ព្រឹត្តិការណ៍ - នយោបាយ ព្រឹត្តិការណ៍

06/11/2023 - 17:13

វៀតណាម-កម្ពុជា ជំរុញកិច្ចសហប្រតិបត្តិការពាណិជ្ជកម្មនិងការផ្គូផ្គងអាជីវកម្ម

ស្ថាប័នធុរកិច្ច ស្ថានទូតវៀតណាមប្រចាំនៅកម្ពុជា ទើបសហការជាមួយនាយកដ្ឋានសេដ្ឋកិច្ចនៃក្រសួងការពារប្រទេសវៀតណាម និងការិយាល័យពាណិជ្ជកម្មកម្ពុជា រៀបចំសន្និសីទវៀតណាម-កម្ពុជា ជំរុញកិច្ចសហប្រតិបត្តិការពាណិជ្ជកម្ម និងការផ្គូផ្គងអាជីវកម្មវៀតណាម-កម្ពុជា ឆ្នាំ ២០២៣។ យោងតាមក្រសួងឧស្សាហពាណិជ្ជកម្មវៀតណាម វៀតណាមនិងកម្ពុជាសុទ្ធសឹងផ្ដើមពីសេដ្ឋកិច្ចកសិកម្ម ឧត្តមភាពគឺកសិកម្ម ដូច្នេះអាចនឹងវិនិយោគ ជួយគ្នាទៅវិញទៅមកជំរុញផ្នែកឧស្សាហកម្ម កែច្នៃកសិផល ដើម្បីផលិតផលកសិកម្មនៃប្រទេសទាំងពីរក្លាយជាសង្វាក់ផ្គត់ផ្គង់សម្រាប់ទីផ្សារក្នុងតំបន់ និងអន្តរជាតិ។ គោលនយោបាយអភិវឌ្ឍន៍កសិកម្មបច្ចុប្បន្ន គឺជាអាទិភាពមួយក្នុងចំណោមអាទិភាពរបស់រដ្ឋាភិបាលកម្ពុជា និងគឺជាឧត្តមភាពរបស់វិនិយោគិនអាជីវកម្មវៀតណាម។ ....

អនុរដ្ឋមន្ត្រីក្រសួងឧស្សាហពាណិជ្ជកម្ម ដោថាំងហាយ ថ្លែងយោបល់ក្នុងសន្និសីទ។

បច្ចុប្បន្ន ប្រទេសទាំងពីរកំពុងខិតខំប្រឹងប្រែងស្ដារ និងអភិវឌ្ឍន៍សេដ្ឋកិច្ច។ តាមការព្យាករណ៍ក្នុងឆ្នាំ ២០២៣ កំណើន GDP របស់កម្ពុជានឹងសម្រេចប្រមាណ ៥,៦% និងវៀតណាមសម្រេចប្រមាណ ៥% ក្នុងចំណោមប្រទេសលំដាប់កំពូលកំណើន GDP ខ្ពស់បំផុតក្នុងតំបន់អាស៊ាន។ តម្លៃពាណិជ្ជកម្មនៃប្រទេសទាំងពីរ ឆ្នាំ២០២២ សម្រេច១០,៥៧ ពាន់លាន USD។

ពិសេស ការដែលរដ្ឋាភិបាលវៀតណាមនិងកម្ពុជា បានចុះកិច្ចព្រមព្រៀងពាណិជ្ជកម្មព្រំដែន និងអនុស្សរណៈជំរុញពាណិជ្ជកម្មទ្វេភាគី ដំណាក់កាល ២០២៣-២៩២៤ រួមជាមួយនឹងរដ្ឋាភិបាលកម្ពុជា បានប្រកាសឱ្យប្រើសេចក្ដីសម្រេច ផ្សព្វផ្សាយអនុវត្តច្បាប់ស្ដីពីការវិនិយោគថ្មី កិច្ចព្រមព្រៀងនៃភាគីទាំងពីរបានចុះហត្ថលេខា ដូចជាអនុស្សរណៈយោគយល់គ្នាស្ដីពីកិច្ចសហប្រតិបត្តិការក្នុងវិស័យកសិកម្មនិងការងារ ធ្វើកិច្ចព្រមព្រៀងបញ្ជៀសបង់ពន្ធពីរដង ។ល។ នឹងជាមូលដ្ឋានងាយស្រួលដើម្បីអាជីវកម្ម វិនិយោគិននៃប្រទេសទាំងពីរ បន្តការសិក្សាស្រាវជ្រាវ ជំរុញការវិនិយោគ អាជីវកម្មក្នុងវិស័យកសិកម្ម កែច្នៃកសិផល កសាងហេដ្ឋារចនាសម្ព័ន្ធ ទេសចរណ៍ សេវាកម្មពាណិជ្ជកម្ម ពិសេសគឺពាណិជ្ជកម្មព្រំដែន៕

ប្រភពៈ nhandan.vn- ប្រែសម្រួលៈ ពេជ្រសឿន

ចែករំលែកអត្ថបទ

ពាក្យគន្លឹះ