ព្រឹត្តិការណ៍ - នយោបាយ ព្រឹត្តិការណ៍

19/09/2022 - 14:41

វេទិកាកសិករជាតិ “កសិករជំនាញ”

នៅរដ្ឋធានីហាណូយ ទើបប្រព្រឹត្តឡើងវេទិកាកសិករជាតិ លើកទី VII ក្រោមបធានបទ “កសិករជំនាញ”។

ទិដ្ឋភាពនៃវេទិកាកសិករជាតិ លើកទី VI។

វេទិកានេះ អាស្រ័យមជ្ឈិមសមាគមកសិករវៀតណាម ក្រសួងកសិកម្ម និងអភិវឌ្ឍន៍ជនបទ សហការជាមួយនឹងអង្គភាពដែលពាក់ព័ន្ធរៀបចំឡើង បានទាក់ទាញអ្នកតំណាងចូលរួមជិត ៥០០ នាក់ ក្នុងនោះ មានកសិករ ៣០០ នាក់ដែលជាកសិករផលិត ធ្វើអាជីវកម្មពូកែ ដំណាក់កាល ២០១៧-២០២២។ វេទិកាសំដៅពិភាក្សាអំពីការជំរុញចងសម្ព័ន្ធរវាងកសិករនិងអាជីវកម្ម កសិករនិងកសិករ ដើម្បីកសាងខ្សែសង្វាក់ផលិតកម្មផលិតផល; រាល់យន្តការ គោលនយោបាយជំនួយកសិករអនុវត្តតំណខ្សែសង្វាក់ សាខាក្រុមនៃសមាគមវិជ្ជាជីវៈ កសាងកសិកម្មជីវបរិស្ថាន បណ្ដុះបណ្ដាលមុខរបរដល់កសិករ ជំនួយកសិករផ្លាស់ប្ដូរឌីជីថល ផ្សព្វផ្សាយនិងឧទ្ទេសនាមកសិផលជាដើម។

មានប្រសាសន៍ក្នុងវេទិកានេះ អនុប្រធានរដ្ឋ វ៉ធីអាញ់ស្វឹង សង្កត់ធ្ងន់ៈ បក្ស រដ្ឋ តែងចាត់ទុកកសិកម្ម កសិករ ជនបទ ក្នុងតួនាទីយុទ្ធសាស្រ្តក្នុងបុព្វហេតុឧស្សាហូបនីយកម្ម ទំនើបភាវូបនីយកម្ម កសាងនិងការពារមាតុភូមិ; ចាត់ទុកកសិករជាតួអង្គ សំខាន់ក្នុងដំណាក់កាលអភិវឌ្ឍន៍កសិកម្ម សេដ្ឋកិច្ចជនបទ កសាងជនបទថ្មី។ អនុប្រធានរដ្ឋ សំណូមពរ មជ្ឈិមសមាគមកសិករវៀតណាម គប្បីប្រញឹកធ្វើការបូកសរុប មតិយោបល់របស់កសិករ អាជីវកម្ម អ្នកតំណាងចូលរួមវេទិកានេះ ដើម្បីសហការជាមួយក្រសួង គណៈ ផ្នែកដែលពាក់ព័ន្ធ ដាក់សំណើគោលនយោបាយប្រកបដោយប្រសិទ្ធភាព សំដៅដោះស្រាយបញ្ហាចំពោះមុខ ក៏ដូចជាយូរអង្វែងសម្រាប់កសិកម្ម កសិករ ជនបទ៕

ប្រភព: កាសែតប្រជាជន-ប្រែសម្រួល: ពេជ្រសឿន

ចែករំលែកអត្ថបទ

ពាក្យគន្លឹះ