កីឡា - ទេសចរណ៍ កីឡា

05/12/2025 - 05:44

អភិរក្សនិងពង្រីកវិញ្ញាសាកីឡាជនជាតិ ល្បែងប្រជាប្រិយ

ការអភិរក្សនិងពង្រីកវិញ្ញាសាកីឡាជនជាតិ ល្បែងប្រជាប្រិយ គឺជាកិច្ចការដ៏សំខាន់និងចាំបាច់ដែលត្រូវបានផ្តល់អាទិភាពជាចម្បងក្នុងដំណាក់កាលខាងមុខ។

 បេក្ខជនប្រកួតវិញ្ញាសាកីឡារុញឈើ។

យុទ្ធសាស្ត្រសម្រាប់ការអភិវឌ្ឍកីឡាអប់រំកាយវៀតណាមដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥ បានកំណត់ច្បាស់អំពីភារកិច្ចអភិរក្សនិងពង្រីកតម្លៃនៃវិញ្ញាសាកីឡាជនជាតិនិងល្បែងប្រជាប្រិយ។ យុទ្ធសាស្ត្រនេះ បានគូសបញ្ជាក់អំពីការអភិវឌ្ឍកីឡាកម្សាន្ត និងកីឡាដែលផ្សារភ្ជាប់នឹងទេសចរណ៍ ពិធីបុណ្យទានផ្សេងៗ តាមទិសដៅសម្បូរបែប ពិសេសនិងធានាសុវត្ថិភាព។

ផ្សព្វផ្សាយអំពីភារកិច្ចសំខាន់ៗ

ក្រសួងវប្បធម៌ កីឡានិងទេសចរណ៍ បានអះអាងថា ការអភិរក្សនិងពង្រីកវិញ្ញាសាកីឡាជនជាតិ គឺជាភារកិច្ចមួយដ៏សំខាន់និងចាំបាច់ក្នុងដំណាក់កាលខាងមុខ។

ដើម្បីធ្វើឱ្យជាក់ច្បាស់គោលការណ៍នេះ នាយកដ្ឋានកីឡាអប់រំកាយវៀតណាម បានលើកឡើងនូវភារកិច្ចនិងដំណោះស្រាយសំខាន់ៗចំនួន៥។ ក្នុងនោះ គឺកិច្ចសហការយ៉ាងជិតស្និទ្ធជាមួយវិទ្យាស្ថានកីឡាអប់រំកាយ ដើម្បីធ្វើសេនាធិការជូនក្រសួងវប្បធម៌ កីឡានិងទេសចរណ៍ ដាក់ចេញនិងផ្សព្វផ្សាយគម្រោង “អភិរក្សនិងពង្រីកវិញ្ញាសាកីឡាជនជាតិ ល្បែងប្រជាប្រិយនិងក្បាច់គុនបុរាណ” ដល់ឆ្នាំ២០៣០។

បណ្តាអង្គភាពទាំងឡាយដែលពាក់ព័ន្ធសហការជាមួយក្រសួង គណៈ ផ្នែកនិងមន្ទីរនៅខេត្ត ក្រុងនានា ដើម្បីកសាងនិងផ្សព្វផ្សាយអំពីគម្រោងការអភិរក្ស ពង្រីកតម្លៃវប្បធម៌ប្រពៃណីសមស្របតាមមុខងារនិងស្ថានភាពជាក់ស្តែងរបស់ភូមិភាគ។ ក្នុងនោះ ក៏បានស្នើឱ្យផ្សព្វផ្សាយអនុវត្តភារកិច្ចស្រាវជ្រាវ អភិរក្សនិងពង្រីកវិញ្ញាសាកីឡាជនជាតិ ល្បែងប្រជាប្រិយក្នុងគម្រោង ០៦ អំពីការ “អភិរក្សនិងពង្រីកតម្លៃវប្បធម៌ប្រពៃណីដ៏ផូរផង់របស់ជនជាតិភាគតិច ផ្សារភ្ជាប់នឹងការអភិវឌ្ឍទេសចេណ៍” ដំណាក់កាល២០២១-២០៣០។ ទន្ទឹមនឹងនោះ សហការផ្សព្វផ្សាយមានប្រសិទ្ធភាពកម្មវិធីអំពីការអភិវឌ្ឍកីឡាអប់រំកាយនៅមូលដ្ឋាន ជាពិសេសគឺនៅតំបន់ភ្នំ តំបន់ព្រំដែននិងតំបន់ជនជាតិភាគតិច។

គោលនយោបាយនិងដំណោះស្រាយការប្រកួត

មុននេះ ក្រសួងវប្បធម៌ កីឡានិងទេសចរណ៍ បានចេញសារាចរលេខ១២/២០១៤/TT-BV HTTDL អំពីគោលនយោបាយអភិវឌ្ឍវិញ្ញាសាកីឡាប្រពៃណីរបស់ជនជាតិភាគតិច។ ឯកសារនេះបានលើកឡើងអំពីការឧបត្ថម្ភសម្រាប់ការប្រមែប្រមូល ស្រាវជ្រាវ អភិរក្សនិងការផ្សព្វផ្សាយល្បែងប្រជាប្រិយនិងកីឡាប្រពៃណីរបស់ជនជាតិភាគតិច។ ស្ថាប័នដែលពាក់ព័ន្ធនឹងជ្រើសរើសល្បែងប្រជាប្រិយ និងវិញ្ញាសាកីឡាប្រពៃណីមួយចំនួនរបស់ជនជាតិភាគតិចដែលគ្រប់លក្ខណៈ ដើម្បីដាក់បញ្ចូលក្នុងប្រព័ន្ធការប្រកួតកីឡាមហាជនថ្នាក់ជាតិ។

ទន្ទឹមនឹងការរៀបចំល្បែងប្រជាប្រិយ និងវិញ្ញាសាកីឡាជនជាតិនៅក្នុងពិធីថ្ងៃបុណ្យទានផ្សេងៗ ការប្រកួតកីឡាគឺមានសារៈសំខាន់។ អំពីទ្រង់ទ្រាយចាត់តាំង គឺ២ឆ្នាំម្តងនឹងចាត់តាំងពិធីប្រកួតកីឡាជនជាតិភាគតិច ចាប់ពីថ្នាក់មូលដ្ឋានដល់ទូទាំងប្រទេស។ ចំណែកមហាសន្និបាតកីឡាជនជាតិ នឹងចាត់តាំងឡើង៤ឆ្នាំម្តង សំដៅលើកកម្ពស់តួនាទីនិងការរីកសាយភាយនៃវិញ្ញាសាកីឡាប្រពៃណី៕

សុផន (សរុប)-មុនី

ចែករំលែកអត្ថបទ

ពាក្យគន្លឹះ