មហាសាមគ្គីជនជាតិ គំរូក្នុងសហគមន៍

14/03/2022 - 14:35

អនុប្រធានភូមិ ថាច់ចួន

ពេលជីវភាពគ្រួសារបានលំនឹង លោកថាច់ចួន ក៏ចូលរួមការងារសង្គមនៅភូមិសង់ច្រវា A ឃុំ ត្រាកូង ស្រុកត្រាអូង ខេត្តវិញឡុង។ មាមីងនៅភូមិភាគមានការជឿទុកចិត្តខ្លាំងណាស់ ពីព្រោះគាត់តែងខ្នះខ្នែងអស់ពីចិត្តគិតគូរដល់មាមីងនៅភូមិស្រុក។

លោកចួន ពិនិត្យស្ពានទើបបានកសាងសម្រេចរួចរាល់អាស្រ័យប្រជាជន
ក្នុងភូមិរួមគ្នាកសាង។

លោកថាច់ចួន ឱ្យដឹង៖ ពេលរដ្ឋមានគោលនយោបាយបង្វែរផលិតកម្ម លើកទឹកចិត្តកសិករឱ្យដាំដំណាំរួមផ្សំ និងដាំក្រូចលើដីស្រែ ដែលធ្វើស្រូវមិនសូវបានផល គាត់ក៏ប្រថុយបង្វែរចម្ការចម្រុះមកដាំក្រូចលើផ្ទៃដីជាង ៤.០០០ ម៉ែត្រការ៉េ។ បើតាមលោកចួន ខណៈពេលបង្វែរទម្រង់ផលិតកម្មមកដាំក្រូចមុនដំបូង លោកមានការព្រួយបារម្ភណាស់ដែរ ព្រោះលោកមិនទាន់មានបទពិសោធន៍ ប៉ុន្តែលោកប្ដេជ្ញាចិត្តថានឹងបន្តទៅមុខ។ អាស្រ័យឧស្សាហ៍ព្យាយាម ខិតខំរកស៊ី សន្សំក្នុងការចំណាយ សន្សឹមៗលោកថាច់ចួន ឈានឡើងចាកផុតពីភាពក្រីក្រ សន្សំប្រាក់សង់បានផ្ទះរឹងមាំ។ “ពេលជីវភាពគ្រាន់បើឡើង ខ្ញុំនិងកូនៗគិតក្នុងចិត្តថាត្រូវតែខិតខំប្រឹងប្រែង ចិញ្ចឹមគោមេ ថែចម្ការក្រូច ដើម្បីចាកផុតពីភាពក្រីក្រដោយចីរភាព ហើយក្លាយជាគ្រួសារធូរធានៅភូមិភាគ។ បក្សនិងរដ្ឋ យកចិត្តទុកដាក់បង្កលក្ខណៈដល់យើង យើងត្រូវតែខិតខំធ្វើការរកស៊ី”- លោកថាច់ចួន ឱ្យដឹងដូច្នេះ។

ពេលជីវភាពគ្រួសារបានលំនឹង លោកថាច់ចួន ស្ងប់អារម្មណ៍ចូលរួមការងារនៅភូមិភាគ គាត់ទទួលបន្ទុកជាអនុប្រធានភូមិ និងជាប្រធានក្រុមបុលទុនធនាគារគោលនយោបាយសង្គមជាច្រើនឆ្នាំបន្តបន្ទាប់។ ពិសេស ពេលដែលជំងឺ COVID-១៩ លើកទី ៤ ផ្ទុះឡើង ទោះបីគាត់មានវ័យចាស់ក៏ដោយ ប៉ុន្តែលោកថាច់ចួន តែងខ្នះខ្នែងចូលរួមជាមួយក្រុមសហគមន៍ COVID-១៩ ហើយក្លាហាន “ដើរគ្រប់ច្រកល្ហក តាមផ្ទះ តាមដានមនុស្សគ្រប់រូប”។ ផ្សព្វផ្សាយនិងក្រើនរំលឹកដល់គ្រួសារនៅក្នុងភូមិឱ្យគោរពតាមវិធានការនៃការបង្ការ និងប្រឆាំងជំងឺ COVID-១៩ យ៉ាងម៉ឺងម៉ាត់ ម្ចាស់ការចូលរួមចាក់វ៉ាក់សាំងបង្ការជំងឺ COVID-១៩ បង្កើតភាពសុាំសហគមន៍ សកម្មអនុវត្តសុខុមាលភាពសង្គម គិតគូរជូនអ្នកក្រីក្រ និងអ្នកដែលមានស្ថានភាពលំបាក ដើម្បីមិនឱ្យអ្នកណាម្នាក់ត្រូវទុកចោលនៅខាងក្រោយឡើយ។

តាមប្រសាសន៍លោក ផាងថាញវ៉ូវ ប្រធានគណៈកម្មាធិការប្រជាជនឃុំត្រាកូង លោកថាច់ចួន បានចូលរួមជាមួយគណៈកម្មការប្រជាជនភូមិ ដើម្បីអនុវត្តចលនាប្រជាជនចូលរួមថវិកា កម្លាំងពលកម្ម និងកាប់ឆ្ការមែកឈើតាមដងផ្លូវ។ បង្កើនកម្រិតជួសជុលផ្លូវដាន ស្ពានជនបទដែលខូច ទ្រុឌទ្រោម រួមចំណែកធ្វើឱ្យមុខមាត់ជនបទនៅតំបន់ជនរួមជាតិខ្មែរកាន់តែស្រស់បំព្រង៕

ហាថាញ់-ទីទុយ

ចែករំលែកអត្ថបទ

ពាក្យគន្លឹះ