មហាសាមគ្គីជនជាតិ ភូមិស្រុកផ្លាស់ថ្មី

05/09/2023 - 16:40

តភ្ជាប់គមនាគមន៍ដើម្បីអភិវឌ្ឍលើគ្រប់វិស័យ

ឃុំឡុងហ៊ីប ស្រុកថ្កូវ ខេត្តត្រាវិញ កំពុងផ្តុំកម្លាំងអភិវឌ្ឍគមនាគមន៍ជនបទ សំដៅជំរុញអភិវឌ្ឍសេដ្ឋកិច្ច-សង្គម លើកស្ទួយជីវភាព សម្ភារៈ ស្មារតីរបស់ប្រជាជនតំបន់ជនបទ។

ដងផ្លូវភូមិផ្សារ។

លោក គឹមបៃលី ប្រធានគណៈកម្មាធិការប្រជាជនឃុំឡុងហ៊ីប ឱ្យដឹង៖ “ដោយកំណត់ច្បាស់ការអភិវឌ្ឍហេដ្ឋារចនាសម្ព័ន្ធគមនាគមន៍ជនបទ គឺជាគោលដៅដ៏សំខាន់មួយក្នុងចំណោមគោលដៅចម្បងៗក្នុងដំណាក់កាលអភិវឌ្ឍសេដ្ឋកិច្ច-សង្គម ម្ល៉ោះហើយឃុំអាទិភាពរាល់ប្រភពទុននៃកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល២០២១-២០៣០ ដើមទុនកសាងជនបទថ្មី និងដើមទុនប្រជាជនរួមវិភាគទាន៘ ដើម្បីកសាងដងផ្លូវបេតុង ផ្លូវកៅស៊ូជាច្រើនតភ្ជាប់ភូមិនិងតភ្ជាប់ឃុំនានា។ បច្ចុប្បន្ន គមនាគមន៍ជនបទលើភូមិសាស្ត្រឃុំ ជាសារវន្តសម្រេចជាស្ថាពរឆ្លើយតបទៅនឹងតម្រូវការអភិវឌ្ឍរបស់ប្រជាជន”។

យុវជនស្ម័គ្រចិត្តរដូវវិស្សមកាលបៃតងសម្អាតផ្លូវជនបទថ្មីនៅភូមិផ្សារ ឃុំឡុងហ៊ីប។

ដងផ្លូវជនបទពីភូមិផ្សារទៅទល់នឹងភូមិផ្នោរព្រាល ត្រូវបានវិនិយោគសម្រេចជាស្ថាពរដាក់ឱ្យប្រើប្រាស់ ដោយមានទទឹង៥ម៉ែត្រ ប្រវែងជាង៣០០ម៉ែត្រ សរុបជាទឹកប្រាក់ជិត១ពាន់លានដុង។ លោកគឹមបៃលី ប្រធានគណៈកម្មាធិការប្រជាជនឃុំឡុងហ៊ីប ឱ្យដឹងបន្ថែម៖ “នេះគឺដងផ្លូវត្រូវបានធ្វើពីកម្លាំងទឹកចិត្តប្រជាជន។ ដោយគោលលំនាំ “រដ្ឋនិងប្រជាជនរួមគ្នាធ្វើ” ខណៈពេលមានគោលការណ៍ធ្វើផ្លូវ ឃុំបានចលនា ហើយប្រជាជនក៏ស្ម័គ្រចិត្តបរិច្ចាគដី ដំណាំដាំដុះនិងកម្លាំងពលកម្ម”។

ពូត្រឹងវ៉ាន់ត្រុង នៅភូមិផ្សារ ឱ្យដឹង៖ “គ្រួសារ ខ្ញុំនិងប្រជាជននៅទីនេះស្ទើរតែទាំងអស់តែងស្ម័គ្រចិត្តគាំទ្រធ្វើផ្លូវពីព្រោះមានផ្លូវគមនាគមន៍ជនបទត្រឹមត្រូវ គឺជាចរន្តដើម្បីអភិវឌ្ឍសេដ្ឋកិច្ច-សង្គម។ សព្វថ្ងៃ ពេលមានផ្លូវគមនាគមន៍ងាយស្រួលធ្វើដំណើរ ប្រជាជនរីករាយណាស់។ ប៉ុន្មានឆ្នាំជិតៗនេះ ប្រជាជនរស់នៅលើភូមិសាស្ត្ររកស៊ីកាន់តែរីកចម្រើនដោយសារមានប្រព័ន្ធគមនាគមន៍ជនបទស្រួលបួលត្រឹមត្រូវ”។

ដោយការប្តេជ្ញាចិត្តធ្វើយ៉ាងណាដើម្បីគមនាគមន៍ជនបទកាន់តែមានភាពសុក្រឹត បង្កជាបុព្វបទដើម្បីអភិវឌ្ឍសេដ្ឋកិច្ច-សង្គម ឃុំឡុងហ៊ីប បានអាទិភាពវិនិយោគកសាងដងផ្លូវគមនាគមន៍ជនបទដែលបានផ្តល់សច្ចាប័ន ធានាផែនការបង្កើនការគ្រប់គ្រងរក្សា ការពារប្រព័ន្ធផ្លូវបេតុងនិងផ្លូវកៅស៊ូទូទាំងឃុំ ធានាធ្វើចរាចរណ៍បានងាយស្រួល។ ទន្ទឹមនឹងនោះ សហការនឹងអង្គភាពពាក់ព័ន្ធនានាអនុវត្តល្អការរៀបចំឈូសឆាយពង្រាបដី បង្កលក្ខណសម្បត្តិងាយស្រួល ដើម្បីអង្គភាពនានាបើកការដ្ឋានសាងសង់សំណង់លើភូមិសាស្ត្រឃុំ ត្រូវតាមល្បឿនដំណើរការ; បន្តការចលនាប្រជាជនអនុវត្តសង្គមូបនីយកម្ម តាមដងផ្លូវអំពូលភ្លើងភ្ជាប់ឃុំ ពីភូមិមួយទៅភូមិមួយសម្រេចតាមសំណូមពរលក្ខឋានកសាងជនបទថ្មីដែលបានកំណត៕

សើុងម៉ាល័យ-លីសៀ

ចែករំលែកអត្ថបទ

ពាក្យគន្លឹះ