(អ.ឡ) - នាព្រឹកថ្ងៃទី ២៥ ខែមិថុនា នៅសាកលវិទ្យាល័យវេជ្ជសាស្ត្រនិងឱសថសាស្ត្រកឹងធើ គណៈឃោសនាអប់រំនិងប្រជាចលនានៃគណៈកម្មាធិការបក្សទីក្រុងកឹងធើ បានចាត់តាំងពិធី​បិទ និងប្រគល់រង្វាន់ពិធីប្រឡងអ្នករាយការណ៍ និងអ្នកឃោសនាពូកែ នៅទីក្រុងកឹងធើ ឆ្នាំ ២០២៦។

លោកង្វៀងង៉ុកតឹម សមាជិកគណៈអចិន្ត្រៃយ៍ ប្រធានគណៈឃោសនាអប់រំនិងប្រជាចលនានៃគណៈកម្មាធិការបក្សទីក្រុងកឹងធើ បានប្រគល់រង្វាន់លេខ ១ បេក្ខជនត្រឹងវ៉ាំងផាក(បក្ខភាគយោធាទីក្រុងកឹងធើ)។

អញ្ជើញចូលរួមក្នុងពិធី​ រួមមាន លោកង្វៀងង៉ុកតឹមសមាជិកគណៈអចិន្ត្រៃយ៍ ប្រធានគណៈឃោសនាអប់រំនិងប្រជាចលនានៃគណៈកម្មាធិការបក្សទីក្រុងកឹងធើ លោកស្រី វ៉ធីមីត្រាង សមាជិកគណៈកម្មាធិការបក្សទីក្រុង អនុប្រធានក្រុមប្រឹក្សាប្រជាជនទីក្រុងកឹងធើ ថ្នាក់ដឹក​នាំបណ្តាមន្ទីរ គណៈ ផ្នែក សាលារៀន ឃុំ សង្កាត់នៅលើភូមិឋានទីក្រុង។

ប្រព្រឹត្តទៅចាប់ពីថ្ងៃទី ២២ ដល់ថ្ងៃទី ២៤ ខែមិថុនា ក្រោមប្រធានបទ “ឃោសនាអំពីសេចក្តីសម្រេចចិត្តនៃមហាសន្និបាតលើកទី XIV របស់បក្ស និងសេចក្តីសម្រេចចិត្តនៃមហាសន្និបាតបក្ខភាគគ្រប់លំដាប់ថ្នាក់ អាណត្តិកាល ២០២៥-២០៣០” ពិធីប្រឡងមានបេក្ខជនចូលរួមចំនួន ១១៣ រូប ដែលបានជ្រើសរើសពី ១០៩ ឃុំ សង្កាត់ និងគណៈកម្មាធិការបក្សចំណុះគណៈកម្មាធិការបក្សទីក្រុងកឹងធើ។ បេក្ខជនទាំងអស់បានប្រឡង៖ តាក់តែងគម្រោងសេចក្តីថ្លែងការណ៍ ថ្លែងការណ៍តាមប្រធានបទ និងចាប់ឆ្នោតឆ្លើយសំណួររបស់គណៈមេប្រយោគ។

លោកង្វៀងង៉ុកតឹម សមាជិកគណៈអចិន្ត្រៃយ៍ ប្រធានគណៈឃោសនាអប់រំនិងប្រជាចលនានៃគណៈកម្មាធិការបក្សទីក្រុងកឹងធើ ប្រធានគណៈចាត់តាំងពិធីប្រឡង ថ្លែងការណ៍បូកសរុប។

ថ្លែងការណ៍បូកសរុបពិធីប្រឡង លោកង្វៀងង៉ុកតឹម បានវាយតម្លៃ៖ តាមរយៈការប្រឡងបានបង្ហាញថា គុណភាពនៃកងជួរអ្នករាយការណ៍ និងអ្នកឃោសនារបស់ទីក្រុងបន្តបានលើកកម្ពស់។ នេះគឺជាប្រភពធនធានដ៏សំខាន់ដើម្បីបន្តកសាងកងជួរអ្នករាយការណ៍ និងអ្នកឃោសនាបន្តវេន ធានាការអភិវឌ្ឍប្រកបដោយចីរភាពនៃកិច្ចការឃោសនាផ្ទាល់មាត់ក្នុងពេលខាងមុខ។

ប្រធានបទជាច្រើនត្រូវបានរៀបចំយ៉ាងល្អិតល្អន់ ហ្មត់ចត់ កៀកជិតនឹងខ្លឹមសារស្នូល និងចំណុចថ្មីៗនៅក្នុងឯកសារមហាសន្និបាតលើកទី XIV របស់បក្ស និងសេចក្តីសម្រេចចិត្តនៃមហាសន្និបាតបក្ខភាគគ្រប់ជាន់ថ្នាក់ បង្ហាញពីគំនិតស្រាវជ្រាវ សមត្ថភាពបូកសរុប និងលើកយកឧទាហរណ៍ជាក់ស្តែងដ៏ជ្រាលជ្រៅ។ ជាពិសេស តាមរយៈពិធីប្រឡងបានបង្ហាញពីនិន្នាការផ្លាស់ថ្មីយ៉ាងខ្លាំងក្លាក្នុងវិធីសាស្ត្រឃោសនា ការទាញយកផលប្រកបដោយប្រសិទ្ធ​ភាពពីបច្ចេកវិទ្យាព័ត៌មាន ការអនុវត្តកម្មវិធីបញ្ចាំងស្លាយ រូបភាព វីដេអូឃ្លីប គំនូសបំព្រួញ និងក្រាហ្វិកបញ្ចាំង ដើម្បីលើកកម្ពស់គុណភាពនៃការឃោសនា។ ក្នុងការប្រឡងឆ្លើយសំណួរនិងដោះស្រាយស្ថានការណ៍ បេក្ខជនជាច្រើនបានបង្ហាញពីគោលជំហរនយោបាយរឹងមាំ មានសមត្ថភាព វិភាគ វែកញែក និងលើកយកឧទាហរណ៍ជាក់ស្តែងបានយ៉ាងល្អ។

លោកង្វៀងង៉ុកតឹម បានសំណូមពរថា ក្រោយពិពិធីប្រឡងនេះ គណៈកម្មាធិការបក្ស និងអង្គការបក្សគ្រប់ជាន់ថ្នាក់ ត្រូវបន្តយកចិត្តទុកដាក់កសាងកងជួរអ្នករាយការណ៍និងអ្នកឃោសនា បង្កលក្ខណៈនិងបរិយាកាសសកម្មភាពអំណោយផល ដើម្បីឱ្យកងជួរនេះពង្រីកតួនាទីបានល្អ។ អ្នករាយការណ៍និងអ្នកឃោសនាទាំងអស់ ចាំបាច់ត្រូវបន្តស្វ័យសិក្សា ស្វ័យស្រាវជ្រាវ ធ្វើបច្ចុប្បន្នភាពចំណេះដឹងថ្មីៗជាប្រចាំ លើកកម្ពស់កម្រិតទ្រឹស្តីនយោបាយ ជំនាញឃោសនា និងសមត្ថភាពអនុវត្តបច្ចេកវិទ្យាឌីជីថល ដើម្បីក្លាយជាកម្លាំងស្នូលពិតប្រាកដក្នុងកិច្ចការតម្រង់ទិសសតិអារម្មណ៍ ឃោសនា ចលនាមហាជននៅមូលដ្ឋាន។

លោកង្វៀងង៉ុកតឹម (ទី ៩ រាប់ពីស្តាំ) សមាជិកគណៈអចិន្ត្រៃយ៍ ប្រធានគណៈឃោសនាអប់រំ និងប្រជាចលនានៃគណៈកម្មាធិការបក្សទីក្រុងកឹងធើ និងលោកឡេវ៉ាំងដៀង (ទី ១០ រាប់ពីស្តាំ) សមាជិកគណៈកម្មាធិការបក្សទីក្រុង អនុប្រធានគណៈឃោសនាអប់រំនិងប្រជាចលនានៃគណៈកម្មាធិការបក្សទីក្រុងកឹងធើ ប្រគល់វិញ្ញាបនបត្រជូនបេក្ខជនទាំងឡាយដែលចូលរួមប្រឡង។

លោកស្រី វ៉ធីមីត្រាង សមាជិកគណៈកម្មាធិការបក្សទីក្រុង អនុប្រធានក្រុមប្រឹក្សាប្រជាជនទីក្រុងកឹងធើ និងលោកឡេវ៉ាំងដៀង សមាជិកគណៈកម្មាធិការបក្សទីក្រុង អនុប្រធានគណៈឃោសនាអប់រំ និងប្រជាចលនានៃគណៈកម្មាធិការបក្សទីក្រុងកឹងធើ ប្រគល់រង្វាន់លេខ ២ ជូនដល់បេក្ខជនទាំងឡាយ។

បេក្ខជនទាំងឡាយទទួលរង្វាន់លេខ ៣ ក្នុងពិធីប្រឡង។

ក្នុងពិធី​ គណៈចាត់តាំងបានប្រគល់វិញ្ញាបនបត្រដល់បេក្ខជនចំនួន ១១៣ រូបដែលចូលរួមប្រឡង។ គណៈចាត់តាំងប្រគល់រង្វាន់លេខ ១ ចំនួន ១ រង្វាន់លេខ ២ ចំនួន ៥ រង្វាន់លេខ ៣ ចំនួន ៦ និងរង្វាន់លើកទឹកចិត្តចំនួន ១១ ជូនដល់បេក្ខជនឆ្នើមទាំងឡាយ។ រង្វាន់លេខ ១ បានទៅលើបេក្ខជនត្រឹងវ៉ាំងផាក (បក្ខភាគយោធាទីក្រុងកឹងធើ)។

បេក្ខជនទាំងឡាយទទួលរង្វាន់លើកទឹកចិត្តក្នុងការប្រឡង។

គណៈចាត់តាំង គណៈមេប្រយោគ និងអ្នកតំណាងទាំងឡាយ អបអរសាទរបេក្ខជនដែលទទួលបានជ័យលាភីក្នុងពិធីប្រឡង៕

ដាំងហ្វិញ - សុផន