មហាសាមគ្គីជនជាតិ គំរូក្នុងសហគមន៍

07/01/2026 - 05:30

ប្រធានសាខាសមាគមប្តេជ្ញាចិត្តនឹងការងារសមាគម

កើតនៅឆ្នាំ ១៩៨១ ដោយមានជាង ១០ ឆ្នាំផ្សារភ្ជាប់នឹងការងារសមាគម បងស្រី លីវធីថាញទ្វៀង បានស្គាល់ថាជាគំរូដ៏ឆ្នើមក្នុងចលនាសមាគមសហព័ន្ធនារី និងសកម្មភាពសង្គមនៅភូមិភាគ។ មិនត្រឹមតែសម្រេចល្អភារកិច្ចមុខជំនាញប៉ុណ្ណោះទេ បងស្រីនៅទាំងរួមចំណែកយ៉ាងសកម្មក្នុងការពង្រឹង និងពង្រីកចលនាសមាគម លើកកម្ពស់ជីវភាពសម្ភារៈស្មារតីរបស់បងប្អូននារីទៀតផង។

បងស្រីលីវធីថាញទ្វៀង ប្រធានសាខាសមាគមនារីភូមិថើយធ្វឹង B។

ក្នុងនាមជាប្រធានសាខាសមាគម និងជាបក្ខជនគំរូនៃសាខាបក្សភូមិថើយធ្វឹង B ឃុំថើយឡាយ ទីក្រុងកឹងធើ បងស្រីទ្វៀង តែងពង្រីកតួនាទីស្នូលជាបក្ខជនម្នាក់ក្នុងការផ្សព្វផ្សាយ ចលនាសមាជិក និងប្រជាជនអនុវត្តគោលការណ៍ គោលនយោបាយរបស់បក្ស ច្បាប់របស់រដ្ឋ និងចលនាដែលសមាគមសហព័ន្ធនារីបំផុស។ បងស្រីតែងបំពាក់បំប៉ន ហ្វឹកហ្វឺន ចរិយាសម្បត្តិ ៤ យ៉ាងរបស់នារីវៀតណាម៖ ជឿជាក់លើខ្លួនឯង - គោរពខ្លួនឯង - ស្មោះត្រង់ សប្បុរស - ឧស្សាហ៍ប៉ិនប៉ៅ ក្លាយជាគំរូសម្រាប់បងប្អូននារីរៀនសូត្រនិងយកតម្រាប់តាម។

បងស្រី លីវធីយ៉ុង សមាជិកសាខាសមាគមនារី ភូមិថើយធ្វឹង B ឱ្យដឹង៖ “បងស្រីទ្វៀង ជាមនុស្សរួសរាយរាក់ទាក់ មានការទទួលខុសត្រូវខ្ពស់ ហើយតែងគោរពពាក្យសម្ដី ដូច្នេះគាត់បានបងប្អូននារីក្នុងសមាគមជឿទុកចិត្តយ៉ាងខ្លាំង”។

ទន្ទឹមនឹងនោះ បងស្រីទ្វៀង តែងឈានមុខក្នុងការអនុវត្តកម្មវិធីឧបត្ថម្ភបងប្អូននារីផ្តើមអាជីព សកម្មឧបត្ថម្ភបងប្អូននារីក្នុងការផ្តើមអាជីពនិងធ្វើអាជីវកម្មជោគជ័យ។ រយៈពេលកន្លង បងស្រីបានគ្រប់គ្រងប្រភពទុនប្រាក់កម្ចីពីធនាគារគោលនយោបាយសង្គម ដោយមានក្រុមប្រឹតសំចៃ និងកម្ចីដើមទុន៣ក្រុម ជួយគ្រួសារចំនួន ១៥៩ គ្រួបានបុលទុន សរុបទឹកប្រាក់ជាង ៥ ពាន់លានដុង រួមចំណែកជួយបងប្អូននារីជាច្រើនក្នុងភូមិមានលក្ខណៈអភិវឌ្ឍសេដ្ឋកិច្ច។ ក្រៅពីនោះ បងស្រីនៅទាំងទាក់ទងក្រុមហ៊ុនទទួលខុសត្រូវមានកម្រិតខាញ់វ៉ឹង ឃុំថើយឡាយ រៀបចំវគ្គបណ្តុះបណ្តាលវិជ្ជាជីវៈត្បាញកំប្លោកសម្រាប់បងប្អូននារីក្នុងភូមិជាង ១០ នាក់ បង្កបានការងារធ្វើជាប្រចាំ។

ក្រៅពីនេះ បងស្រីគឺជាអ្នកឈានមុខក្នុងការផ្សព្វផ្សាយទម្រង់ “និយាយថាទេចំពោះកាកសំណល់ប្លា ស្ទិក” និង “នារីប្រើប្រាស់អគ្គិសនីសុវត្ថិភាពនិងប្រិតសំចៃ” សហការចាត់តាំងផ្សព្វផ្សាយច្រើនលើកពីការបែងប្រភេទ និងច្នៃសំរាមជាលក្ខណៈគ្រួសារ រួមចំណែកកសាងទេសភាពបៃតង - ជ្រះ - ស្អាត និងលើកកម្ពស់គុណភាពទីក្រុងស៊ីវិល័យ។

ផ្តើមពីការរួមចំណែកជាក់ស្តែង បងស្រីលីវធីថាញទ្វៀង បានរដ្ឋអំណាចគ្រប់លំដាប់ថ្នាក់របស់ទីក្រុង ជូនបណ្ណសរសើរជាច្រើនឆ្នាំបន្តបន្ទាប់ ដោយមានស្នាដៃឆ្នើមក្នុងការងារសមាគមនិងចលនាសមាគមនារី។

លោក ហ្វិញថាញភឿង ប្រធានគណៈកម្មាធិការប្រជាជនឃុំថើយឡាយ វាយតម្លៃ៖ “បងស្រី លីវធីថាញទ្វៀង តែងជាគំរូល្អក្នុងការងារសមាគម អស់ពីចិត្តចូលរួមសកម្មភាពសង្គម ខ្នះខ្នែងចលនា និងឧបត្ថម្ភបងប្អូននារីក្នុងការអភិវឌ្ឍសេដ្ឋកិច្ច លើកកម្ពស់ការយល់ដឹងក្នុងសហគមន៍ និងរួមចំណែកកសាងផែនមហាសាមគ្គីទូទាំងប្រជាជននៅភូមិភាគ៕

ហុងទើ-មេងលី

ចែករំលែកអត្ថបទ

ពាក្យគន្លឹះ