មហាសាមគ្គីជនជាតិ គំរូក្នុងសហគមន៍

05/09/2023 - 16:40

លោកគ្រូចៅផល្លី គំរូជម្នះការលំបាក

លោកគ្រូចៅផល្លី គ្រូបង្រៀនវិញ្ញាសាបច្ចេកវិទ្យាព័ត៌មាននៃសាលាមធ្យមសិក្សាវិជ្ជាជីវៈជនជាតិ អន្តេវាសិកអាងយ៉ាង គឺជាគំរូជម្នះការលំបាកក្នុងការសិក្សានិងបង្ហាត់បង្រៀន…។

លោកគ្រូចៅផល្លី។

លោកគ្រូចៅផល្លី រៀបរាប់ឪពុកម្តាយ គាត់ជាកសិករ។ គ្រួសារមានដីស្រែជាង១០កុង ប៉ុន្តែមានបងប្អូនដល់ទៅ១០ នាក់ ដូច្នេះ ជីវភាពជួបការលំបាកខ្លាំង។ អាស្រ័យហេតុដូច្នោះ “ខ្ញុំតែងមានស្មារតីភ្ញាក់រលឹកក្នុងការរៀនសូត្រឱ្យបានល្អ ហើយយល់ឃើញថា មានតែការសិក្សាប៉ុណ្ណោះទើបជីវភាពបានល្អប្រសើរទៅថ្ងៃអនាគត” លោកគ្រូផល្លី បានរំលឹកឡើងដូច្នេះ។ មានគំនិតដូច្នោះ ប៉ុន្តែដើម្បីបាន ទៅរៀនសូត្រនៅ “សម័យនោះ” គឺមិនងាយទេ។ ពីព្រោះ ពេលរៀនចប់វិញ្ញាបនបត្រវិទ្យាល័យ មិត្តភក្តិរបស់គាត់ជាច្រើនឈប់រៀនឡើងទៅក្រុងហូជីមិញ ប៊ិញយឿង។ល។ រកការងារធ្វើ ដើម្បីរកប្រាក់ចំណូលជួយគ្រួសារ។ ពេលនោះ សម្ពាធជីវភាពបូកផ្សំនឹងមនុស្សជាច្រើន “និយាយចេញនិយាយចូល” ម្តាយគាត់បង្ខំឱ្យឈប់រៀន។ ខ្ញុំនិយាយនឹងម្តាយ “គ្រួសារយើងមានដីស្រែតិចតូច បើម្តាយចែកឱ្យកូនៗ ម្នាក់ៗ ក៏មិនបានប៉ុន្មានទេ។ល។ ធ្វើកសិករដីស្រែតិចតូច ទៅស៊ីឈ្នួលពិបាកណាស់។ល។ កូនខិតខំប្រឹងប្រែងសិក្សា មានតែការសិក្សាទេទើបចាកផុតពីភាពក្រីក្រ”។ ប្រហែលជាយល់ឃើញថា ការសម្រេចចិត្តរបស់ខ្ញុំត្រឹមត្រូវ ម្តាយខ្ញុំយល់ព្រម ហើយតែងលើកទឹកចិត្តឱ្យខំប្រឹង រៀនសូត្របានល្អ” លោកគ្រូចៅផល្លី បានរំលឹកឡើងដូច្នេះ។

បន្ទាប់ពីឆ្លងកាត់ការលំបាកជាច្រើនឆ្នាំ នៅខែមិថុនា ឆ្នាំ២០០០ ចៅផល្លី បញ្ចប់ការសិក្សាផ្នែកគរុកោសល្យរូបវិទ្យាព័ត៌មានវិទ្យានៅមហាវិទ្យាល័យកឹងធើ។ ហើយនៅចុងឆ្នាំនោះ លោកគ្រូបានទទួលចូលធ្វើការនៅសាលាមធ្យមសិក្សា វិជ្ជាជីវៈជនជាតិអន្តេវាសិកអាងយ៉ាង មានទីតាំងនៅស្រុកទ្រីតូង ខេត្តអាងយ៉ាង។ ដូចដែលគាត់បានពោល គឺក្នុងដំណាក់កាលរៀនបណ្តើរ ធ្វើការបណ្តើរ (ស្ទង់ស្ទាបទីផ្សារ វិនិច្ឆ័យទិន្នន័យ។ល។) នៅកឹងធើ គឺជាការអនុវត្តដ៏មានតម្លៃ ជួយឱ្យគាត់ម្ចាស់ការបង្ខិតជិតនិងអនុវត្តសម្រេចរួចរាល់នូវការងារដែលសាលាប្រគល់ឱ្យ។ លោកគ្រូចៅផល្លី ចែករំលែក៖ “ចំពោះការអភិវឌ្ឍយ៉ាងឆាប់រហ័សនៃផ្នែកបច្ចេកវិទ្យាព័ត៌មាន ទាមទារគ្រូបង្រៀនតែងផ្លាស់ថ្មី និងធ្វើបច្ចុប្បន្នភាពជាបន្តបន្ទាប់។ ក្នុងខណៈនោះ ផ្នែកទន់ឬចំណេះដឹងពាក់ព័ន្ធ។ល។ ភាគច្រើនជាភាសាអង់គ្លេស ដូច្នេះ ខ្ញុំខំប្រឹងប្រែងស្វែងយល់និងសិក្សាដោយខ្លួនឯង សន្សំចំណេះដឹងនិងធ្វើបច្ចុប្បន្នភាពដើម្បីមិនឱ្យហួសសម័យ”។ គ្រាមួយ “មើលអ៊ីនធឺណែត” លោកគ្រូ “ប្រមាញ់” បានអាហារូបករណ៍ពេញលេញរបស់រដ្ឋាភិបាលអូស្ត្រាលី ជំនាញផ្នែកគ្រប់គ្រង ការអប់រំ។ល។ អំពីអាហារូបករណ៍នេះ លោកគ្រូចែករំលែក៖ “ដំបូង ខ្ញុំគ្រាន់តែសាកល្បងសំណាងរបស់ខ្លួន។ល។ ប៉ុន្តែពេលបានទទួល ខ្ញុំព្យាយាមសិក្សាភាសាអង់គ្លេសបង្កើនចំណេះដឹង ក៏ដូចជាបំណិនផ្សេងៗជាច្រើនទៀត ដើម្បីឆ្លើយតបទៅនឹងតម្រូវការរបស់រដ្ឋាភិបាលអូស្ត្រាលី។ ពិតជាមានសំណាង ខ្ញុំឈ្នះលើបេក្ខជនជាច្រើន ហើយបានទៅប្រទេសអូស្ត្រាលី សិក្សាជាផ្លូវការនៅឆ្នាំ២០១៨ វិលមកសាលាបំពេញការងារនៅឆ្នាំ២០២០”។

លោកគ្រូកាវវ៉ាន់ធិត នាយកសាលាមធ្យមសិក្សាវិជ្ជាជីវៈជនជាតិអន្តេវាសិកអាងយ៉ាង ចែករំលែក៖ ជាគ្រូបង្រៀនវ័យក្មេងមួយរូប ទទួលបានការបណ្តុះបណ្តាលនៅប្រទេសក្រៅ ម៉្លោះហើយ លោកគ្រូចៅផល្លី តែងសកម្មនិងអនុវត្តសម្រេចឆ្នើមភារកិច្ចប្រគល់ឱ្យ។ ពិសេស ក្នុងការជម្រើសសិស្ស លោកគ្រូចៅផល្លី តែងគួបផ្សំដំណើររឿងរបស់លោកគ្រូដើម្បីលើកទឹកចិត្តសិស្ស “រៀនដើម្បីបង្កើនកម្រិតវិជ្ជា បង្កើនចំណេះដឹង រៀនដើម្បីចាកផុតពីភាពក្រីក្រ”។ល។ អាស្រ័យដំណើររឿងមនុស្សពិត ការងារពិតរបស់លោកគ្រូចៅផល្លី ជួយបំផុសគំនិតសិស្សជនជាតិខ្មែរជាច្រើន។ ប្រការនេះ ក៏បានរួមចំណែកជួយឱ្យការងារជ្រើសរើសសិស្សរបស់សាលាជាច្រើនឆ្នាំមកនេះ តែងសម្រេចនិងសម្រេចលើសចំនួនបើប្រៀបធៀបនឹងភាគកម្រិតនៃផែនការ។ ជាពិសេស លោក គ្រូចៅផល្លី ក៏ទទួលបានលិខិតសរសើរនិងបណ្ណសរសើរជាច្រើន។ល។ ព្រោះសម្រេចបានស្នាដៃក្នុងការរួមចំណែកឱ្យសាលា ក៏ដូចជាការងារអប់រំតំបន់ជនរួមជាតិភាគតិចនៅអាងយ៉ាង៕

ថាញ់ឡុង-មុនី

ចែករំលែកអត្ថបទ

ពាក្យគន្លឹះ