ព្រឹត្តិការណ៍ - នយោបាយ ព្រឹត្តិការណ៍

12/08/2024 - 16:24

ក្រុងកឹងធើ

កំណត់កម្រិតចំណាយសួរសុខទុក្ខជនរួមជាតិភាគតិច ក្នុងឱកាសថ្ងៃបុណ្យទានសំខាន់ៗ និងរងផលប៉ះពាល់ដោយគ្រោះធម្មជាតិ

គណៈកម្មាធិការប្រជាជនក្រុងកឹងធើ ទើបមានសេចក្ដីសម្រេចចិត្តអនុម័តិគោលនយោបាយលើសំណើកសាងសេចក្ដីសម្រេចរបស់ក្រុមប្រឹក្សាប្រជាជនក្រុង កំណត់អំពីការចំណាយ កម្រិតចំណាយ សួរសុខទុក្ខជនរួមជាតិភាគតិចក្នុងឱកាសថ្ងៃបុណ្យទានសំខាន់ៗ និងរងផលប៉ះពាល់ដោយគ្រោះធម្មជាតិ។

ថ្នាក់ដឹកនាំខ័ណ្ឌនិញកេវ (ក្រុងកឹងធើ)ជូនអំណោយដល់ជនរួមជាតិខ្មែរក្នុងឱកាសបុណ្យចូលឆ្នាំថ្មីប្រពៃណីខ្មែរ ឆ្នាំ២០២៤។ រូបថតៈ ង៉ុកក្វៀង

តាមរយៈនោះ ក្នុងឱកាសបុណ្យចូលឆ្នាំថ្មីវៀតណាម ក្រុងចំណាយទឹកប្រាក់ទៅសួរសុខទុក្ខដល់កម្មាភិបាលចូលនិវត្តន៍ គ្រួសារគោលនយោបាយ គ្រួសារក្រីក្រ គ្រួសារប្រកៀកបន្ទាត់ក្រជាជនជាតិចិន និងជនជាតិភាគតិចដទៃទៀតចំនួន ៥០០.០០០ ដុងក្នុងមួយគ្រួសារ មួយលើកក្នុងមួយឆ្នាំ (មិនអនុវត្តចំពោះជនរួមជាតិខ្មែរ)។ ក្នុងឱកាសបុណ្យចូលឆ្នាំថ្មីប្រពៃណីខ្មែរ ក្រុងចំណាយទឹកប្រាក់ទៅសួរសុខទុក្ខដល់កម្មាភិបាលចូលនិវត្តន៍ គ្រួសារគោលនយោបាយគ្រួសារក្រីក្រ គ្រួសារប្រកៀកបន្ទាត់ក្រជាជនជាតិខ្មែរចំនួន ៥០០.០០០ ដុងមួយគ្រួសារ មួយលើកក្នុងមួយឆ្នាំ។ ក្នុងឱកាសបុណ្យសែនដូនតា ក្រុងចំណាយទឹកប្រាក់ទៅសួរសុខទុក្ខ ៥០០.០០០ ដុង ក្នុងមួយគ្រួសារ មួយលើកក្នុងមួយឆ្នាំដល់កម្មាភិបាលចូលនិវត្តន៍ គ្រួសារគោលនយោបាយ គ្រួសារក្រីក្រ គ្រួសារប្រកៀកបន្ទាត់ក្រជាជនជាតិខ្មែរ។ ចំពោះគ្រួសារជនជាតិភាគតិចដែលរងផលប៉ះពាល់ដោយគ្រោះធម្មជាតិ ក្រុងនឹងចំណាយទឹកប្រាក់ដើម្បីសួរសុខទុក្ខ លើកទឹកចិត្តក្នុងមួយគ្រួសារក្នុងមួយលើក ១.០០០.០០០ ដុង ៕

PV - ប្រែសម្រួលៈ ពេជ្រសឿន

ចែករំលែកអត្ថបទ

ពាក្យគន្លឹះ