កីឡា - ទេសចរណ៍ កីឡា

21/11/2025 - 06:02

ប៉េតង់ ជាវិញ្ញាសាកីឡាបង្កើតក្រោយតែមានគុណភាព

រយៈពេលជិត១០ឆ្នាំបង្កើតនិងអភិវឌ្ឍក្លឹបកីឡាប៉េតង់នៃសាកលវិទ្យាល័យត្រាវិញ សង្កាត់ហ្វាទ្វឹង ខេត្តវិញឡុង មិនត្រឹមតែបង្កើតទីលានលេងកម្សាន្តដ៏មានប្រយោជន៍សម្រាប់សិស្ស និស្សិតប៉ុណ្ណោះទេ ថែមទាំងរួមចំណែកធ្វើឱ្យសាយភាយអត្ថន័យជាក់ស្តែងនៃវិញ្ញាសាកីឡាប៉េតង់ដល់សហគមន៍ទៀតផង។

សមាជិកក្លឹបកីឡាប៉េតង់នៃសាកលវិទ្យាល័យត្រាវិញ កំពុងផ្ដុំកម្លាំងហ្វឹកហាត់
ដើម្បីត្រៀមបម្រុងឱ្យការប្រកួតខាងមុខ។

ក្លឹបកីឡាប៉េតង់នៃសាកលវិទ្យាល័យត្រាវិញ បានបង្កើតនៅឆ្នាំ ២០១៥ មុនដំបូងមានសមាជិកត្រឹមតែ ៨ នាក់ប៉ុណ្ណោះ ដែលភាគច្រើន ជាគ្រូបង្រៀនផ្នែកវិញ្ញាសាកីឡាអប់រំកាយ។ ប៉ុន្តែ ចាប់តាំងពីសាលាបានបង្កើតផ្នែកលត់ដំកាយសម្បទា ឆ្នាំ ២០២៤ ក្លឹបបានទាក់ទាញសមាជិក ចំនួន ២៥ នាក់ រួមទាំងគ្រូនិងនិស្សិតរបស់សាលាចូលរួមហ្វឹកហាត់ប្រកួតជារឿយៗ។

តាមប្រសាសន៍លោកគ្រូ ចឿងក្វឹកថាយ ប្រធានក្លឹប ជារៀងរាល់ថ្ងៃនៅវេលាម៉ោង ៥ ល្ងាច សមាជិកទាំងអស់បានប្រមូលផ្តុំគ្នានៅព្រលានប៉េតង់របស់សាលា ដើម្បីរួមគ្នាហ្វឹកហាត់ លើកកម្ពស់បច្ចេកទេស។ វិញ្ញាសាកីឡាប៉េតង់មិនទាមទារអ្នកលេងមានកម្លាំងច្រើន ឬបច្ចេកទេសស្មុគស្មាញទេ អ្នកលេងគ្រាន់តែបោះគ្រាប់ប៉ូលរបស់ខ្លួនឱ្យជិតនឹងគ្រាប់ប៉ូលគោលដៅប៉ុណ្ណោះ។ ស្តាប់ទៅហាក់ដូចជាងាយស្រួល ប៉ុន្តែកីឡាប៉េតង់ទាមទារភាពប៉ិនប្រសប់ យុទ្ធសាស្ត្រ និងសមត្ថភាពសហការនៃមិត្តរួមក្រុម ដោយសារកត្តាខាងលើ ទើបបង្កើតភាពទាក់ទាញពិសេសសម្រាប់វិញ្ញាសាកីឡានេះ។

លោកគ្រូគៀងហូវ សមាជិកក្លឹបបានចែករំលែក៖ “ខ្ញុំលេងកីឡាប៉េតង់ប្រហែល ១៤ ឆ្នាំ មកហើយ ខ្ញុំពិតជាចូលចិត្តវិញ្ញាសាកីឡានេះណាស់ ព្រោះវាជួយលើកកម្ពស់សុខភាពនិងភាពមាំមួន។ នៅពេលខ្ញុំប្រកួតទោលគូ ឬក្រុមបីនាក់ ខ្ញុំតែងគិតគូររាល់ជំហានក្នុងការបោះគ្រាប់ប៉ូល ខិតខំធ្វើយ៉ាងណាដើម្បីសម្រេចបានលទ្ធផលល្អបំផុត”។

ចាប់តាំងពីបង្កើតមកដល់បច្ចុប្បន្ន ក្លឹបកីឡាប៉េតង់នៃសាកលវិទ្យាល័យត្រាវិញ បាននាំមកនូវស្នាដៃជាច្រើន រួមមាន៖ មេដាយមាស ១ គ្រឿង ក្នុងពិធីប្រកួតតំបន់តីណាមបូឆ្នាំ ២០១៧ នៅខេត្តបាកលីវ (ចាស់) មេដាយសំរឹទ្ធ ២ គ្រឿង ឆ្នាំ ២០២២ នៅខេត្តសុកត្រាំង (ចាស់) រួមជាមួយនឹងរង្វាន់ជាច្រើនទៀតក្នុងខេត្ត។

“ដើម្បីពង្រីកស្នាដៃដែលសម្រេចបានរំពឹងថានៅពេលខាងមុខនឹងមានពិធីប្រកួតជាច្រើន ចាប់ពីការប្រកួតដោះដូររហូតដល់ការប្រកួតអាជីពនៅតំបន់វាលរាបទន្លេគឺវឡុងនិងការប្រកួតថ្នាក់ជាតិ នឹងបានរៀបចំកាន់តែច្រើន ដើម្បីកីឡាករ-កីឡាការិនីមានឱកាសសាកល្បងសមត្ថភាពនិងបំពេញចំណង់ចំណូលចិត្តរបស់ខ្លួន។ ទន្ទឹមនឹងនោះ រួមចំណែកអនុវត្តចលនា “ទូទាំងប្រជាជនសាមគ្គីកសាងជីវភាពវប្បធម៌” និងការចលនា “ទូទាំងប្រជាជនលត់ដំកាយសម្បទាតាមគំរូអ៊ំហូដ៏មហិមា”; ទាញយក អភិរក្សនិងពង្រីកវិញ្ញាសាកីឡាជនជាតិតាមទិសដៅកសាងវប្បធម៌វៀតណាមជឿនលឿន ដិតដាមដោយអត្តសញ្ញាណជនជាតិ” - លោកគ្រូង្វៀងថាញសើុង ប្រធានផ្នែកលត់ដំកាយសម្បទានៃសាកលវិទ្យាល័យត្រាវិញ បានផ្ដល់ព័ត៌មានដូច្នេះ៕

ថាញវ៉ាង -ថាច់ធី

ចែករំលែកអត្ថបទ

ពាក្យគន្លឹះ