មហាសាមគ្គីជនជាតិ គំរូក្នុងសហគមន៍

08/01/2024 - 16:58

លើកកម្ពស់គុណភាពលក្ខឋានភូមិជនបទថ្មី

បន្ទាប់ពីបានទទួលស្គាល់ភូមិសម្រេចបទដ្ឋានជនបទថ្មី ភូមិចុង-ង ឃុំហ៊ីវទឺ ស្រុកទីវកឹង ខេត្តត្រាវិញ បានបង្កើនការងារចលនាប្រជាជន ពិសេសគឺជនរួមជាតិខ្មែរចូលរួមលើកកម្ពស់គុណភាពលក្ខឋានជនបទថ្មី។

លោក ង្វៀងវ៉ាន់ចន ប្រធានភូមិចុង-ង ឱ្យដឹង៖ “ការកៀរគរប្រជាជនរួមអនុវត្តលក្ខឋានមានដូច៖ ផ្លូវគមានាគមន៍ ធារាសាស្ត្រ សាលារៀន ផ្សារជនបទ។ល។ លើភូមិសាស្ត្រភូមិជាមូលដ្ឋានត្រូវបានរក្សាខ្ជាប់ខ្ជួននិងលំនឹង។ លក្ខឋានបរិស្ថាន ប្រាក់ចំណូល មធ្យមភាគ អត្រាគ្រួសារក្រីក្រជាដើម កំពុងបន្តការអនុវត្ត”។

ដងផ្លូវជនបទថ្មីនៅភូមិចុង-ង។

ដើម្បីរក្សាខ្ជាប់លក្ខឋានបរិស្ថាន សាខាបក្ស ភូមិចុង-ង បានកសាងទម្រង់ប្រជាចលនាប៉ិនប្រសប់ “ដងផ្លូវគ្មានសំរាម”។ សាខាបក្សថែម ទាំងបានចាត់ឱ្យបក្ខជន ៣ រូប ពិនិត្យកិច្ចការប្រមូលសំរាមនៅតាមគ្រួសារ។ លោក គឹមតឹងថាញ់ បក្ខជនសាខាបក្សភូមិចុង-ង ឱ្យដឹង៖ “យើងខ្ញុំចលនាគ្រួសារប្រជាជនក្នុងភូមិ ប្រមូលបែងសំរាម និងបោះចោលចំកន្លែងត្រឹមត្រូវ ចុងសប្តាហ៍យើងខ្ញុំទៅពិនិត្យរាល់គ្រួសារ និងក្រើនរំលឹកមាមីងកុំចោលសំរាមពាសពេញ ហេតុនេះ បរិស្ថាននៅភូមិជនបទថ្មីតែងមានភាពភ្លឺ-បៃតង-ជ្រះ-ស្អាត”។

ដើម្បីលើកកម្ពស់កម្រិតរស់នៅដល់ប្រជាជន និងឈានដល់លក្ខឋានប្រាក់ចំណូល សាខាបក្សភូមិចុង-ង កសាងទម្រង់ “ជីកស្តារព្រែក ប្រឡាយក្នុងវាលឱ្យបានសម្រេចរួចរាល់ ដើម្បីធានាប្រភពទឹកស្រោចស្រពលើផ្ទៃដីផលិតក្នុងភូមិ”។ ទន្ទឹមនឹងការពង្រីកតួនាទីគំរូរបស់កម្មាភិបាល បក្ខជន អ្នកមានប្រជាប្រិយក្នុងតំបន់ជនរួមជាតិខ្មែរ ក្នុងការបរិច្ចាគដីជីកប្រឡាយ។ កសិករគឹមសម នៅភូមិចុង-ង ចែករំលែក៖ “គ្រួសារខ្ញុំមានផ្ទៃដីស្រែប្រមាណ ១,៥ ហិកតា។ ក្រោយពីបានភូមិភាគចលនាបរិច្ចាគដីជីកប្រឡាយក្នុងវាល គ្រួសារខ្ញុំបរិច្ចាគដីជិត ១ កុង ដើម្បីជីកប្រឡាយនិងធ្វើផ្លូវជនបទ”។ បច្ចុប្បន្ន ប្រព័ន្ធធារាសាស្ត្រនៅភូមិចុង-ងត្រូវបានធ្វើរួចរាល់ ធានាប្រភពទឹកស្រោចស្រពបម្រើផ្ទៃដី ផលិតក្នុងភូមិ ទិន្នផលស្រូវសម្រេចមធ្យមភាគពី៥,៥-៦,៥ តោន/ហិកតា ក្នុងនោះ មានគ្រួ សារជាច្រើនសម្រេចពី ៧-៨ តោន/ហិកតា។

ភូមិចុង-ងមានប្រជាជន ៣៥៥ គ្រួសារ ក្នុងនោះ គ្រួសារជនរួមជាតិខ្មែរស្រូបអត្រាជាង ៦០%។ ទូទាំងភូមិមានផ្ទៃដីកសិកម្មប្រមាណ ២៨៤ ហិកតា ក្នុងនោះ ផ្ទៃដីផលិតស្រូវស្រូបអត្រា១៨៣ហិកតា។ មាមីងខ្មែរនៅទាំងឆ្លៀតយកអនុផលពីចំបើងដើម្បីចិញ្ចឹមគោ ដោយមានប្រមាណជាង៧០០ក្បាល។ បច្ចុប្បន្ន ប្រាក់ចំណូលមធ្យមភាគលើមនុស្សម្នាក់សម្រេចជិត ៧០ លានដុង/ឆ្នាំ៕

សើុងម៉ាល័យ-មុនី

ចែករំលែកអត្ថបទ

ពាក្យគន្លឹះ