ព្រឹត្តិការណ៍ - នយោបាយ ព្រឹត្តិការណ៍

06/08/2026 - 22:23

ឡុងភូ បើកវគ្គហ្វឹកហាត់ បំប៉នវិជ្ជាជីវៈជូនថ្នាក់ដឹកនាំភូមិនានា

ព្រឹកថ្ងៃទី ៦ ខែសីហា គណៈកម្មាធិការបក្សឃុំឡុងភូ ចាត់តាំងពិធីបើកវគ្គហ្វឹកហាត់ បំប៉នវិជ្ជាជីវៈជូនលេខា អនុលេខាសាខាបក្សភូមិ ប្រធាន អនុប្រធានគណះប្រជាជនភូមិ និងប្រធានគណៈការងាររណសិរ្សភូមិ ឆ្នាំ ២០២៦។ ចូលរួមពិធីបើកវគ្គមានសមមិត្ត ឡឹមតៀងថាច់ សមាជិកណៈកម្មាធិការបក្សទីក្រុង លេខាគណៈកម្មាធិការបក្សឃុំ ប្រធានក្រុមប្រឹក្សាប្រជាជនឃុំ សមមិត្ត យឿងថាញត្វង អនុលេខាប្រចាំការគណៈកម្មាធិការបក្សឃុំ ព្រមទាំងសមមិត្តជាសមាជិកអចិន្ត្រៃយ៍នៃគណៈកម្មាធិការបក្សឃុំ គណៈប្រតិបត្តិការនៃគណៈកម្មាធិការបក្ស ថ្នាក់ដឹកនាំបណ្តាការិយាល័យ គណៈ ផ្នែក អ្នករបាយការណ៍និងសិក្ខាកាមជិត៦០នាក់ ជាលេខា អនុលេខាសាខាបក្សភូមិ ប្រធាន អនុប្រធានគណៈប្រជាជនភូមិ និងប្រធានគណៈការងាររណសិរ្សនៅភូមិនានា ដែលកំពុងបំពេញការងារនៅឃុំឡុងភូ ដាយង៉ៃ និងឃុំទ្រឿងខាញ់។

ទិដ្ឋភាពនៃពិធីបើកវគ្គហ្វឹកហាត់ បំប៉នវិជ្ជាជីវៈជូនថ្នាក់ដឹកនាំភូមិ។

ក្នុងរយៈពេល ០៥ ថ្ងៃ សិក្ខាកាមនឹងបានបញ្ជ្រាបអំពីតួនាទី ភារកិច្ចរបស់លេខា អនុលេខាសាខាបក្សភូមិ ក្នុងទម្រង់រដ្ឋអំណាចភូមិភាគ ២ ថ្នាក់; បំណិនចាត់តាំង និងដឹកនាំប្រជុំសាខាបក្ស; ណែនាំការងារផ្សព្វផ្សាយ បញ្ជ្រាបសេចក្តីសម្រេចចិត្តរបស់សាខាបក្សភូមិ; ណែនាំរបៀបតាក់តែងលក្ខន្តិកៈធ្វើការ កសាងកម្មវិធី សេចក្តីសម្រេចរបស់សាខាបក្ស; មុខងារភារកិច្ច ទំនាក់ទំនងការងាររបស់សាខាបក្សភូមិ; ណែនាំប្រើប្រាស់កម្មវិធីសៀវភៅបង្កាន់ដៃបក្ខជនអេឡិចត្រូនិក; ណែនាំខ្លឹមសារមួយចំនួនអំពីកិច្ចការនយោបាយសតិអារម្មណ៍; ការងារត្រួតពិនិត្យ វាយតម្លៃ ចំណាត់ថ្នាក់គុណភាពចំពោះសមូហភាព បុគ្គល និងអនុវត្តវិមជ្ឈការគ្រប់គ្រងកម្មាភិបាល និងរៀបចំផែនការ តែងតាំង ឧទ្ទេសនាមបេក្ខជនឈរឈ្មោះបោះឆ្នោត។ មុខងារភារកិច្ច និងការទទួលខុសត្រូវរបស់ប្រធាន អនុប្រធានគណះប្រជាជនភូមិ; បំណិនសម្រុះសម្រួល ដោះស្រាយស្ថានការណ៍ និងដោះស្រាយរាល់បញ្ហាដែលកើតឡើងក្នុងសហគមន៍។ តួនាទី មុខងារ ភារកិច្ចរបស់ប្រធានគណៈការងាររណសិរ្សភូមិ; បំណិនសហការជាមួយសាខាបក្ស ប្រធានគណៈប្រជាជនភូមិ និងបណ្តាអង្គការនយោបាយ-សង្គម បំណិនពិនិត្យមើលការធ្វើវិវេចនាក្នុងសង្គម ការងារក្តាប់មតិសាធារណជន និងបំណិនចាំបាច់មួយចំនួនផ្សេងទៀត។

ថ្នាក់ដឹកនាំគណៈកម្មាធិការបក្សឃុំចូលរួមពិធីបើកវគ្គហ្វឹកហាត់។

វគ្គហ្វឹកហាត់នេះ សំដៅបំពាក់បំប៉ន បំពេញបន្ថែមបំណិនចាំបាច់ក្នុងការចាត់តាំងប្រជុំសាខាបក្ស; ដឹកនាំសកម្មភាពនៅភូមិ; ដោះស្រាយស្ថានការណ៍ដែលកើតមានឡើងជាក់ស្តែង សម្រុះសម្រួលនៅមូលដ្ឋាន ក្តាប់ស្ថានភាពប្រជាជន អនុវត្តការងារត្រួតពិនិត្យ ធ្វើវិវេចនាក្នុងសង្គម និងពង្រីកកម្លាំងមហាសាមគ្គីទូទាំងជនជាតិ។ វគ្គហ្វឹកហាត់ថែមទាំងជួយសិក្ខាកាមលើកកម្ពស់ស្មារតីភ្ញាក់រលឹក បំណិនអនុវត្តបច្ចេកវិទ្យាព័ត៌មាន បរិវត្តកម្មឌីជីថល និងទាញយកផលប្រកបដោយប្រសិទ្ធភាពពីឧបករណ៍បញ្ញាសិប្បនិម្មិត AI និងមូលដ្ឋានគ្រឹះឌីជីថលក្នុងការដឹកនាំ គ្រប់គ្រង ប្រតិបត្តិការនិងអនុវត្តភារកិច្ច រួមចំណែកផ្លាស់ថ្មីវិធីសាស្ត្រធ្វើការ លើកកម្ពស់គុណភាព ប្រសិទ្ធភាពសកម្មភាពរបស់កងជួរកម្មាភិបាលនៅមូលដ្ឋាន។

សុកកា- លីសៀ

ចែករំលែកអត្ថបទ

ពាក្យគន្លឹះ