មហាសាមគ្គីជនជាតិ គំរូក្នុងសហគមន៍

21/02/2022 - 08:33

លេខាសាខាបក្ស ឡឹមសុផា

លេខាសាខាបក្ស ឡឹមសុផា។

កើតនិងធំដឹងក្តីនៅភូមិព្រែកនិស្ស័យ ឃុំតឹងមី ស្រុកត្រាអូង ខេត្តវិញឡុង បានជាបងឡឹមសុផា លេខាសាខាបក្សនិងជាប្រធានភូមិព្រែកនិស្ស័យ តែងរិះគិតគ្នាន់គ្នេរដើម្បីភូមិស្រុកមានភាពរីកចម្រើនពីមួយថ្ងៃទៅមួយថ្ងៃ។ ហេតុនោះ បងទទួលបានទំនុកចិត្តពីមាមីងយ៉ាងខ្លាំង។

លេខាសាខាបក្សសុផា បានធ្វើឱ្យខ្ញុំរំភើបព្រោះរបាយការណ៍របស់ភូមិត្រូវបានធ្វើយ៉ាងហ្មត់ចត់ ត្រូវរបៀប មានឃ្លាល្បះច្បាស់លាស់។ល។ កាន់តែរំភើបថែមទៀតនោះ ខណៈពេលបងចាំច្បាស់លាស់រាល់ការងារសកម្មភាពក្នុងភូមិ។ បងសុផា ឱ្យដឹង៖ “ភូមិព្រែកនិស្ស័យមានប្រជាជន ៤២៨ គ្រួសារ ក្នុងនោះជនជាតិកិញ ៣១ គ្រួសារ។ សព្វថ្ងៃ ភូមិនៅមានគ្រួសារក្រីក្រចំនួន ៥៦។ គ្រួសារបងថាច់ធីសាគូ ថាច់ធីតារា ទើបបានចាកផុតពីភាពក្រីក្រក្នុងឆ្នាំ ២០២១ រដ្ឋបានកសាងផ្ទះមហាសាមគ្គីជូន ៤ គ្រួសារ៖ ដាវធីយ្វៀង ថាច់ធីត្រង ថាច់ធីបា និងថាច់កោត។ ឆ្នាំនេះមានផ្ទះសម្បែងស្រួលបួល ផែនការរបស់ភូមិនឹងធ្វើសេនាធិការជូនគណៈកម្មាធិការបក្សគ្រប់លំដាប់ថ្នាក់ជំនួយគ្រួសារទាំងនេះអភិវឌ្ឍសេដ្ឋកិច្ចដើម្បីឆ្នាំក្រោយចាកផុតពីភាពក្រីក្រ”។

តាមប្រសាសន៍បងឡឹមសុផា ការកសាងឯកសារ និយាយបានហូរហែគឺ ដោយសារបងមាន “គ្រឹះធារ” ច្រើនឆ្នាំ ធ្វើជាគ្រូបង្រៀនបឋមសិក្សា និងធ្វើការនៅការិយាល័យគណៈកម្មាធិការប្រជាជនឃុំ មុនពេលសុំឈប់ការងារដោយសារស្ថានភាពគ្រួសារ។ ពេលឈប់ពីការងារ បងសុផានិងប្រពន្ធបានអភិវឌ្ឍសេដ្ឋកិច្ចគ្រួសារដោយមុខរបរចិញ្ចឹមជ្រូកមេ ជ្រូកសាច់។ ថ្ងៃយើងខ្ញុំចុះទៅដល់ផ្ទះ គឺបងសុផាទើបលក់ជ្រូកសាច់មួយហ្វូង បងឡឹមសុផា បានរ៉ាយរ៉ាប់៖ “អាស្រ័យការចិញ្ចឹមជ្រូកទើបគ្រួសារខ្ញុំសង់បានផ្ទះនេះ។ ឥឡូវនេះការចិញ្ចឹមជ្រូកត្រឹមតែគ្រប់ផ្គត់ផ្គង់ជីវភាពគ្រួសារប៉ុណ្ណោះ គ្មានចំណេញបានដូចពីមុនទៀតឡើយ។ ពេលសេដ្ឋកិច្ចគ្រួសារលំនឹង ខ្ញុំក៏វិលមកបំពេញការងារក្នុងភូមិខណៈពេលភូមិភាគមកចលនា”។

កូន ២ នាក់របស់បងសុផាក៏ធំៗអស់ដែរ កូនស្រីច្បងជាគ្រូបង្រៀនសាលាមត្តេយ្យក្នុងឃុំ ចំណែកកូនប្រុសកំពុងរៀនកម្រិតវិទ្យាល័យ។ ហេតុនោះ បងមានពេលវេលាដើម្បីគិតគូរការងារក្នុងភូមិ។ នឹកឃើញកាលភូមិព្រែកនិស្ស័យអនុវត្តគម្លាតសង្គមដោយសារជំងឺ COVID -១៩ បងថាច់ហ្វាង អនុប្រធានគណៈកម្មការវត្តសិរីមង្គលតាធាយ បានរ៉ាយរ៉ាប់៖ “បងសុផា បានសហការជាមួយនឹងគណៈកម្មការវត្តសិរីមង្គលតាធាយ រៀបចំផ្សព្វផ្សាយជូនប្រជាជនអនុវត្តម៉ឺងម៉ាត់សារ ៥K ធានាសុវត្ថិភាពបង្ការជំងឺរាតត្បាត។ល។ បងបានជំនួសមុខមាមីង ទទួលនិងចែកជូនអំណោយពីផ្ទះមួយទៅផ្ទះមួយ។ គ្រួសារណាក្រលំបាកទំនាក់ទំនងគឺបងសុផាមានមុខភ្លាម។ ព្រោះហេតុនោះ បងបានមាមីងក្នុងភូមិទំនុកចិត្ត។ ផ្ដើមពីនោះ ប្រជាជនស្រុះស្រួលចិត្តអនុវត្តគម្លាតសង្គមដើម្បីឆ្លងកាត់គ្រាលំបាកដោយសារជំងឺរាតត្បាត”៕

ហាថាញ - ថាច់ធី

ចែករំលែកអត្ថបទ

ពាក្យគន្លឹះ