មហាសាមគ្គីជនជាតិ ភូមិស្រុកផ្លាស់ថ្មី

10/10/2022 - 10:51

របៀបបង្ការ ព្យាបាលជំងឺលាមកពណ៌សលើបង្គា

នៅវេទិកាបង្គាវៀតណាម ដែលទើបប្រព្រឹត្តឡើងនៅខេត្តបាកលីវ ក្រុមអ្នកវិទ្យាសាស្រ្តនៃវិទ្យាស្ថានស្រាវជ្រាវវារីវប្បកម្ម II បានធ្វើបទបង្ហាញពីភ្នាក់ងារបង្កជំងឺលាមកពណ៌សនៅលើបង្គានាគ និងបង្គាជើង-ស។

បង្គាមានជំងឺលាមកពណ៌ស។ រូប៖ សហការី

តាមវិទ្យាស្ថានស្រាវជ្រាវវារីវប្បកម្ម II ស្រះបង្គាភាគច្រើនដែលកើតមានជំងឺលាមកពណ៌ស តែងប្រទះឃើញនូវរោគសញ្ញាទូទៅមួយចំនួន រួមមាន៖ ជំងឺកើតឡើងនៅដំណាក់កាលក្រោយពីព្រលែងចិញ្ចឹមបាន ៧០-១០០ ថ្ងៃ បង្គាចាប់ផ្តើមងាប់រប៉េះរប៉ោះជាលក្ខណៈជំងឺរុាំរ៉ៃ បង្គាស្គម និងទម្ងន់ថយចុះ ដងខ្លួនមានពណ៌ស្រគាំឬស្លេកៗ លើសម្បកនិងស្រកីមានសត្វល្អិតតោងច្រើន។ ជំងឺបានប្រទះឃើញ ខណៈពេលមានសរសៃលាមកពណ៌សបណ្តែតឡើងលើមុខទឹក ប្រមូលផ្តុំនៅជ្រុងស្រះឬក្នុងរបែងដាក់ចំណី។ ថ្លើមលំពែង បង្គាដែលមានជំងឺត្រូវស្វិតនិងមានពណ៌សល្អក់ ដូចទឹកដោះ ឬពណ៌សសស្លេក ពោះវៀនដាច់ជាកំណាត់ៗ និងមានពណ៌ស។ អណ្តូងណាដែលបង្គាកើតជំងឺលាមកពណ៌សកាលពីរដូវមុននោះ រដូវបន្ទាប់នឹងមានអត្រាកើតជំងឺនេះកើនទ្វេដង បើប្រៀបនឹងអណ្តូងធម្មតា។ ជំងឺមិនឆ្លងរាលដាលពាសពេញទេ ប៉ុន្តែគ្រាន់តែកើតមានចំពោះអណ្តូងចិញ្ចឹមមួយចំនួនដែលព្រលែងកូនពូជច្រើនលើសលប់ និងមិនសូវផ្លាស់ទឹក; ជំងឺនេះកើតច្រើនបំផុតនៅខែមិថុនា កក្កដា និងខែសីហា។ ជំងឺកាន់តែធ្ងន់ធ្ងរខ្លាំងចំពោះអណ្តូងចិញ្ចឹមណាដែលមិនអាចគ្រប់គ្រងបានបរិមាណ ចំណីសំណល់ចំណីច្រើនពេក។ លទ្ធផលស្រាវជ្រាវបានបង្ហាញឱ្យឃើញថា មានភ្នាក់ងារបង្កជំងឺជាច្រើនបណ្តាលឱ្យបង្គាកើតជំងឺលាមកពណ៌ស រួមទាំងឆ្លង HPV (៣៦%) ក្រុមមេរោគ Vibrio (៨០%) និងក្រុមសារាយខៀវ (៤៥,៤%)។

ឆ្លងតាមរយៈនោះ អ្នកវិទ្យាសាស្រ្តនៃវិទ្យាស្ថានស្រាវជ្រាវវារីវប្បកម្ម II បានដាក់ចេញនូវវិធានការបង្ការនិងព្យាបាលជំងឺលាមកពណ៌ស ដូចខាងក្រោម៖

ធ្វើការកែប្រែអណ្តូងឱ្យបានត្រឹមត្រូវ ស្របតាមរបៀបបច្ចេកទេស។ ចំពោះអណ្តូងចិញ្ចឹមដែលធ្លាប់កើតជំងឺ គប្បីភ្ជូរនិងហាលដីបាតអណ្តូង តិចបំផុតពី ២-៣ សប្តាហ៍ (ចោលស្រទាប់ដីដែលចិញ្ចឹមរដូវមុនពី ១០-១៥ សង់ទីម៉ែត្រ) ផ្គត់ផ្គង់ទឹកវិនិច្ឆ័យទឹកត្រូវតាមសំណូមពរ (៣០ ppm chlorine ឬប្រើសារធាតុគីមីកម្ចាត់មេរោគផ្សេងទៀត)។

កម្ចាត់មេរោគក្នុងអណ្តូងទឹក និងភ្នាក់ងារបង្ករោគ។ គ្រប់គ្រងម៉ឺងម៉ាត់ មិនឱ្យមានប្រភេទងាវ គ្រែង លៀស និងប្រភេទដង្កូវ Polychaeta មានវត្តមាននៅក្នុងអណ្តូងចិញ្ចឹមជាដាច់ខាត។ ត្រូវតែមានរបៀបដាក់ចំណី និងត្រួតពិនិត្យហ្មត់ចត់កម្រិតប៉ារ៉ាម៉ែត្របរិស្ថាន ដូចជា៖ កម្រិត pH សីតុណ្ហភាពពណ៌ទឹក។ល។ និងបង្កើនការបើករហាត់ទឹក។

ត្រូវយកសំណល់ចំណីដែលសល់ចោល និងកាកសំណល់សរីរាង្គក្នុងអណ្តូងជាប្រចាំ។ គប្បីស្តុកទុកបរិមាណទឹកស្អាតបម្រុងឱ្យបានគ្រប់គ្រាន់ ដើម្បីអាចផ្គត់ផ្គង់ចូលស្រះចិញ្ចឹម ខណៈពេលចាំបាច់។

បំពេញបន្ថែមដំបែអតិសុខុមប្រាណ ដើម្បីកាត់បន្ថយមេរោគបង្កជំងឺពោះវៀនដល់បង្គា។ បន្ថែមសារធាតុបង្កើនភាពធន់ដល់បង្គា ដូច៖ Vitamine C, Yeast, β-Glucan។ អាចប្រើប្រាស់សារធាតុប្រឆាំងវេត្រាណូ ដូច៖ មើមខ្ទឹមស សារធាតុចម្រាញ់ពីរុក្ខជាតិឱសថ។ ក្រៅពីនោះ អ្នកចិញ្ចឹមបង្គាអាចច្របល់សារធាតុចម្រាញ់ពីមើមរំដេងចូលក្នុងចំណី មានសមត្ថភាពបង្ការជំងឺលាមកពណ៌ស និងដំបៅរលួយនៃកោសិកា ថ្លើមលំពែងស្រួចស្រាវទៀតផង។ ករណីចាំបាច់អាចធ្វើអន្តរាគមន៍ដោយអង្គបដិបក្ខ ប៉ុន្តែគប្បីយកចិត្តទុកដាក់ដល់ប្រភេទអង្គបដិបក្ខឱ្យបានសមស្រប បាតុភូតសុាំថ្នាំ និងបរិមាណសេសសល់ក្នុងបង្គា៕

យ្វីអាញ់ (កត់ត្រា)-វិមាន

ចែករំលែកអត្ថបទ

ពាក្យគន្លឹះ