គោលនយោបាយ -ការរស់នៅ ច្បាប់

08/04/2025 - 16:00

លក្ខន្តិកៈជម្រើសសិស្សថ្មី

ក្រសួងអប់រំនិងបណ្តុះបណ្តាល ទើបប្រកាសឱ្យប្រើសារាចរលេខ ០៦/២០២៥/TT-BGDĐT ចុះថ្ងៃទី ១៩ ខែមីនា ឆ្នាំ ២០២៥ វិសោធនកម្មនូវមាត្រាមួយចំនួននៃលក្ខន្តិកៈជម្រើសសិស្សមហាវិទ្យាល័យ អនុមហាវិទ្យាល័យគរុកោសល្យ ផ្នែកអប់រំមត្តេយ្យសិក្សា។

 រូបជាឧទាហរណ៍។

យោងតាមលក្ខន្តិកៈថ្មី នឹងគ្មានការឆាប់ជម្រើសសិស្សដូចមុនទៀត។ តាមក្រសួងអប់រំនិងបណ្តុះបណ្តាល ជាក់ស្តែងក្នុងប៉ុន្មានឆ្នាំចុងក្រោយនេះ បានបង្ហាញថា ពេលអនុវត្តលក្ខន្តិកៈឆាប់ជម្រើសសិស្សពេក ធ្វើឱ្យរយៈពេលជម្រើសសិស្សអូសបន្លាយយូរ បេក្ខជនត្រូវស្នើសុំការបញ្ជាក់ពីលទ្ធផលសិក្សាវិទ្យាល័យ ដើម្បីផ្ញើឱ្យគ្រឹះស្ថានបណ្តុះបណ្តាលនានា ធ្វើឱ្យបង់ខាតធនធានសង្គម។

នៅឆ្នាំ ២០២៥ ក្រសួងអប់រំនិងបណ្តុះបណ្តាល បពា្ឈប់ការឆាប់ជម្រើសសិស្សដូចមុន ដើម្បីធានានូវភាពយុត្តិធម៌និងកាត់បន្ថយសម្ពាធប្រឡងប្រជែងមិនចាំបាច់ដល់បេក្ខជន។

ពិសេស មានគ្រឹះស្ថានបណ្តុះបណ្តាលជាច្រើន បានប្រកាសឈ្មោះបេក្ខជនជាប់ជម្រើសមានចំនួនច្រើន ប៉ុន្តែពេលចូលរៀនគឺមានចំនួនសិស្សតិចទៅវិញ ប្រការនេះបានបង្ហាញឱ្យឃើញថា ការឆាប់ជម្រើសសិស្សគ្មានប្រសិទ្ធភាព។

ទន្ទឹមនឹងនោះ នៅពេលដែលគ្រឹះស្ថានបណ្តុះបណ្តាលនានាឆាប់ជម្រើសសិស្ស ក៏បានប្រើប្រាស់លទ្ធផលសិក្សាចាប់ពីវគ្គទី ១ ដល់វគ្គទី ៥ នៃកម្រិតវិទ្យាល័យ ដោយមិនបានប្រើប្រាស់លទ្ធផលសិក្សាថ្នាក់ទី ១២ ទាំងស្រុង (វគ្គសិក្សាទី ២) ធ្វើឱ្យប៉ះពាល់ដល់ដំណើរការសិក្សានិងការប្រឡងសញ្ញាបត្រវិទ្យាល័យរបស់សិស្ស ផ្តើមពីនោះ ប៉ះពាល់ដល់សមត្ថភាពសិក្សារបស់សិស្សនៅកម្រិតមហាវិទ្យាល័យ។

អាស្រ័យហេតុនេះ ដើម្បីធានាសិស្សបានបំពាក់បំប៉នចំណេះដឹងមូលដ្ឋានចាំបាច់តាមកម្មវិធីសិក្សាមហាវិទ្យាល័យ ចាប់ពីឆ្នាំនេះតទៅ លក្ខន្តិកៈ បានកំណត់គ្មានការឆាប់ជម្រើសសិស្សដូចមុនទៀត។

លក្ខន្តិកៈថ្មី ក៏បានកំណត់នៅពេលប្រើប្រាស់លទ្ធផលសិក្សាវិទ្យាល័យសម្រាប់ការពិនិត្យជម្រើស ត្រូវយកលទ្ធផលសិក្សាថ្នាក់ទី ១២ ទាំងស្រុងរបស់បេក្ខជន។ លើសពីនេះ ដើម្បីធានាការរួមចំណែកនៃលទ្ធផលសិក្សាថ្នាក់ទី ១២ មិនទាបពេកនៅពេលគណនាពិន្ទុជម្រើសលក្ខន្តិកៈបានកំណត់ចំនួនពិន្ទុពិនិត្យជម្រើសក្នុងលទ្ធផលសិក្សាថ្នាក់ទី ១២ មិនតិចជាង ២៥%។

ចំពោះមហាវិទ្យាល័យនានា លក្ខន្តិកៈថ្មីតម្រូវឱ្យសាលារៀនកែសម្រួលវិធីសាស្រ្តជម្រើសសិស្ស ដោយផ្តោតទៅលើលទ្ធផលប្រឡងសញ្ញាបត្រវិទ្យាល័យ និងវិធីសាស្រ្តជម្រើសសិស្សផ្សេងៗទៀត ស្របតាមលក្ខន្តិកៈរបស់ក្រសួង។

សរុបមកបម្រាមនៃការឆាប់ជម្រើសសិស្សដូចមុន គឺជាការផ្លាស់ប្តូរដ៏សំខាន់មួយ ដែលមានផលប៉ះពាល់ទូលំទូលាយដល់បេក្ខជនផង និងមហាវិទ្យាល័យនិងអនុមហាវិទ្យាល័យផង។ លក្ខន្តិកៈថ្មីនេះ ឆ្ពោះទៅរកទិសដៅលើកកម្ពស់លក្ខណៈយុត្តិធម៌ តម្លាភាព និងលើកកម្ពស់គុណភាពនៃការជម្រើសសិស្ស៕

យោងតាមក្រសួងអប់រំនិងបណ្តុះបណ្តាល -ប្រែសម្រួល៖ សុផន

ចែករំលែកអត្ថបទ

ពាក្យគន្លឹះ