មហាសាមគ្គីជនជាតិ ភូមិស្រុកផ្លាស់ថ្មី

17/03/2025 - 15:06

កសិករចិញ្ចឹមបង្គាសប្បាយចិត្ត ព្រោះលក់បានថ្លៃ

ភាពសប្បាយរីករាយនៅពេលតម្លៃបង្គាស្រស់កំពុងមានសម្ទុះកើនឡើង កសិករចិញ្ចឹមបង្គានៅបាកលីវ កាន់តែមានកម្លាំងចិត្ត ដើម្បីត្រៀមលក្ខណៈសម្រាប់រដូវកាលថ្មី។

កសិករខេត្តបាកលីវ កំពុងប្រមូលផលបង្គា។

សព្វថ្ងៃ បង្គាស្រស់ (រួមមាន៖ បង្គាជើងសនិងបង្គានាគ) ប្រភេទ៣០-៤០ ក្បាលក្នុងមួយគីឡូក្រាម តម្លៃពី១៦០.០០០ -១៨០.០០០ ប្រភេទ៥០-៧០ ក្បាលក្នុងមួយគីឡូក្រាម តម្លៃពី ១១០.០០០ - ១៣០.០០០ ដុង ប្រភេទ ៨០ - ១០០ ក្បាលក្នុងមួយគីឡូក្រាម តម្លៃពី ៩០.០០០-៩៥.០០០ ដុង កើនមធ្យមភាគពី ៥.០០០-១០.០០០ ដុងក្នុងមួយគីឡូក្រាម បើប្រៀបធៀបនឹងឆ្នាំ ២០២៤ ។ នេះគឺជាកម្រិតកើនខ្ពស់បំផុតចាប់ពីដើមឆ្នាំ ២០២៤ មក។ ជាមួយនឹងតម្លៃនេះ ក្រោយពីផាត់ទាត់រួច កសិករអ្នកចិញ្ចឹមបង្គាចំណេញខ្ពស់គួរសម។

លោក ត្រឹងមិញសើុង នៅឃុំឡុងដៀង ស្រុកដុងហាយ ឱ្យដឹង៖ “តាំងពីដើមខែកុម្ភៈមក ខ្ញុំប្រមូលផលបង្គា៧ស្រះ ផ្ទៃស្រះនីមួយៗទំហំ ១.០០០ ម៉ែត្រការ៉េ ទិន្នផលបានជិត៣០តោន; ជាមួយនឹងតម្លៃបង្គាជើងសបង្កក ៣០ ក្បាលក្នុងគីឡូក្រាម តម្លៃ ១៨០.០០០ ដុង៤០ ក្បាលក្នុងមួយគីឡូក្រាមតម្លៃ ១៥៥.០០០ ដុង ដូច្នេះ ក្រោយពីផាត់ទាត់រួច នៅចំណេញខ្ពស់គួរសម។ សម្រាប់តម្លៃនេះ កសិករចិញ្ចឹមបង្គាសប្បាយចិត្តយ៉ាងខ្លាំង ហើយសង្ឃឹមថា ឆ្នាំនេះគឺជាឆ្នាំចិញ្ចឹមបង្គាកាក់កបបំផុត”។

ខេត្តបាកលីវ មានផ្ទៃដីវារីវប្បកម្ម ១៤០.០០០ ហិកតា សម្រេចបរិមាណជាង ៣៤៣.០០០ តោន ក្នុងមួយឆ្នាំ ឈរលំដាប់លេខ២ក្នុងទូទាំងប្រទេស។ ខេត្តបានកំណត់ច្បាស់វារីវប្បកម្មដែលសំខាន់បំផុតនោះគឺ បង្គានាគនិងបង្គាជើងស គឺជាផ្នែកសេដ្ឋកិច្ចមុខព្រួញ ដោយមានទម្រង់ចិញ្ចឹមជាច្រើន ដូចជា ចិញ្ចឹមតាមបែបប្រពលវប្បកម្ម ពាក់កណ្ដាលប្រពលវប្បកម្ម អតិប្រពលវប្បកម្ម បង្គា-ស្រូវបង្គា-ព្រៃ ។ល។ ខេត្តបានអភិវឌ្ឍន៍កសាងតំបន់ចិញ្ចឹមបង្គាបច្ចេកវិទ្យាខ្ពស់ លើផ្ទៃដី ២៧.២០០ ហិកតា តំបន់ចិញ្ចឹមបង្គាជើងសបែបអតិប្រពលវប្បកម្ម ៤.០០០ ហិកតា ស្ថិតនៅក្រុងបាកលីវ ស្រុកហ្វាប៊ិញនិងដុងហាយ; តំបន់ចិញ្ចឹមតាមបែបប្រពលវប្បកម្ម ពាក់កណ្ដាលប្រពលវប្បកម្ម ៨.០០០ ហិកតា ស្ថិតនៅក្រុងបាកលីវ ស្រុកហ្វាប៊ិញ វិញឡើយនិងដុងហាយ។ លោក ហ៊ូថាញត្វឹង ប្រធានការិយាល័យកសិកម្មនិងបរិស្ថានស្រុកដុងហាយ ឱ្យដឹង៖ “ទំហំបង្គាកាន់តែធំ តម្លៃកាន់តែខ្ពស់។ សព្វថ្ងៃ ផ្នែកជំនាញបានធ្វើការណែនាំដល់កសិករជាជំហានៗប្ដូរមកអនុវត្តទម្រង់ចិញ្ចឹមបង្គាបច្ចេកវិទ្យាខ្ពស់ ដើម្បីបង្កើនបរិមាណផល និងគុណភាពបង្គា។ ស្រុកបានក្រើនរំលឹកដល់កសិករចិញ្ចឹមបង្គាអំពីកម្រិតនៃការព្រលែងកូនពូជ ចាត់កម្មាភិបាលបច្ចេកទេសចុះទៅដោយផ្ទាល់ ដើម្បីក្ដាប់ពីភូមិសាស្រ្ត ណែនាំ និងជួយមាមីងកសិករក្នុងដំណាក់កាលនៃការចិញ្ចឹម”។

តាមការព្យាករណ៍របស់ក្រុមហ៊ុនសមាគមកែច្នៃនិងនាំចេញជលផល ទីផ្សារបង្គាកំពុងមានសញ្ញាកើនឡើងវិញជាវិជ្ជមាន។ ដើម្បីចាប់យកឱកាសនេះ ទន្ទឹមជាមួយនឹងការព្រលែងនោះ ការថែទាំក៏គប្បីយកចិត្តទុកដាក់ដល់ដំណើរការផលិតកម្ម ដើម្បីធានាបង្គាស្រស់សុវត្ថិភាពគ្មានជំងឺ ឆ្លើយតបតាមតម្រូវការទីផ្សារ ដើម្បីឈានដល់ការកសាងពាណិជ្ជសញ្ញាសម្រាប់បង្គាវៀតណាមលើឆាកអន្តរជាតិ៕

យ្វីអាញ - ពេជ្រសឿន

ចែករំលែកអត្ថបទ

ពាក្យគន្លឹះ