វប្បធម៌-សិល្បៈ សិល្បៈ

21/11/2025 - 06:02

ជនរួមជាតិខ្មែរនៅទីក្រុងកឹងធើ ព្រួតដៃអភិរក្សបេតិកភណ្ឌវប្បធម៌ជនជាតិ

បេតិកភណ្ឌវប្បធម៌ រួមមានបេតិកភណ្ឌវប្បធម៌រូបីនិងអរូបី ដែលជាផលិតផលផ្នែកស្មារតី សម្ភារៈ មានតម្លៃប្រវត្តិសាស្ត្រ វប្បធម៌និងវិទ្យាសាស្ត្រ បានបន្សល់ទុកពីជំនាន់មួយទៅជំនាន់មួយ បង្ហាញពីអត្តសញ្ញាណរបស់សហគមន៍។ ទីក្រុងកឹងធើ ជាកន្លែងមានជនរួមជាតិខ្មែររស់នៅកុះករ នៅទីនេះ សហគមន៍ជនរួមជាតិខ្មែររួមជាមួយនឹងរដ្ឋអំណាចភូមិភាគ តែងយកចិត្តទុកដាក់អភិរក្សនិងពង្រីកតម្លៃបេតិកភណ្ឌវប្បធម៌ រួមចំណែកអភិរក្សអត្តសញ្ញាណពិសេសដោយឡែករបស់ជនជាតិ។

 ប្អូនៗយុវជនហាត់របាំឆៃយុាំនៅវត្តសេរីកណ្តាល។

តាមតួលេខរបស់នាយកដ្ឋានបេតិកភណ្ឌ វប្បធម៌ បច្ចុប្បន្ន ជនរួមជាតិខ្មែរមានបេតិកភណ្ឌវប្បធម៌អរូបីចំនួន ១៥ បានចុះក្នុងបញ្ជីបេតិកភណ្ឌវប្បធម៌អរូបីជាតិ។ ក្នុងនោះ តីនិញ កាម៉ាវ និងដុងណាយ ខេត្តនីមួយៗមានបេតិកភណ្ឌចំនួនមួយ; វិញឡុងនិងអាងយ៉ាង ខេត្តនីមួយៗមានបេតិកភណ្ឌចំនួនបី; ចំណែកកឹងធើ មានបេតិកភណ្ឌច្រើនបំផុតគឺចំនួន ៦ ជាសំខាន់មាន ៤ ប្រភេទ៖ សិល្បៈសម្តែងប្រជាប្រិយ; ពិធីបុណ្យប្រពៃណី; ចំណេះដឹងប្រជាប្រិយ; ពិធីបុណ្យប្រពៃណី ទំនៀមទម្លាប់សង្គម និងជំនឿ។

ព្រះតេជព្រះគុណ ថាច់ហុង ព្រះចៅអធិការវត្តសេរីកណ្ដាល សង្កាត់វិញភឿក មានថេរដីកា៖ ដើម្បីអភិរក្សបេតិកភណ្ឌដែលដូនតាបន្សល់ទុកមក វត្តបានបង្កើតក្រុមរបាំយក្សស្វានិងក្រុមឆៃយុាំ ដើម្បីសម្ដែងបម្រើក្នុងថ្ងៃបុណ្យទានផ្សេងៗ។ ក្រៅពីនោះ ឆ្នាំនេះវត្តបានវិនិយោគទូក-ងលុង ដើម្បីចូលរួមក្នុងពិធីប្រណាំងទូក-ងរបស់ភូមិភាគ ក៏ដូចជាដើម្បីអភិរក្សបេតិកភណ្ឌវប្បធម៌របស់ជនជាតិផងដែរ។

សិល្បៈរបាំរបស់ជនរួមជាតិខ្មែរ។

ការខិតខំអភិរក្សនិងផ្សព្វផ្សាយតម្លៃវប្បធម៌របស់ជនរួមជាតិខ្មែរនៅកឹងធើនិយាយដោយឡែក ភូមិភាគនានានៅណាមបូនិយាយរួម បានរួមចំណែកធ្វើឱ្យសម្បូរបែបថែមទៀតអំពីជីវភាព វប្បធម៌ស្មារតីរបស់ប្រជាជន។ ការអភិរក្សបេតិកភណ្ឌមិនមែនជាការងាររបស់សហគមន៍នីមួយៗប៉ុណ្ណោះទេ ថែមទាំងជាគោលការណ៍ធំ បានបក្ស រដ្ឋ ផ្ដោតការយកចិត្តទុកដាក់យ៉ាងខ្លាំង និងចង្អុលការអនុវត្តឯកភាពក្នុងទូទាំងប្រទេសទៀតផង។

នៅក្នុងអង្គសន្និបាតលើកទី ៦ គណៈប្រតិបត្តិការមជ្ឈិមបក្ស នីតិកាល ១៣ (ខែតុលា ឆ្នាំ ២០២២) បក្សបន្តអំណះអំណាងនូវទស្សនៈ ដោយចាត់ទុកការអភិរក្សនិងពង្រីកតម្លៃបេតិកភណ្ឌវប្បធម៍ជាភារកិច្ចសំខាន់ ផ្សារភ្ជាប់ជាមួយ នឹងអភិវឌ្ឍន៍សេដ្ឋកិច្ច-សង្គម និងលើកកម្ពស់ជីវភាពស្មារតីជូនប្រជាជន។ សេចក្តីសន្និដ្ឋានលេខ ៤២-KL/TW ចុះថ្ងៃទី ២០ ខែតុលា ឆ្នាំ ២០២២ បានបញ្ជាក់ច្បាស់៖ គប្បីយកចិត្តទុកដាក់ជាងទៀតដល់ការអភិរក្ស កែលម្អ និងពង្រីកតម្លៃបេតិកភណ្ឌវប្បធម៌រូបីនិងអរូបីរបស់តំបន់និងភូមិភាគនានា ទន្ទឹមនឹងនោះ អាទិភាពវិនិយោគដល់ប្រព័ន្ធស្ថាប័នវប្បធម៌ និងអនុវត្តមានប្រសិទ្ធភាពនូវកម្មវិធីជាតិអភិវឌ្ឍន៍វប្បធម៌ដំណាក់កាល ២០២២ - ២០៣០។ គោលការណ៍នេះបានបង្ហាញច្បាស់ពីភាពឥតងាករេរបស់បក្សក្នុងការចាត់ទុកបេតិកភណ្ឌជាប្រភពកម្លាំងផ្នែកខាងស្មារតីដ៏ធំធេងសម្រាប់អភិវឌ្ឍន៍ប្រទេសជាតិប្រកបដោយចីរភាព៕

វុឌ្ឍា-វិមាន

ចែករំលែកអត្ថបទ

ពាក្យគន្លឹះ