សុខភាព - អប់រំ សុខភាព

04/12/2025 - 08:31

ក្តីរីករាយពីប័ណ្ណធានារ៉ាប់រងសុខាភិបាល

ជាច្រើនឆ្នាំមកនេះ ទីក្រុងកឹងធើ បានអនុវត្តគោលនយោបាយឧបត្ថម្ភប័ណ្ណធានារ៉ាប់រងសុខាភិ បាល ១០០% ដល់គ្រួសារជនជាតិភាគតិចដែលមានស្ថានភាពលំបាក។ គោលនយោបាយមនុស្ស ធម៌នេះមិនត្រឹមតែជួយជនជាតិភាគតិចកៀកជិតនឹងសេវាសុខាភិបាលបានល្អប៉ុណ្ណោះទេ ថែមទាំងរួមចំណែកលំនឹងជីវភាព បន្ថយភាពក្រីក្រដោយចីរភាពទៀតផង។

មានប័ណ្ណធានារ៉ាប់រងសុខាភិបាល មាមីងជនជាតិភាគតិចបានបន្ថយថ្លៃពិនិត្យនិងព្យាបាលជំងឺ។

តាមគណៈកម្មាធិការប្រជាជនឃុំញូយ៉ា ជាច្រើនឆ្នាំមកនេះ ឃុំបានសហការជាមួយអង្គការមហាជនរបស់ភូមិនានា ធ្វើការឃោសនា ចលនាជនជាតិភាគតិចដែលមិនទាន់ មានប័ណ្ណធានារ៉ាប់រងសុខាភិបាល ធ្វើបែបបទសុំផ្តល់ប័ណ្ណធានារ៉ាប់រងសុខាភិបាល។ មកទល់ពេលនេះ គ្រួសារជនជាតិភាគតិចស្ទើរតែទាំង អស់ បំផុតគឺគ្រួសារជនរួមជាតិខ្មែរសុទ្ធតែមានប័ណ្ណធានារ៉ាប់រងសុខាភិបាល ដើម្បីមានលក្ខណៈ ពិនិត្យនិងព្យាបាលជំងឺ។

តាមប្រសាសន៍លោកស្រី វ៉ូធីភឿងថាវ ប្រធានការិយាល័យវប្បធម៌ - សង្គមឃុំញូយ៉ា ដោយសារមានគោលនយោបាយធានារ៉ាប់រងសុខាភិបាល បានជួយបន្ថយការចំណាយគួរឱ្យកត់សម្គាល់ក្នុងការពិនិត្យនិងព្យាបាលជំងឺ រួមចំណែកលំនឹងជីវភាពនិងបន្ថយហានិភ័យក្រឡើង វិញដោយសារជំងឺថ្កាត់របស់ប្រជាជន។ ក្នុងពេល ខាងមុខ បន្តជំរុញការឃោសនា ចលនាលើក កម្ពស់ការយល់ដឹងរបស់ប្រជាជនអំពីការថែទាំសុខភាពទូទាំងប្រជាជន និងលើកកម្ពស់ស្មារតីស្ម័គ្រចិត្តចូលរួមធានារ៉ាប់រងសុខាភិបាលជា លក្ខណៈគ្រួសារ។ សហការស្អិតល្មួតជាមួយនឹង ធានារ៉ាប់រងសង្គមមូលដ្ឋានក្នុងការត្រួតពិនិត្យ ផ្តល់ជូននិងពន្យាពេលប័ណ្ណធានារ៉ាប់រងសុខាភិបាល ចំមុខសញ្ញាដែលបានទទួលផលពីថវិកា រដ្ឋឧបត្ថម្ភ បង្កទំនុកចិត្តជូនប្រជាជនពេលមក ពិនិត្យនិងព្យាបាលជំងឺ។

បងស្រី តូធីហ្វិញហួង នៅភូមិព្រែកឆ្វេង ឃុំ ញូយ៉ា បានឧបត្ថម្ភប័ណ្ណធានារ៉ាប់រងសុខាភិបាល ឱ្យដឹង៖ “គ្រួសារខ្ញុំដាំដំណាំរួមផ្សំ ២ កុង និងធ្វើ ស្រែ ៣ កុង បានគ្រប់តែគិតគូរជីវភាពប្រចាំថ្ងៃ ប៉ុណ្ណោះ។ ថ្មីៗនេះ ខ្ញុំចូលមន្ទីរពេទ្យព្យាបាលជំងឺរលាកខ្នែងឆ្អឹងខ្នង ដោយសារមានប័ណ្ណធានារ៉ាប់រងសុខាភិបាល ទើបគ្រួសារខ្ញុំមិនសូវបង់ ខាត។ រាល់សប្តាហ៍ ខ្ញុំតែងមកមន្ទីរពេទ្យពហុព្យា បាលសុកត្រាំងពិនិត្យជំងឺនិងយកថ្នាំផឹកដោយឥតគិតថ្លៃ បានរដ្ឋយកចិត្តទុកដាក់ឧបត្ថម្ភដូច្នេះ ខ្ញុំមានសេចក្តីត្រេកអរក្រៃលែង”។

តួយ៉ាងដូចអ្នកមីង ថាច់សាវិត នៅសង្កាត់ សុកត្រាំង មានស្ថានភាពគ្រួសារលំបាក គាត់ធ្វើការផ្ទះឱ្យគេដើម្បីចិញ្ចឹមចៅ៣នាក់ ប្រាក់ចំណូលគ្រាន់តែគ្រប់ហូបចុកប្រចាំថ្ងៃប៉ុណ្ណោះ អ្នក មីងសាវិត ឱ្យដឹង៖ “ថ្មីៗនេះ ខ្ញុំមានអាការៈហេវ ហត់ ពិបាកដកដង្ហើម ហេតុនោះ ខ្ញុំទៅមន្ទីរពេទ្យពហុព្យាបាលសុកត្រាំងពិនិត្យជំងឺ គ្រូពេទ្យបានឱ្យទៅថតកាំរស្មីអ៊ិចនិងឆ្លុះអេកូ ដោយសារមានប័ណ្ណធានារ៉ាប់រង ទើបមិនសូវបង់ប្រាក់ច្រើន។ ឥឡូវនេះ កន្លងមួយសប្តាហ៍ គឺខ្ញុំទៅពិនិត្យជំងឺម្តង ដើម្បីឱ្យគ្រូពេទ្យពិគ្រោះ និងជូនថ្នាំផឹកព្យាបាលជំងឺសឹកឆ្អឹងក និងសម្ពាធឈាម”។

គោលនយោបាយផ្តល់ជូនប័ណ្ណធានារ៉ាប់រងសុខាភិបាលដល់ជនជាតិភាគតិចដែលមាស្ថាន ភាពលំបាក មិនត្រឹមតែជួយថែទាំសុខភាពបានល្អប្រសើរជាងប៉ុណ្ណោះទេ ថែមទាំងបង្កើនអត្រាចូលរួមធានារ៉ាប់រងសុខាភិបាល និងលើកកម្ពស់សុខភាពជនរួមជាតិទៀតផង។ នេះជាភ័ស្តុតាងបញ្ជាក់ពីការយកចិត្តទុកដាក់ទាន់ពេលរបស់ បក្ស និងរដ្ឋ ជួយជនរួមជាតិកៀកជិតនឹងសេវាសុខាភិបាលកាន់តែងាយស្រួលពីមួយថ្ងៃទៅមួយថ្ងៃ៕

ដាលីន-វិមាន

ចែករំលែកអត្ថបទ

ពាក្យគន្លឹះ