម្មចូលរួមបណ្តាចលនា អភិវឌ្ឍសេដ្ឋកិច្ច និងកសាងជីវភាពវប្បធម៌។ លោកពូគឺជាគំរូដ៏ភ្លឺស្វាង បានមាមីងជឿទុកចិត្ត ព្រមទាំងគោរពស្រឡាញ់៕

ទីទុយ-មេងលី

ចែករំលែកអត្ថបទ

ពាក្យគន្លឹះ