សុខភាព - អប់រំ សុខភាព

07/07/2025 - 10:42

ការធ្វើលំហាត់ប្រាណ៣បែប ជួយខួរក្បាលមានសុខភាពល្អ

យោងតាមការសិក្សាមួយបានចុះផ្សាយលើទស្សនាវដ្តីវេជ្ជសាស្ត្រកីឡាអង់គ្លេស រាល់ការធ្វើលំហាត់ប្រាណ ទោះបីអនុវត្តល្បឿនបែបណាក៏ដោយ សុទ្ធសឹងជួយបង្កើនសុខភាពខួរក្បាលគួរឱ្យកត់សម្គាល់សម្រាប់មនុស្សគ្រប់វ័យ។

ការធ្វើលំហាត់ប្រាណគឺជាវិធីមួយដ៏ល្អ ដើម្បីការពារសុខភាពខួរក្បាលមនុស្សគ្រប់វ័យ។
រូបថត៖ Getty Images

តាមការសិក្សាស្រាវជ្រាវនេះ ក្រុមអ្នកជំនាញបានធ្វើការវិភាគអំពីការរកឃើញ ដកស្រង់ចេញពីការធ្វើហាត់ប្រាណ ១៣៣ បែប ដោយមានអ្នកចូលរួមប្រមាណជាង ២៥៨.០០០ នាក់។ ពួកគាត់បានរកឃើញភ័ស្តុតាំងយ៉ាងច្បាស់លាស់ ដែលបង្ហាញថា ការធ្វើលំហាត់ប្រាណធ្វើឱ្យការយល់ដឹង ការចងចាំនិងមុខងារ ប្រតិបត្តិការមានភាពល្អប្រសើរសម្រាប់មនុស្សគ្រប់វ័យ។ ជាក់ស្តែង ការធ្វើលំហាត់ប្រាណល្បឿនល្មមនាំមកលទ្ធផលសំខាន់បំផុតសម្រាប់ការចងចាំនិងមុខងារប្រតិបត្តិការ ខណៈពេលការធ្វើលំហាត់ប្រាណល្បឿនទាបនាំមកប្រយោជន៍ល្អបំផុតសម្រាប់មុខងារយល់ដឹងទូទៅ។ ក្រៅពីនោះ បន្ទាប់ពីពិនិត្យពីរបៀបចលនានីមួយៗ ក្រុមអ្នកស្រាវជ្រាវបានរកឃើញថា ហ្គេមវីដេអូសកម្ម (ហៅថា “exergame”) ផ្តល់អត្ថប្រយោជន៍សម្រាប់ការយល់ដឹងគួរឱ្យកត់សម្គាល់ បន្ទាប់មកគឺសកម្មភាព ហាត់ខួរក្បាលនិងរាងកាយ ដូចជាហាត់យោគៈនិងហាត់គុនតៃក្វាន់ដូ។

វិធីហាត់ប្រាណ៣បែបល្អបំផុតសម្រាប់សុខភាពខួរខ្បាល

+ យោគៈ (Yoga)។ បណ្ឌិត Anna Emanuel (ជនជាតិអាមេរិក) ឱ្យដឹង៖ យោគៈ គឺជាវិធីមួយហាត់តាមបែបបុរាណគួបផ្សំឥរិយាបថរូបសាស្ត្រ បច្ចេកទេសដកដង្ហើមនិងការតាំងសមាធិ។ ការគួបផ្សំទាំងនេះ គឺសម្រួលអារម្មណ៍ឱ្យមានភាព លំនឹង តាមរយៈនោះ ជួយខួរក្បាលមានសុខភាពល្អយ៉ាងប្រសិទ្ធភាព។ ជាងនេះទៅទៀត ការហាត់យោគៈថែមទាំងជួយបន្ធូរអារម្មណ៍ ផ្តើមពីនោះ ធ្វើឱ្យខួរក្បាលមានការចងចាំបានល្អ។ ការហាត់យោគៈ ក៏ជួយពង្រឹងស្រោមខួរក្បាល ផ្នែកខាងមុខ ដែលជាតំបន់នៃខួរក្បាលទទួលខុសត្រូវចំពោះការសម្រេចចិត្ត ការបង្កើតផែនការនិងការគ្រប់គ្រងអារម្មណ៍។ វិធីហាត់យោគៈល្អបំផុត គឺចាប់ផ្តើមហាត់ពីវគ្គខ្លីៗ រយៈពេលពី២០-៣០ នាទី ហាត់ពី ២-៣ ដងក្នុងមួយសប្តាហ៍។

+ តៃក្វាន់ដូ នេះជាក្បាច់គុនបុរាណរបស់ចិន គួបផ្សំនឹងការចលនាយឺតៗ និងការដកដង្ហើមវែងៗ ដើម្បីរក្សាតុល្យភាពថាមពលរាងកាយ។ “កាយវិការទាំងនេះ មានប្រយោជន៍ធ្វើឱ្យអារម្មណ៍ រាងកាយនិងការដកដង្ហើមមានភាពលំនឹង” លោកស្រី Emanuel បានស្រាយបំភ្លឺយ៉ាងដូច្នេះ។ បណ្ឌិតចិត្តសាស្ត្រផ្នែកខាងសរសៃប្រសាទ លោក Sanam Hafeez (ជនជាតិអាមេរិក) បានចែករំលែកថា ការហាត់គុនតៃក្វាន់ដូ ជំរុញសុខភាពយល់ដឹងយ៉ាងមានប្រសិទ្ធភាពជាងការធ្វើលំហាត់ប្រាណបែបផ្សេងៗ ព្រោះវាផ្តោតទៅលើកាយវិការយឺតៗ ក្នុងគោលដៅដើម្បីភ្ជាប់រាងកាយនិងអារម្មណ៍។ ប្រការនេះធ្វើឱ្យសកម្មតំបន់ខួរក្បាល ដែលទទួលខុសត្រូវចំពោះមុខងារចងចាំនិងមុខងារចលនា។

ក្រៅពីនោះ អ្នកហាត់ក្បាច់គុនតៃក្វាន់ដូ ត្រូវចងចាំនូវកាយវិការមួយចំនួនឱ្យបានច្បាស់លាស់ ប្រការនេះប្រឈមនឹងការចងចាំ ផ្តើមពីនោះ ហាត់ខួរក្បាលរបស់អ្នក។ ដូចគ្នានឹងការហាត់យោគៈដែរ លំហាត់ប្រាណបែបនេះគឺជួយកាត់បន្ថយភាពតានតឹង ជួយលំនឹងអារម្មណ៍និងការចងចាំបានល្អ។ ដើម្បីទទួលអត្ថប្រយោជន៍បង្កើនមុខងារចងចាំធំបំផុត អ្នកគប្បីហាត់គុនតៃក្វាន់ដូយ៉ាងហោចណាស់បាន ៣ ដងក្នុងមួយសប្តាហ៍ ហាត់ក្នុងមួយលើកៗពី ២០-៦០នាទី។ ល្អបំផុតគឺហាត់ជាក្រុម។

ហ្គេមវីដេអូសកម្ម វិញ្ញាសានេះតម្រូវឱ្យអ្នកហាត់មានសកម្មភាពខាងកាយសម្បទា ដើម្បីអន្តរកម្មជាមួយល្បែងកម្សាន្ត ធ្វើឱ្យការលំហាត់ប្រាណមានភាពទាក់ទាញនិងរំញោចការយល់ដឹងយ៉ាងមានប្រសិទ្ធភាព។ ដើម្បីបង្កើនអត្ថប្រយោជន៍នៃការយល់ដឹង គប្បីជ្រើសរើសហ្គេមវីដេអូដែលពាក់ព័ន្ធដល់ការចលនាមានភាពស្មុគស្មាញនិងការសម្រេចចិត្ត ដូចជាល្បែងលំនាំកីឡា ឬផ្អែកលើចង្វាក់បេះដូង។ ហាត់យ៉ាងហោចណាស់ពី ២០- ៣០ នាទីនិងពី ៣ - ៥ ដងក្នុងមួយសប្តាហ៍៕

កាសែតកឹងធើ-មុនី

ចែករំលែកអត្ថបទ

ពាក្យគន្លឹះ