ព្រឹត្តិការណ៍ - នយោបាយ ព្រឹត្តិការណ៍

10/08/2026 - 06:07

បិទវគ្គហ្វឹកហ្វឺនគ្រូបង្រៀនវិទ្យាសាស្ត្រសង្គមនិងមនុស្សសាស្ត្រនៅសាលាយោធា

នៅទីក្រុងកឹងធើ អគ្គនាយកដ្ឋាននយោបាយកងទ័ពប្រជាជនវៀតណាម បានចាត់តាំងពិធីបិទវគ្គហ្វឹកហ្វឺនគ្រូបង្រៀនវិទ្យាសាស្រ្តសង្គម និងមនុស្សសាស្រ្តនៅសាលាយោធា ឆ្នាំ២០២៦។

ឧត្តមសេនីយ៍ត្រី តុងវុាំងថាញ អនុប្រធាននាយកដ្ឋានឃោសនាអប់រំ អគ្គនាយកដ្ឋាននយោបាយកងទ័ពប្រជាជនវៀតណាម ថ្លែងសុន្ទរកថាបិទវគ្គ។

ឧត្តមសេនីយ៍ត្រី តុងវុាំងថាញ អនុប្រធាននាយកដ្ឋានឃោសនាអប់រំ អគ្គនាយកដ្ឋាននយោបាយកងទ័ពប្រជាជនវៀតណាម និងឧត្តមសេនីយ៍ត្រី ង្វៀងមិញត្រេវ មេបញ្ជាការរងយោធភូមិភាគ៩ ព្រមទាំងថ្នាក់ដឹកនាំស្ថាប័ន និងអង្គភាពនានាបានចូលរួមពិធីបិទវគ្គនេះ។

ថ្លែងសុន្ទរកថាបិទវគ្គ ឧត្តមសេនីយ៍ត្រី តុងវុាំងថាញ សំណូមពរក្នុងពេលខាងមុខអង្គភាពនឹងបន្តពង្រឹងភាពជាអ្នកដឹកនាំ ចង្អុលការរបស់គណៈកម្មាធិការបក្ស បញ្ជាការគ្រប់លំដាប់ថ្នាក់ លើកកម្ពស់ការយល់ដឹង ការទទួលខុសត្រូវរបស់គ្រប់លំដាប់ថ្នាក់ និងកងកម្លាំងចំពោះការងារអប់រំវិទ្យាសាស្ត្រសង្គម និងមនុស្សសាស្ត្រ; ផ្តោតលើការពិនិត្យ ធ្វើឱ្យសុក្រឹតនូវខ្លឹមសារកម្មវិធី ឯកសារបង្រៀន ឯកសារ[C1] អប់រំវិទ្យាសាស្ត្រសង្គមនិងមនុស្សសាស្ត្រតាមទិសដៅសម្រិតសម្រាំង ទំនើប តភ្ជាប់និងជាក់ស្តែង; កសាងកងជួរកម្មាភិបាលគ្រូបង្រៀនវិទ្យាសាស្ត្រសង្គមនិងមនុស្សសាស្ត្រ ឆ្លើយតបនឹងតម្រូវការភារកិច្ច មានគោលជំហរនយោបាយរឹងមាំ មានអត្តចរិតល្អ មានជំនាញយល់ដឹងជាក់ស្តែង និងជំនាញក្នុងវិធីសាស្រ្តបង្រៀនទំនើបៗ។ល។ ទន្ទឹមនឹងនោះ ជំរុញសកម្មភាពក្រៅកម្មវិធីសិក្សា ឆ្លងកាត់បទពិសោធន៍ វិលមកកាន់ប្រភព ការងារស្ម័គ្រចិត្ត ប្រតិបត្តិការយោធាក្រៅបន្ទាយ ចងសម្ព័ន្ធភាព វប្បធម៌ - សិល្បៈ និងកីឡាអប់រំកាយ; ចាត់តាំងស្វែងយល់ប្រវត្តិសាស្ត្រ ប្រពៃណី គោលការណ៍ គោលមាគ៌ារបស់បក្ស ច្បាប់របស់រដ្ឋ រួមចំណែកអភិវឌ្ឍបញ្ញា កាយសម្បទា បុគ្គលិកលក្ខណៈ និងស្មារតីដល់សិក្ខាកាម។

វគ្គហ្វឹកហ្វឺនប្រព្រឹត្តឡើងក្នុងអំឡុងពេល៣ថ្ងៃ ចាប់ពីថ្ងៃទី ៣ ដល់ថ្ងៃទី ៥ ខែសីហា ដោយមានសិក្ខាកាមចូលរួមចំនួន ១១៦ នាក់។ សិក្ខាកាមបានបំពាក់បំប៉ន ទទួលព័ត៌មានពីបញ្ហាថ្មីៗជាច្រើនបំផុតគឺអំពីកសាងកងទ័ពប្រជាជនវៀតណាមបដិវត្តន៍រៀបរយ ថ្នឹកសង្គ្រាម ទំនើប; ការពារអធិបតេយ្យដែនសមុទ្រ កោះរបស់វៀតណាមក្នុងស្ថានភាពថ្មី; ភាពលោតផ្លោះក្នុងការអភិវឌ្ឍអប់រំនិងបណ្តុះបណ្តាល ព្រមទាំងផ្លាស់ប្តូរឌីជីថលក្នុងការបង្រៀននូវមុខវិជ្ជាវិទ្យាសាស្ត្រសង្គមនិងមនុស្សសាស្ត្រជាដើម៕

ផាមទ្រុង - វិមាន

ចែករំលែកអត្ថបទ

ពាក្យគន្លឹះ