គោលនយោបាយ -ការរស់នៅ ច្បាប់

05/12/2025 - 05:44

បែបបទឯកសារ ដំណើរការប្តូរប័ណ្ណកម្មសិទ្ធិទទួលមរតកថ្មីបំផុត

ច្បាប់ដីធ្លីឆ្នាំ ២០២៤ បានកំណត់បែបបទប្តូរប័ណ្ណកម្មសិទ្ធិទទួលមរតកដីធ្លី ផ្ទះសម្បែង រួមមានជំហានដូចខាងក្រោម៖ ត្រៀមឯកសារដាក់ពាក្យ អនុវត្តកាតព្វកិច្ចហិរញ្ញវត្ថុនិងទទួលលទ្ធផល។

 រូបជាឧទាហរណ៍។

ឯកសារគប្បីត្រៀមពេលប្តូរប័ណ្ណកម្មសិទ្ធិដីធ្លីទទួលមរតក

អ្នកទទួលមរតកគប្បីត្រៀមឯកសារប្តូរប័ណ្ណកម្មសិទ្ធិទទួលមរតកដីធ្លី ផ្ទះសម្បែង រួមមាន៖ លិខិតស្នាមផ្ទាល់ខ្លួន; សំបុត្រមរណភាពរបស់មរតកបុគ្គល; មរកតសាសន៍ (បើមាន); ក្រដាសស្នាមបញ្ជាក់ពីទំនាក់ទំនងទទួលមរតក; ប័ណ្ណកម្មសិទ្ធិដីធ្លី; កិច្ចសន្យាផ្ទេរកម្មសិទ្ធិ ឬលិខិតផ្ទេរកម្មសិទ្ធិ (បើមាន)។

អនុវត្តបែបបទប្តូរប័ណ្ណកម្មសិទ្ធិទទួលមរតកដីធ្លី ផ្ទះសម្បែងមាន ៦ ជំហាន

ជំហានទី ១៖ ត្រៀមឯកសារ

អ្នកទទួលមរតកត្រូវត្រៀមឯកសារ ប្តូរឈ្មោះប័ណ្ណកម្មសិទ្ធិដីធ្លីឱ្យបានគ្រប់សព្វដូចរៀបរាប់ខាងលើ។

ជំហានទី ២៖ ចុះឈ្មោះផ្លាស់ប្តូរប័ណ្ណកម្មសិទ្ធិ ប្រើប្រាស់ដីធ្លី

ក្នុងរយៈពេល ៣០ ថ្ងៃ ចាប់ពីបញ្ចប់ការបែងចែកមរតក អ្នកទទួលមរតកត្រូវដាក់ពាក្យចុះឈ្មោះផ្លាស់ប្តូរប័ណ្ណកម្មសិទ្ធិប្រើប្រាស់ដីធ្លី។ ក្នុងនោះ ឯកសារចុះឈ្មោះផ្លាស់ប្តូរ រួមមាន៖ លិខិតដាក់ពាក្យចុះឈ្មោះផ្លាស់ប្តូរ; លិខិតទទួលស្គាល់ដែលបានផ្តល់ជូន; ក្រដាសស្នាមអំពីសិទ្ធិទទួលមរតក និងលិខិតប្រគល់សិទ្ធិឬកិច្ចសន្យាប្រគល់សិទ្ធិជាដើម។

ជំហានទី ៣៖ ដាក់ពាក្យប្តូរឈ្មោះប័ណ្ណកម្មសិទ្ធិដីធ្លី

ឯកសារចុះឈ្មោះផ្លាស់ប្តូរត្រូវបានទទួលនៅការិយាល័យចុះឈ្មោះដីធ្លីដែលមានក្បាលដី; គណៈកម្មាធិការប្រជាជនឃុំ; ផ្នែកច្រកចេញចូលតែមួយ។

ជំហានទី ៤៖ ស្ថាប័នដោះស្រាយឯកសារ

ការិយាល័យចុះឈ្មោះដីធ្លីពិនិត្យមើលឯកសារ រួចផ្ញើព័ត៌មានដល់ស្ថាប័នពន្ធដារ។ ប្រសិនបើឯកសារស្របច្បាប់ ស្ថាប័នពន្ធដារនឹងចេញសេចក្តីជូនដំណឹងអំពីកាតព្វកិច្ចហិរញ្ញវត្ថុដល់អ្នកដាក់ពាក្យ។ ក្នុងករណីឯកសារមិនស្របច្បាប់ ស្ថាប័ន សមត្ថកិច្ចនឹងជូនដំណឹងដល់អ្នកដាក់ពាក្យបំពេញក្រដាសស្នាមដែលនៅខ្វះ។

ជំហានទី ៥៖ កាតព្វកិច្ចហិរញ្ញវត្ថុពេលប្តូរប័ណ្ណកម្មសិទ្ធិដីធ្លី

អ្នកទទួលមរតកត្រូវបង់ទឹកប្រាក់ដូចបានជូនដំណឹង រួមមាន៖ ពន្ធលើប្រាក់ចំណូលផ្ទាល់ខ្លួន (បើមាន); ថ្លៃចុះបញ្ជី (តាមអនុក្រឹត្យលេខ១០/២០២២/NĐ-CP បានធ្វើវិសោធនកម្មនិងបំពេញបន្ថែមអនុក្រឹត្យលេខ ១៧៥/២០២៥/NĐ-CP និងការណែនាំតាមសារាចរលេខ ៦៧/២០២៥/TT-BTC); ថ្លៃពិនិត្យវាយតម្លៃឯកសារ។

ក្នុងករណីទទួលមរតករវាងស្វាមី-ភរិយា; ឪពុក ម្តាយ - កូន; យាយតា - ចៅ; និងរវាងបងប្អូនបង្កើត។ល។ នឹងត្រូវបានលើកលែងពន្ធលើប្រាក់ចំណូលផ្ទាល់ខ្លួន និងថ្លៃចុះបញ្ជីតាមសេចក្តីកំណត់ថ្មីបំផុត។

ជំហានទី ៦៖ ពេលវេលាទទួលលទ្ធផលប្តូរប័ណ្ណកម្មសិទ្ធិទទួលមរតកផ្ទះសម្បែង ដីធ្លី

បន្ទាប់ពីបញ្ចប់ជំហានខាងលើ ស្ថាប័នសមត្ថកិច្ចនឹងកត់ត្រាឈ្មោះអ្នកទទួលមរតកក្នុងប័ណ្ណកម្មសិទ្ធិដីធ្លី (ឬប័ណ្ណកម្មសិទ្ធិដីធ្លីថ្មីបើត្រូវការ) ទន្ទឹមនឹងប្រគល់លទ្ធផលតាមការណាត់។

ពេលវេលាទទួលលទ្ធផលមិនលើសពី ១០ថ្ងៃធ្វើការគិតចាប់ពីថ្ងៃទទួលឯកសារស្របច្បាប់គ្រប់សព្វ។ ដោយឡែកនៅតំបន់ភ្នំ កោះសមុទ្រ និងតំបន់ដាច់ស្រយាល ពេលវេលាដើម្បីប្រគល់លទ្ធផលមិនលើសពី ២០ ថ្ងៃធ្វើការ៕

យោង៖ laodong.vn - ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ