សុខភាព - អប់រំ អប់រំ

18/03/2024 - 08:58

ឈានដល់ការអភិវឌ្ឍគ្រប់ជ្រុងជ្រោយសម្រាប់សិស្សមត្តេយ្យ

ប្រព័ន្ធសាលារៀនលើភូមិសាស្ត្រខេត្តវិញឡុង បន្តធ្វើឱ្យសុក្រឹត រួមចំណែកលើកកម្ពស់គុណភាពអប់រំនិយាយរួម និងគុណភាពអប់រំតំបន់ជនជាតិភាគតិចនិយាយដោយឡែក។ ពិសេស ផ្នែកអប់រំបានផ្តុំកម្លាំងសម្រាប់ទិសដៅបង្កសម្ទុះ ដើម្បីសិស្សអភិវឌ្ឍគ្រប់ជ្រុងជ្រោយចាប់ពីកម្រិតមត្តេយ្យ។

សកម្មភាពក្រៅកម្មវិធីសិក្សារបស់សាលាមត្តេយ្យសៅម៉ាយ
ជួយឱ្យកុមារអភិវឌ្ឍគ្រប់ជ្រុងជ្រោយ។

អ្នកគ្រូត្រឹងណាមហុង នាយិកាសាលាមត្តេយ្យសៅម៉ាយ ឃុំដុងថាញ់ ទីរួមខេត្តប៊ិញមិញ ឱ្យដឹង៖ “មិនត្រឹមតែសាលាមណ្ឌលទេ សូម្បីសាលាសាខាក៏បានវិនិយោគសាងសង់សមរម្យ រឹងមាំដែរ។ ហេតុនេះ ក្មួយៗមានលក្ខណៈរៀនសូត្របានពេញលេញ ទើបអភិវឌ្ឍគ្រប់ជ្រុងជ្រោយ។ ដោយសារសាលាបានវិនិយោគកសាងព្រមៗគ្នា ម្ល៉ោះហើយអាណាព្យាបាលសិស្សស្ងប់ចិត្ត ខណៈពេលបញ្ជូនកូនមកកាន់សាលា”។

បរិវេណសាលាមត្តេយ្យហឿងយឿង ជាសាលាសម្រេចបទដ្ឋានជាតិ។

ដោយសារឃុំដុងថាញ់មានជនរួមជាតិខ្មែររស់នៅកុះករ ម្ល៉ោះហើយសាលាមត្តេយ្យសៅម៉ាយ តែងយកចិត្តទុកដាក់ដល់ការចលនាសិស្សជនជាតិខ្មែរចូលរៀន។ អ្នកគ្រូហុង ឱ្យដឹងបន្ថែម៖ “នៅទីតាំងសាលាដែលមានសិស្សជនជាតិខ្មែរកុះករ យើងខ្ញុំចាត់គ្រូបង្រៀនជនជាតិខ្មែរទទួលបន្ទុក ដើម្បីដោះដូរទំនាក់ទំនងជាមួយអាណាព្យាបាលសិស្សនិងសិស្ស សំដៅជួយប្អូនៗឆាប់សម្របជាមួយបរិស្ថានសិក្សា”។ មានអាណាព្យាបាលសិស្សជាច្រើននៅតំបន់ដែលឆ្ងាយពីមជ្ឈមណ្ឌល ការដែលក្មួយៗ មត្តេយ្យមិនចេះភាសាវៀត ធ្វើឱ្យពួកគាត់មានការស្ទាក់ស្ទើរពេលបញ្ជូនកូនចូលរៀន។ បងស្រីលីធីហ្វៀងយ៉េវ នៅភូមិដុងហ្វា ឃុំដុងថាញ់ ឱ្យដឹង៖ “នៅផ្ទះនិយាយភាសាខ្មែរ លុះកូនអាយុ៤ឆ្នាំទើបនឹកឃើញថា កូននិយាយភាសាវៀតមិនច្បាស់។ ពេលនោះ ប្តីប្រពន្ធខ្ញុំបារម្ភខ្លាចកូនតាមមិនទាន់មិត្តភក្តិ។ ប៉ុន្តែពេលទៅដល់សាលា ខ្ញុំទើបដឹងមានគ្រូបង្រៀនជនជាតិខ្មែរទទួលបន្ទុក ម្ល៉ោះហើយក៏ស្ងប់ចិត្តផងដែរ”។

គុណភាពអប់រំសិស្សជនជាតិខ្មែរកាន់តែកើនឡើងជាលំដាប់ពីមួយថ្ងៃទៅមួយថ្ងៃមួយ ផ្នែកគឺអាស្រ័យកងជួរគ្រូបង្រៀនជនជាតិខ្មែរអស់ពីចិត្តពីថ្លើម។ អ្នកគ្រូវិញធីកឹមវ៉ឹង គ្រូបង្រៀនសាលាមត្តេយ្យហឿងយឿង ឃុំតឹងមី ស្រុកត្រាអូង ឱ្យដឹង៖ “ខ្ញុំជាអ្នករស់នៅទីនេះស្រាប់ បង្រៀនច្រើនឆ្នាំមកហើយ ម្ល៉ោះហើយយល់ច្បាស់ពីភាពលំបាករបស់ប្អូនៗ។ អាស្រ័យហេតុនេះ ខ្ញុំមានគំនិតច្នៃប្រតិដ្ឋបទពិសោធន៍ “ជួយសិស្សជនជាតិខ្មែរឱ្យស្គាល់អក្សរនិងភាសាវៀតពេលចូលរៀន”។ គំនិតច្នៃប្រតិដ្ឋរបស់ ខ្ញុំត្រូវបានសាលាជាច្រើនលើភូមិសាស្ត្រ ទទួលយកនិងផ្សព្វផ្សាយអនុវត្ត”។

តាមប្រសាសន៍លោកស្រី ត្រឿងថាញញឹង នាយិកាមន្ទីរអប់រំនិងបណ្តុះបណ្តាលខេត្តវិញឡុង បច្ចុប្បន្នទូទាំងខេត្ត មានកម្មាភិបាលគ្រប់គ្រងនិងគ្រូបង្រៀនជាង៩៥% ដែលសម្រេចបទដ្ឋាននិងសម្រេចលើសបទដ្ឋាន។ កងកម្លាំងទាំងនេះ ពិតជារួមចំណែកលើកកម្ពស់គុណភាពអប់រំទូទាំងខេត្ត។ ឆ្លងតាមរយៈការត្រួតពិនិត្យ ឃើញថាគុណភាពអប់រំមត្តេយ្យទាំង៥ វិស័យរបស់ខេត្តសម្រេចជាង៩០%; ហើយ១០០%កុមារអាយុ៥ឆ្នាំបានរៀនចប់កម្មវិធីអប់រំមត្តេយ្យ៕

ហាថាញ- លីសៀ

ចែករំលែកអត្ថបទ

ពាក្យគន្លឹះ