សុខភាព - អប់រំ អប់រំ

19/10/2023 - 17:29

វត្តធំ សហការរៀបចំបង្រៀនវិជ្ជាជីវៈដល់ពលករនៅភូមិភាគ

វត្តអរិយមុនីធម្មវង្សាបាហារី (វត្តធំ) មានទីតាំងនៅឃុំង៉ូវឡាក ស្រុកយៀងហាយ ខេត្តត្រាវិញ ជាវត្តមួយមានឈ្មោះល្បីល្បាញខាងវិស័យអប់រំនិងបណ្តុះបណ្តាល។ វត្តមិនត្រឹមតែជាកន្លែងអភិរក្ស តម្លៃវប្បធម៌ប្រពៃណីរបស់ជនរួមជាតិខ្មែរប៉ុណ្ណោះទេ ថែមទាំងជាកន្លែងបណ្តុះបណ្តាលប្រភពធនធានមនុស្សក្នុងជនរួមជាតិខ្មែរនៅភូមិភាគទៀតផង។

ព្រះតេជព្រះគុណ ថាច់សេដ្ឋា (អង្គខាងក្នុង) កំពុងណែនាំសិក្ខាកាមពីរបៀបឆ្លាក់ឈើ។

ព្រះតេជព្រះគុណថាច់សេដ្ឋា ព្រះចៅអធិការរង មានថេរដីកា៖ “ដោយយល់ឃើញថា ការបណ្តុះបណ្តាលវិជ្ជាជីវៈ គឺជាតម្រូវការមួយដ៏ចាំបាច់ ដូច្នេះ ក្រៅពីការរៀបចំបើកថ្នាក់ពុទ្ធិកសិក្សាដល់សមណសិស្សនិងសិស្ស អាត្មាភាពក៏បានស្នើទៅផ្នែកពាក់ព័ន្ធ ដើម្បីរៀបចំបើកវគ្គបណ្តុះបណ្តាលមុខរបរមួយចំនួននៅក្នុងវត្ត។ អាត្មាភាពសប្បាយចិត្តខ្លាំងណាស់ ព្រោះថ្នាក់បណ្តុះបណ្តាលវិជ្ជាជីវៈមានសិក្ខាកាមចូលរៀនច្រើន”។

ព្រះតេជព្រះគុណ ថាច់សេដ្ឋា កំពុងណែនាំសិក្ខាកាមពីរបៀបឆ្លាក់ឈើ។

ចាប់ពីឆ្នាំ២០១៤មក ជារៀងរាល់ឆ្នាំ វត្តតែងរៀបចំបើកបណ្តុះបណ្តាលវិជ្ជាជីវៈដល់ពលករជនបទពី២-៣ថ្នាក់ ដោយមានមុខរបរដូច៖ ជួសជុលម៉ាស៊ីន គ្រឿងអគ្គិសនីប្រើប្រាស់តាមគ្រួសារចម្លាក់។ល។ នេះជាមុខរបរសមស្របនឹងតម្រូវនៅភូមិភាគ។ ហេតុនេះ វគ្គនីមួយៗ មិនត្រឹមតែទាក់ទាញពលករនៅភូមិភាគប៉ុណ្ណោះទេ មានទាំងពលករនៅភូមិភាគជិតខាងមកចូលរៀនផងដែរ។

ព្រះតេជព្រះគុណថាច់សេដ្ឋា ពិតឱ្យដឹងបន្ថែម៖ ដោយសារលក្ខណៈនៃការបណ្តុះបណ្តាលវិជ្ជាជីវៈ គឺផ្តោតលើមុខរបរជនបទ រយៈពេលសិក្សា៣ខែ ដូច្នេះ ស្ថាប័នទទួលបន្ទុកការងារបង្ហាត់បង្រៀន គឺផ្តោតទៅលើខ្លឹមសារសំខាន់ៗ ក្នុងនោះ ទ្រឹស្តីត្រូវដើរទន្ទឹមនឹងការអនុវត្ត ដើម្បីសិក្ខាកាមឆាប់ថ្នឹកនឹងមុខរបរសិក្សា។ ក្រោយពីចប់វគ្គសិក្សា វត្តនៅសហការជាមួយអង្គភាពរៀបចំវគ្គបណ្តុះបណ្តាល ជូនវិញ្ញាបនបត្រដល់សិក្ខាកាម ដើម្បីសិក្ខាកាមងាយស្រួលក្នុងការទៅសុំការងារធ្វើនៅតាមក្រុមហ៊ុន។

អ្នកស្រី កៀងធីស្មិត អនុប្រធានគណៈកម្មាធិការប្រជាជនឃុំង៉ូវឡាក ឱ្យដឹង៖ “វត្តធំ បានរួមចំណែកយ៉ាងសំខាន់ក្នុងការបណ្តុះបណ្តាលប្រភពធនធានមនុស្ស បម្រើការគ្រប់វិស័យក្នុងជីវភាពសង្គម។ ប៉ុន្មានឆ្នាំកន្លង វត្តរក្សាបានល្អកិច្ចសហការរៀបចំបើកវគ្គបណ្តុះបណ្តាល បង្កភាពងាយស្រួលដល់ភូមិភាគឧទ្ទេសនាមពលករទៅធ្វើការនៅខេត្តនានា។ ពលករដែលបានភូមិភាគឧទ្ទេសនាម សុទ្ធសឹងបានក្រុមហ៊ុន គ្រឹះស្ថានផលិតនិងសេវាកម្មមួយចំនួន ទទួលចូលធ្វើការដោយកម្រិតប្រាក់បៀវត្សលំនឹង”៕

សើុងម៉ាល័យ-មុនី

ចែករំលែកអត្ថបទ

ពាក្យគន្លឹះ