ព្រឹត្តិការណ៍ - នយោបាយ ព្រឹត្តិការណ៍

08/12/2025 - 15:25

ផ្តោតសំខាន់កសាងកងជួរអ្នកសារព័ត៌មានរឹងប៉ឹងខាងនយោបាយ មានជំនាញស្របតាមនិន្នាការអភិវឌ្ឍថ្មីរបស់សារព័ត៌មាន

គណៈកម្មាធិការបក្ស គណៈរៀបរៀងកាសែត និងវិទ្យុ ទូរទស្សន៍កឹងធើ កំពុងចង្អុលការអនុវត្តរៀបចំប្រព័ន្ធចាត់តាំងតាមសេចក្តីកំណត់របស់គណៈអចិន្ត្រៃយ៍នៃគណៈកម្មាធិការបក្សទីក្រុង អំពីសេចក្តីកំណត់មុខងារ ភារកិច្ច ប្រព័ន្ធចាត់តាំងរបស់កាសែត និងវិទ្យុទូរទស្សន៍កឹងធើ ផ្តើមពីការិយាល័យជំនាញចំនួន ១៣ ថយចុះនៅត្រឹមតែ ៧ ប៉ុណ្ណោះ។

លោក ហ្វិញហ្វាងម៉េន សមាជិកគណៈកម្មាធិការបក្សទីក្រុង អគ្គនិពន្ធនាយកស្តីទីកាសែតនិងវិទ្យុ ទូរទស្សន៍កឹងធើ ថ្លែងក្នុងអង្គប្រជុំ។

នៅថ្ងៃទី ៤ ខែធ្នូ គណៈកម្មាធិការបក្ស គណៈរៀបរៀងកាសែត និងវិទ្យុ ទូរទស្សន៍កឹងធើ បានរៀបចំកិច្ចប្រជុំពិនិត្យនិងវាយតម្លៃរៀបចំណាត់ថ្នាក់គុណភាពរបស់សមូហភាពគណៈប្រតិបត្តិការបក្ខភាគ គណៈរៀបរៀង បុគ្គលក្នុងគណៈរៀបរៀង និងបុគ្គលក្នុងគណៈប្រតិបត្តិការបក្ខភាគ។ តំណាងគណៈកសាងបក្សនៃគណៈកម្មាធិការបក្សទីក្រុង គណៈកម្មាធិការបក្សបណ្តាស្ថាប័នបក្សទីក្រុង បានចូលរួមក្នុងកិច្ចប្រជុំនេះ។

តំណាងគណៈកម្មាធិការបក្សបណ្តាស្ថាប័នបក្សទីក្រុងកឹងធើ ថ្លែងក្នុងអង្គប្រជុំ។

បន្ទាប់ពីរួមបញ្ចូលគ្នារវាងស្ថាប័នសារព័ត៌មាន ចំណុះទីក្រុងកឹងធើ ខេត្តហូវយ៉ាងនិងសុកត្រាំង គណៈកម្មាធិការបក្ស គណៈរៀបរៀងកាសែត និងវិទ្យុ ទូរទស្សន៍កឹងធើ បានពង្រឹងប្រព័ន្ធចាត់តាំងយ៉ាងរហ័ស ធ្វើបានល្អកិច្ចការនយោបាយ ឧត្តមគតិជូនកម្មាភិបាល បក្ខជននិងបុគ្គលិក; ដឹកនាំអនុវត្តបានល្អនូវភារកិច្ចនយោបាយដែលបានប្រគល់ជូន។ ការងារកសាង រៀបចំបក្ស និងប្រព័ន្ធនយោបាយ បានផ្សារភ្ជាប់នឹងអនុវត្តមានប្រសិទ្ធភាពនូវសេចក្តីសម្រេចឆ្នាំ២០២៥។ អំពីសម្រិតសម្រាំងប្រព័ន្ធចាត់តាំង គណៈកម្មាធិការបក្សកំពុងចង្អុលការអនុវត្តរៀបចំប្រព័ន្ធចាត់តាំងតាមសេចក្តីកំណត់លេខ ១៧៣-QĐ/TU ចុះថ្ងៃទី ១៨ ខែវិច្ឆិកា ឆ្នាំ២០២៥ របស់គណៈអចិន្ត្រៃយ៍នៃគណៈកម្មាធិការបក្សទីក្រុង អំពីសេចក្តីកំណត់មុខងារ ភារកិច្ច ប្រព័ន្ធចាត់តាំងរបស់កាសែតនិងវិទ្យុទូរទស្សន៍កឹងធើ ផ្តើមពីការិយាល័យជំនាញចំនួន១៣ ថយចុះនៅត្រឹមតែ៧ប៉ុណ្ណោះ។

លើវិស័យសារព័ត៌មាន គណៈកម្មាធិការបក្ស គណៈរៀបរៀង បានដឹកនាំបន្តផ្លាស់ថ្មីនូវខ្លឹមសារនិងវិធីសាស្ត្រផ្សព្វផ្សាយ លើកកម្ពស់គុណភាព ផលិតផល ឆ្លើយតបនឹងតម្រូវការភារកិច្ចក្នុងស្ថានភាពថ្មី។ បានសម្រេច១០០% តាមកំណត់ភារកិច្ចអាស្រ័យគណៈកម្មាធិការបក្សប្រគល់ជូនក្នុងចំណោមកម្មវិធីអនុវត្តភារកិច្ចនយោបាយ។ ចំពោះភារកិច្ចផ្សព្វផ្សាយព័ត៌មាន៖ ប្រព័ន្ធកាសែតនិងវិទ្យុ ទូរទស្សន៍កឹងធើ តែងគោរពតាមគោលការណ៍ គោលសីលធម៌ វិន័យព័ត៌មាន; ជំរុញផ្សព្វផ្សាយព័ត៌មានលើប្រភេទសារព័ត៌ មានបណ្តាញសង្គម អំពីគោលការណ៍របស់បក្ស គោលនយោបាយ ច្បាប់របស់រដ្ឋ ព្រឹត្តិការណ៍ថ្ងៃបុណ្យទិវាអនុស្សាវរីយ៍ និងមហាសន្និបាតបក្សគ្រប់លំដាប់ថ្នាក់។ កាសែតនិងវិទ្យុទូរទស្សន៍កឹងធើ បានចុះហត្ថលេខាលើផែនការសហការសារគមនាគមន៍ និងសហការជាមួយអង្គភាព ភូមិភាគ អាជីវកម្មនានាទាំងក្នុងនិងក្រៅទីក្រុង; ក្នុងនោះ បានចុះកិច្ចសហការផ្សព្វផ្សាយព័ត៌មាន ជាមួយឃុំ សង្កាត់ចំនួន ៦០/១០៣។

តំណាងទាំងឡាយដែលចូលរួមក្នុងកិច្ចប្រជុំ បានចង្អុលបង្ហាញដោយត្រង់ៗនូវភាពកង្វះខាត និងចំណុចខ្សោយ; ទន្ទឹមនឹងនោះដាក់ចេញនូវវិធានការជាច្រើនដើម្បីជម្នះក្នុងពេលខាងមុខ។ ក្នុងនោះ ផ្តោតសំខាន់លើការកសាងកងជួរអ្នកសារព័ត៌មានរឹងប៉ឹងខាងនយោបាយ មានជំនាញ ពូកែតាមនិន្នាការអភិវឌ្ឍថ្មីរបស់សារព័ត៌មាន; បន្តស្របរៀបចំ ពង្រឹងប្រព័ន្ធចាត់តាំង; ជំរុញផ្លាស់ប្តូរឌីជីថលសារព័ត៌មាន កសាងប្រព័ន្ធអេកូឡូស៊ី សារគមនាគមន៍ផ្សព្វផ្សាយសារព័ត៌មានអភិវឌ្ឍតាមទិសដៅពហុមធ្យោបាយ។

លោក ហ្វិញហ្វាងម៉េន សមាជិកគណៈកម្មាធិការបក្សទីក្រុង លេខាគណៈកម្មាធិការបក្ស អគ្គនិពន្ធនាយកស្តីទីកាសែតនិងវិទ្យុទូរទស្សន៍កឹងធើ ទទួលយកមតិរួមយោបល់របស់អ្នកតំណាងចូលរួមកិច្ចប្រជុំ។ ទន្ទឹមនឹងនោះ គូសបញ្ជាក់ថា គណៈកម្មាធិការបក្ស គណៈរៀបរៀង បានផ្តុំកម្លាំងដឹកនាំ ចង្អុលការផ្សព្វផ្សាយអនុវត្តបានល្អនូវភារកិច្ចនយោបាយដែលបានប្រគល់ជូន បំផុតគឺធានាខ្លឹមសារព័ត៌មានផ្សព្វផ្សាយលើគ្រប់វិស័យ។ ការងាររៀបចំប្រព័ន្ធចាត់តាំងត្រូវបានយកចិត្តទុកដាក់; ការអនុវត្តរបបគោលនយោបាយជូនកម្មាភិបាល បុគ្គលិក ក៏បានយកចិត្តទុកដាក់ទាន់ពេល៕

ក្វឹកថាយ-វិមាន

ចែករំលែកអត្ថបទ

ពាក្យគន្លឹះ