មហាសាមគ្គីជនជាតិ គំរូក្នុងសហគមន៍

30/05/2022 - 10:16

កសិករ​គំ​រូ​ សើុង​សាង​

លោក​ពូសើុង​សាង​ នៅ​ភូមិ​ស្លា​ប៉ាង​ ឃុំ​ដូង​ចូវ​ ស្រុក​យ្វៀង​ហាយ​ ខេត្ត​ត្រា​វិញ​ ដោយ​ចរិត​ឧស្សាហ៍​ព្យា​យាម​ពល​កម្ម​ផលិត​ ម្ល៉ោះ​ហើយ​សម្រេច​ប្រ​សិទ្ធ​ភាព​ខ្ពស់​ក្នុង​ការ​ផលិត​និង​ធ្វើ​អា​ជីវ​កម្ម​។​

លោក​ពូសើុង​សាង​ (ខាង​ស្ដាំ​) កំ​ពុង​ដោះ​ដូរ​យោ​បល់​ជាមួយ​នឹង​លោក​ថាច់​ថាញ់​កុង​ ប្រ​ធាន​សាខា​សមាគម​កសិករ​ភូមិ​ស្លា​ប៉ាង​។​

ក្រោយពី​សាង​ផ្នួសបួស​រៀន​ លោក​ពូសាង​ បាន​លា​ចាក​សិក្ខា​បទ​ ហើយ​កសាង​ជីវ​ភាព​គ្រួ​សារ។​ ដោយ​ចរិត​ឧស្សា​ហ៍​ព្យា​យាម​ តាម​ដាន​កាសែត​ ទូរ​ទស្សន៍​ដើម្បី​សិក្សា​ចំ​ណេះ​ដឹង​ ម្ល៉ោះ​ហើយ​ លោក​ពូមាន​ការ​យល់​ដឹង​ច្រើន​ពីវិទ្យា​សាស្ត្រ​បច្ចេក​ទេស​ ហើយ​ក៏​បាន​យក​មក​អនុវត្ត​ក្នុង​ផលិត​កម្ម​ ចិញ្ចឹម​សត្វ​សម្រេច​ប្រ​សិទ្ធ​ភាព​ខ្ពស់​។​ លោក​ពូសើុង​សាង​ ឱ្យ​ដឹង​៖ “ក្រៅ​ពីធ្វើ​ស្រែ​ ខ្ញុំ​ចិញ្ចឹម​ក្របី​ ស៊ី​ឈ្នួល​ភ្ជួរ​រាស់ឱ្យ​គ្រួ​សារ​ជិត​ខាង​ដើម្បី​រក​ប្រាក់​ចំ​ណូល​បន្ថែម​។​ កាល​នោះ​ គ្រួ​សារ​មាមីង​ត្រូវ​ការ​ភ្ជួរ​រាស់​ច្រើន​ណាស់​ បាន​ជា​ប្រាក់​ចំ​ណូល​របស់​គ្រួ​សារ​ក៏​ធូរ​ធារ​ផង​ដែរ​។​ ថ្មី​ៗ​នេះ​ ខ្ញុំ​ធ្វើ​ស្រែ​ ២ រដូវ​/ឆ្នាំ​ ទិន្ន​ផល​ក្នុង​មួយ​រដូវ​សម្រេច​ប្រ​មាណ​ ៦,៥ តោន​/ហិក​តា​។​ ខ្ញុំ​មិន​ធ្វើ​រដូវ​ទី ៣ ទេ ប៉ុន្តែ​ចិញ្ចឹម​បង្គា ក្តាម​សមុទ្រ​ ក្តាម​ស្រែ​ ដោយ​វិធាន​ការ​ព្រលែង​ក្នុង​ស្រែ​។​ ផ្តើម​ពីនោះ​ ទម្រង់​ចិញ្ចឹម​ជល​ផល​គួប​ផ្សំ​នឹង​ធ្វើ​ស្រែ​ គ្រួ​សារ​ខ្ញុំ​រក​បាន​ប្រាក់​ចំ​ណូល​ពី ៣០០-៤០០ លាន​ដុង​/ឆ្នាំ​។​ ខ្ញុំ​សង់​បាន​ផ្ទះ​រឹង​មាំ និង​ទិញ​គ្រឿង​សង្ហា​រិម​ជា​ច្រើន​”។​

លោក​ថាច់​ថាញ់​កុង​ ប្រ​ធាន​សាខា​សមាគម​កសិករ​ភូមិ​ស្លាប៉ាង​ ឱ្យ​ដឹង​៖ លោក​ពូសើុង​សាង​ សង្វាត​ព្យា​យាម​ ស៊ូ​ទ្រាំ​លំ​បាក​រៀន​សូត្រ​បទ​ពិសោធន៍​បង្ក​បង្កើន​ផល បង្វែរ​រចនា​សម្ព័ន្ធ​ឈើ​ដំណាំ​នាំ​មក​ប្រ​សិទ្ធ​ភាព​ខ្ពស់​។​ មិន​ត្រឹម​តែ​ផលិត​និង​ធ្វើ​អា​ជីវ​កម្ម​ពូកែ​ប៉ុណ្ណោះ​ទេ គាត់​ថែម​ទាំង​ឈាន​មុខ​ក្នុង​ចលនា​បង្ក​បង្កើន​ផល​ក្នុង​ភូមិ​ ត្រៀម​លក្ខណៈ​ផ្តល់​ចំ​ណេះ​ដឹង​ខាង​បង្ក​បង្កើន​ផល​និង​វារី​វប្ប​កម្ម​ដល់​កសិករ​ក្នុង​ភូមិ​ ជួយ​អ្នក​រាល់​គ្នា​បង្ក​បង្កើន​ផល ចិញ្ចឹម​សត្វ​មាន​ប្រ​សិទ្ធ​ភាព​ខ្ពស់​ដូច​គាត់​ទៀត​ផង​។​ លោក​ពូសាង​ បាន​គណៈ​កម្មា​ធិការ​ប្រ​ជា​ជន​ស្រុក​យ៉ៀង​ហាយ​ ជូន​លិខិត​សរ​សើរ​ដោយ​មាន​ស្នា​ដៃ​ឆ្នើម​ ក្នុង​ការ​អនុវត្ត​ចលនា​កសិករ​ផលិត​និង​ធ្វើ​អា​ជីវ​កម្ម​ពូកែ​ដំណាក់​កាល​ ២០១៧-២០២១ ៕​

                             សឺន​ម៉ាល័យ​-លីសៀ

ចែករំលែកអត្ថបទ