គោលនយោបាយ -ការរស់នៅ គោលនយោបាយ

02/12/2025 - 12:57

ភាពរីករាយចំពោះការផ្លាស់ថ្មីពីគោលនយោបាយជនជាតិ

ប៉ុន្មានឆ្នាំជិតៗនេះ គោលនយោបាយជនជាតិ បានធ្វើឱ្យមានការផ្លាស់ប្តូរយ៉ាងសកម្មក្នុងជីវភាពជនជាតិភាគតិចនៅ ទីក្រុងកឹងធើ។ ការឧបត្ថម្ភសង់លំនៅឋាននិងរបររកស៊ីចិញ្ចឹមជីវិតបានជួយមាមីងលំនឹងជីវភាព ឈានឡើងចាកភាពក្រីក្រ។

ប្រជាជននៅសង្កាត់វិញភឿក រីករាយពេលបានឧបត្ថម្ភសង់ផ្ទះថ្មី។

ដោយបានការយកចិត្តទុកដាក់អំពីរដ្ឋអំណាចភូមិភាគគ្រប់ជាន់ថ្នាក់ សង្កាត់វិញភឿកនិងឃុំកូវឡាវយុង ទីក្រុងកឹងធើ ជំរុញខ្លាំងការអនុវត្តនូវគោលនយោបាយជនជាតិ ហើយបានបង្កលក្ខណៈជាច្រើនដើម្បីប្រជាជនភូមិភាគមានការរីកចម្រើន។ ការអនុវត្តកម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោមនិងកម្មវិធីទិសដៅជាតិ បន្ថយភាពក្រីក្រចីរភាព ដើម្បីជំរុញការផ្លាស់ប្តូរយ៉ាងសកម្ម។

នៅសង្កាត់វិញភៀក កម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោម បានអនុវត្តមានបែបបទនិងស្របតាមដំណើរការសាងសង់។ យោងតាមស្ថិតិ ទូទាំងសង្កាត់មានផ្ទះបណ្តោះអាសន្ន ផ្ទះទ្រុឌទ្រោមចំនួន ២៣៤ ខ្នងដែលត្រូវការឧបត្ថម្ភសាងសង់។ ក្នុងនោះ មានគ្រួសារក្រីក្រ និងកែ្បរក្រ ចំនួន ១៩៣ គ្រួ គ្រួសារគោលនយោបាយចំនួន ២៣ គ្រួ និងគ្រួសារជនជាតិភាគតិចចំនួន ១៨គ្រួ។ ផ្តើមពីប្រភពទុននៃកម្មវិធី ភូមិភាគបានឧបត្ថម្ភសាងសង់ទាំងអស់ ១៣៨ ខ្នង សរុបថវិកាជាង ១០ ពាន់លានដុង ដើម្បីសាងសង់ថ្មីនិងជួសជុល ជួយឱ្យប្រជាជនមានទីលំនៅសមរម្យនិងលំនឹងជីវភាព។

បងស្រីឡឹមធីហ្វេត នៅភូមិវិញថាញ់ ចែករំលែក៖ “ខ្ញុំរស់នៅម្នាក់ឯង គ្មានប្តីគ្មានកូន។ ពីមុនផ្ទះទ្រុឌទ្រោមដល់រដូវភ្លៀងខ្យល់ម្តងៗពិបាកណាស់។ ឥឡូវមានផ្ទះថ្មីរឹងមាំ ខ្ញុំសប្បាយចិត្តនិងអរគុណរដ្ឋអំណាចភូមិភាគណាស់ដែលបានឧបត្ថម្ភសង់ផ្ទះឱ្យខ្ញុំ”។

នៅឃុំកូវឡាវយុង កម្មវិធីទិសដៅជាតិបន្ថយភាពក្រីក្រដោយចីរភាព កំពុងពង្រីកប្រសិទ្ធភាពជាក់ស្តែងតាមរយៈការឧបត្ថម្ភដល់ជីវភាពរស់នៅរបស់មាមីង។ គ្រួសារក្រីក្រនិងក្បែរក្រជាច្រើនបានជំនួយគោមេពូជនិងគោសាច់ដើម្បីអភិវឌ្ឍសេដ្ឋកិច្ចគ្រួសារនិងបង្កើនប្រាក់ចំណូល។

គ្រួសារពូឡឹមវុាំងតីនិងមីងឡឹមធីអ៊ុក នៅភូមិអាងខ្វើយ ឃុំកូវឡាវយុង ជាគ្រួសារក្របានទទួលរបបគោលនយោបាយ។ ប្តីប្រព័ន្ធពូបានឧបត្ថម្ភគោ ២ ក្បាលដើម្បីអភិវឌ្ឍរបរចិញ្ចឹមជីវិត។ ពូតី រ៉ាយរ៉ាប់៖ “អាស្រ័យបានឧបត្ថម្ភគោ ទើបគ្រួសារខ្ញុំមានភាពលំនឹងជាង។ ប្រសិនបើគោកើតកូនល្អ គឺពីរបីឆ្នាំទៀត ប្តីប្រព័ន្ធខ្ញុំនឹងរួចចាកផុតភាពក្រីក្រ។ យើងខ្ញុំសូមអំណរគុណរដ្ឋអំណាចដែលបានយកចិត្តទុកដាក់ជួយយើងខ្ញុំទាន់ពេល។”

លោកង្វៀងវុាំងដាក់ អនុប្រធានគណៈកម្មាធិការប្រជាជនឃុំកូវឡាវយុង មានប្រសាសន៍៖ “គោលនយោបាយជនជាតិបាននិងកំពុងបង្កការផ្លាស់ប្តូរយ៉ាងសកម្មក្នុងការអភិវឌ្ឍសេដ្ឋកិច្ច- សង្គមតំបន់ជនជាតិភាគតិច។ អាស្រ័យការចូលរួមព្រមៗគ្នាពីគ្រប់ផ្នែក អង្គការមហាជននិងរដ្ឋអំណាចភូមិភាគក្នុងការអនុវត្តគោលនយោបាយជនជាតិ បានជួយឱ្យមាមីងលំនឹងជីវភាព អភិវឌ្ឍរបររកស៊ីនិងបង្កើនប្រាក់ចំណូល”៕

ហុងទើ-ត្រឹងរ៉ូន

ចែករំលែកអត្ថបទ

ពាក្យគន្លឹះ