មហាសាមគ្គីជនជាតិ ភូមិស្រុកផ្លាស់ថ្មី

10/03/2025 - 15:31

ចូលសហករណ៍ដើម្បីខិតជិតវិទ្យាសាស្ត្របច្ចេកទេស

សហករណ៍កសិកម្ម - ពាណិជ្ជកម្ម និងផលិតកម្ម សេវាកម្មស្វឹងថាញ់ នៅភូមិសម្បួរ ឃុំលឿងហ្វា ស្រុកចូវថាញ់ ខេត្តត្រាវិញ ដំណើរការមានប្រសិទ្ធភាព។ នេះក៏ជាកន្លែងដែលប្រជាជនខិតជិតវិទ្យាសាស្ត្របច្ចេកទេស ដើម្បីផលិតមានប្រសិទ្ធភាពបង្កើនប្រាក់ចំណូល។

សមាជិកសហករណ៍កសិកម្ម - ពាណិជ្ជកម្មនិងផលិតកម្ម សេវាកម្មស្វឹងថាញ់
កំពុងដាំម្ទេសខ្មាំងនៅភូមិសម្បួរ។

លោក ង្វៀងថាញ់ល្វឹង ប្រធានក្រុមប្រឹក្សាអភិបាលនិងជានាយកសហករណ៍កសិកម្ម-ពាណិជ្ជកម្ម និងផលិតកម្ម សេវាកម្មស្វឹងថាញ់ ឱ្យដឹង៖ “សហករណ៍បង្កើតនៅឆ្នាំ ២០១៦ ដោយមានសមាជិក ១១ នាក់ ទុនលក្ខន្តិកៈ បាន ៥០០ លានដុង សហករណ៍ជំនាញ ដាំដំណាំរួមផ្សំ ចងសម្ព័ន្ធប្រមូលទិញដំណាំពីកសិករ; សហការជាមួយផ្នែកមុខជំនាញជួយកសិករខិតជិតវិទ្យាសាស្រ្តបច្ចេកទេស; លក់ដូរ កសិរុក្ខផល ស្រាវជ្រាវវិទ្យាសាស្រ្តនិងអភិវឌ្ឍ។ល។ ឆ្លងតាមរយៈសកម្មភាព មកទល់ពេលនេះ សហករណ៍មានសមាជិកកើនឡើងដល់ ៥៥ នាក់ ទុនលក្ខន្តិកៈបាន ១ ពាន់លានដុង។ ឆ្នាំ២០២៤ សហករណ៍ផលិតដំណាំរួមផ្សំគ្រប់ប្រភេទបាន ៣,៥ តោន; ចងសម្ព័ន្ធផលិតកម្មនិងផ្គត់ផ្គង់បន្លែគ្រប់ប្រភេទបាន ៩,២តោន; ចុះកិច្ចសន្យាចងសម្ព័ន្ធផលិតកម្មនិងប្រមូលទិញម្ទេសពីកសិករ ២១ គ្រួសារនៅឃុំឡុងហ៊ឺវ ទីរួមខេត្តយ្វៀងហាយ និងខេត្តត្រាវិញ ដែលមានផ្ទៃដី ៤,៦ ហិកតា ប្រមូលទិញនិងលក់ម្ទេសបាន ៥៩,៥ តោនចំណេញបាន ៣២០ លានដុង”។

ចម្ការម្ទេសខ្មាំងរបស់ពូសើុងសាយ នៅភូមិពន្លាជ័យ។

ពូសើុងសាយ នៅភូមិពន្លាជ័យ ឃុំលឿងហ្វា A ស្រុកចូវថាញ់ ខេត្តត្រាវិញ ឱ្យដឹង៖ “ដើម្បីខិតជិតវិទ្យាសាស្រ្តបច្ចេកទេស ខ្ញុំសុំចូលរួមសហករណ៍កសិកម្ម - ពាណិជ្ជកម្មផលិតកម្មនិងសេវាកម្មស្វឹងថាញ់ នឹងបានហ្វឹកហាត់វិទ្យាសាស្រ្តបច្ចេកទេស គ្រួសារខ្ញុំមោះមុតផ្ទេរដី ០,៥ ហិកតា ផលិតស្រូវមិនសូវបានផល ក៏ងាកមកដាំដំណាំរួមផ្សំវិញ។ កន្លងហើយ រដ្ឋអំណាចភូមិភាគ និងសហករណ៍កសិកម្ម-ពាណិជ្ជកម្មផលិតកម្មនិងសេវាកម្មស្វឹងថាញ់ បានចលនាឱ្យខ្ញុំកសាងទម្រង់ដាំម្ទេសខ្មាំង ហើយបានសហករណ៍ឧបត្ថម្ភពូជ បច្ចេកទេសនិងប្រមូលទិញផលិតផល។ ម្ទេសខ្មាំង ក្រោយពីដាំបាន ៨០ ថ្ងៃបានផ្តល់ផល ហើយរយៈពេលប្រមូលផលអូសបន្លាយពី ៤-៥ ខែ។ ទន្ទឹមនឹងនោះ ប្រសិនបើម្ទេសបានថ្លៃនឹងផ្តល់ប្រាក់ចំណូលច្រើនដង បើប្រៀបធៀបនឹងដំណាំរួមផ្សំឯទៀត។ រដូវម្ទេសកន្លងហើយ គ្រួសារខ្ញុំដាំ ០,៥ ហិកតា សម្រេចទិន្នផលប្រមាណ ៥ តោន លក់តម្លៃចាប់ពី ១៥.០០០ - ២៧.០០០ ដុង/គ.ក ចំណេញបានជាង ៣៥ លានដុង”។

លោកង្វៀងថាញ់ល្វឹង ឱ្យដឹងបន្ថែម៖ “ដើម្បីពង្រីកមានប្រសិទ្ធភាព បច្ចុប្បន្នសហករណ៍កំពុងសហការជាមួយផ្នែកជំនាញបន្តបង្ហាញទម្រង់ដាំដំណាំរួមផ្សំដល់សមាជិក រួចសហករណ៍នឹងឧបត្ថម្ភទុនមួយចំណែកទិញពូជដំណាំ ឧបត្ថម្ភបច្ចេកទេសនិងប្រមូលទិញផលិតផល។ ពិសេស សហករណ៍នឹងតម្រង់ទិសដល់ប្រជាជនមិនរារែកក្នុងការចុះពូជដំណាំតាមជម្រាក់ស្រែដែលផលិតស្រូវមិនសូវបានផល ណែនាំបច្ចេកទេសដាំដំណាំរួមផ្សំ ជាសន្សឹមៗចងសម្ព័ន្ធរកច្រកចេញសម្រាប់ផលិតផលរបស់កសិករ។ បច្ចុប្បន្ន សហករណ៍ត្រូវបានរដ្ឋឧបត្ថម្ភរោងចក្រច្នៃកសិផល កម្រិតវិនិយោគសរុបទឹកប្រាក់ជាង ២,៩ ពាន់លានដុង ផ្ទៃដីកសាងសរុប ៥៨៤ ម៉ែត្រការ៉េ ដើម្បីសហករណ៍ដំណើរការមានប្រសិទ្ធភាព”៕

សើុងម៉ាល័យ-លីសៀ

ចែករំលែកអត្ថបទ

ពាក្យគន្លឹះ