មហាសាមគ្គីជនជាតិ ភូមិស្រុកផ្លាស់ថ្មី

21/02/2022 - 08:33

ជីវភាពថ្មីនៅវៀងប៊ិញ

វៀងប៊ិញជាឃុំមុនដំបូងបង្អស់របស់ស្រុកត្រឹងដេ ខេត្តសុកត្រាំង បានទទួលស្គាល់សម្រេចបទដ្ឋានជនបទថ្មីកម្រិតខ្ពស់នៅដើមឆ្នាំ ២០២២ នេះ។

ឃុំវៀងប៊ិញបានទទួលស្គាល់ជាឃុំជនបទថ្មីកម្រិតខ្ពស់។

លោកឡេទ្រុងត្វឹង លេខាគណៈកម្មាធិការបក្ស ប្រធានគណៈកម្មាធិការប្រជាជនឃុំវៀងប៊ិញ ឱ្យដឹង៖ “ពេលផ្សព្វផ្សាយអនុវត្តកម្មវិធីទិសដៅជាតិកសាងជនបទថ្មី ជនបទថ្មីកម្រិតខ្ពស់ យើងខ្ញុំផ្ដោតសំខាន់ និងជំរុញមាំការផ្សព្វផ្សាយ ចលនាប្រជាជនរួមកម្លាំងអនុវត្តនូវលក្ខឋាន។ ផ្ដើមពីនោះ ប្រជាជនឯកភាពគាំទ្រ ខ្នះខ្នែងរួមជាមួយរដ្ឋអំណាចភូមិភាគកសាងជនបទថ្មី។ អាស្រ័យហេតុនោះ ក៏មានបុគ្គលគំរូជាច្រើនបានបរិច្ចាគដី ទឹកប្រាក់ កម្លាំងពលកម្ម និងចលនាគ្រួសារ សាច់ញាតិ រួមចំណែកកសាងភូមិស្រុក។ ទន្ទឹមនឹងនោះ ឃុំនៅទាំងអនុវត្តគួបផ្សំកម្មវិធី គម្រោងវិនិយោគ ម្ល៉ោះហើយកាន់តែពង្រីកប្រសិទ្ធភាពក្នុងការកសាងជនបទថ្មី”។

ដងផ្លូវជនបទនៅឃុំវៀងប៊ិញ។

ជាមួយនឹងគោលលំនាំ “រដ្ឋនិងប្រជាជនរួមគ្នាធ្វើ” បានជាតាមដងផ្លូវជនបទចាប់ពីឃុំចុះដល់ភូមិ ត្រូវបានចាក់បេតុង ឆ្លើយតបតម្រូវការដឹកជញ្ជូនទំនិញ ប្រជុំជីវកិច្ចរបស់ប្រជាជន។ ពិសេសគឺប្រព័ន្ធធារាសាស្ត្រវាលស្រែមានភាពល្អប្រសើរ ប្រជាជនមានទឹកសាបបង្កបង្កើនផលខួបឆ្នាំ។ បណ្ដាញអគ្គិសនី ទឹកស្អាតចុះដល់ផ្ទះ រួមចំណែកបង្កើនអត្រាគ្រួសារប្រើប្រាស់អគ្គិសនី ទឹកស្អាតរបស់ឃុំសម្រេចជាង ៩៩,៤%; អត្រាលំនៅឋានសម្រេចតាមបទដ្ឋានកំណត់ជាង ៩៧%; ប្រាក់ចំណូលមធ្យមភាគលើមនុស្សម្នាក់សម្រេច ៥១,៥ លានដុង/ម្នាក់ /ឆ្នាំ និងអត្រាគ្រួសារក្រីក្ររបស់ឃុំថយចុះនៅត្រឹម១,៣៥%។ លោកថាច់សល់ អ្នកមានប្រជាប្រិយក្នុងជនរួមជាតិខ្មែរ ឱ្យដឹង៖ “ឥឡូវ ជនបទឃុំវៀងប៊ិញ ភ្លឺ-បៃតង-ជ្រះ-ស្អាត ហើយផ្ទះសម្បែងរបស់មាមីងខ្មែរក៏បានសាងសង់យ៉ាងសមរម្យផងដែរ ម៉្លោះហើយទើបតំបន់ជនបទមានភាពរីកចម្រើនដូច្នេះ។ នេះក៏អាស្រ័យគោលការណ៍ដ៏ត្រឹមត្រូវរបស់បក្ស និងមាមីងខិតខំធ្វើការរកស៊ី មិនអល់អែកអនុវត្តវិទ្យាសាស្រ្តបច្ចេកទេសក្នុងផលិតស្រូវគុណភាពខ្ពស់ ចិញ្ចឹមសត្វតាមទិសដៅកសិដ្ឋាន ចេះលក់ដូរ ធ្វើអាជីវកម្ម; រីឯយុវជនរៀនមុខរបរ មានការងារធ្វើលំនឹង។ល។”។

រយៈពេលជាង ១០ ឆ្នាំកសាងជនបទថ្មី ជនបទថ្មីកម្រិតខ្ពស់ ឃុំវៀងប៊ិញបានកៀរគរទឹកប្រាក់ជាង ១៧៣ ពាន់លានដុង ក្នុងនោះ ថវិការដ្ឋជំនួយ ១៥,៧ ពាន់់លានដុង ទុនគួបផ្សំពីកម្មវិធីផ្សេងៗចំនួន ១៤៣,៦ ពាន់លានដុង និងប្រជាជនរួមវិភាគទាន ១២,៧ ពាន់លានដុង។ ឥឡូវនេះ ឃុំវៀងប៊ិញបានផ្លាស់ប្ដូរមុខមាត់ ហេដ្ឋារចនាសម្ព័ន្ធបានវិនិយោគកសាងយ៉ាងត្រឹមត្រូវ ជីវភាពសម្ភារៈ ស្មារតីរបស់ប្រជាជនត្រូវបានកើនឡើងដោយឥតឈប់ឈរ។ នេះជាបធានបទសំខាន់សម្រាប់ឃុំវៀងប៊ិញ អនុវត្តសម្រេចជោគជ័យជនបទថ្មីគំរូក្នុងដំណាក់កាលបន្ត៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ