ព្រឹត្តិការណ៍ - នយោបាយ ព្រឹត្តិការណ៍

20/12/2021 - 08:30

ក្រើនរំលឹកប្រជាជនមិនគប្បីចូលរួមវិនិយោគផលិតផលបំប៉នសុខភាព APLGO

(Chinhphu.vn) – នាយកដ្ឋានប្រកួតប្រជែងនិងការពារអ្នកប្រើប្រាស់ (ក្រសួងឧស្សាហពាណិជ្ជកម្ម) ទើបធ្វើការក្រើនរំលឹកអំពីការប្រើប្រាស់ផលិតផលបំប៉នសុខភាពម៉ាក APLGO មានសញ្ញាធ្វើអាជីវកម្មតាមបែបពីរ៉ាមីតខុសច្បាប់ ប្រជាជនមិនគប្បីចូលរួមវិនិយោគ។

ការក្រើនរំលឹករបស់នាយកដ្ឋានប្រកួតប្រជែងនិងការពារអ្នកប្រើប្រាស់ អំពីផលិតផលបំប៉នសុខភាព APLGO មានសញ្ញាធ្វើអាជីវកម្មតាមបែបពីរ៉ាមីតខុសច្បាប់។

យោងតាមនាយកដ្ឋានប្រកួតប្រជែងនិងការពារអ្នកប្រើប្រាស់ រយៈពេលជិតៗនេះ ឆ្លងតាមរយៈការត្រួតពិនិត្យ អង្គភាពក្ដាប់បានព័ត៌មានមួយចំនួនរបស់អង្គការ បុគ្គល មានសញ្ញាធ្វើអាជីវកម្មតាមបែបពីរ៉ាមីត គ្មានលិខិតទទួលស្គាល់ស្របច្បាប់លើផលិតផលបំប៉នសុខភាពម៉ាក APLGO។

លើប្រព័ន្ធអីុនធឺណិត មានអង្គការ បុគ្គល មួយចំនួនធ្វើការឧទ្ទេសនាម អំពាវនាវប្រជាជនចូលរួមវិនិយោគ បង្កើតប្រព័ន្ធនិងប្រើប្រាស់ផលិតផល “ថ្នាំបៀមកោសិកាដើម” ដែលមានឈ្មោះថា APLGO ដោយសន្យាថា ពិតជាប្រមូលបានចំនួនទឹកប្រាក់ធំអំពីប្រភពចំណូលអសកម្ម។

ឆ្លងតាមរយៈពិនិត្យពិច័យនូវខ្លឹមសារខាងលើ នាយកដ្ឋានប្រកួតប្រជែងនិងការពារអ្នកប្រើប្រាស់ចាត់ទុកថា ថ្វីដ្បិតសកម្មភាពអំពាវនាវអ្នកចូលរួមនិងគោលនយោបាយជូនរង្វាន់ ខណៈពេលចូលរួមក្នុងប្រព័ន្ធនៃអង្គការ បុគ្គលនេះ ដោយមានសញ្ញាធ្វើអាជីវកម្មតាមបែបពីរ៉ាមីតក៏ដោយ ប៉ុន្តែមកទល់ពេលនេះ នាយកដ្ឋានមិនទាន់ផ្ដល់ជូនលិខិតទទួលស្គាល់ ចុះឈ្មោះសកម្មភាពលក់ទំនិញពីរ៉ាមីតដល់អាជីវកម្ម អង្គការណាដែលមានឈ្មោះ APLGO ដូចខាងលើតាមសេចក្ដីកំណត់នៃអនុក្រឹត្យលេខ ៤០/២០១៨/NĐ-CP របស់រដ្ឋាភិបាល ស្ដីពីការគ្រប់គ្រងសកម្មភាពតាមបែបពីរ៉ាមីតនោះទេ។

អាស្រ័យហេតុនោះ នាយកដ្ឋានប្រកួតប្រជែងនិងការពារអ្នកប្រើប្រាស់អះអាង សកម្មភាពធ្វើអាជីវកម្មនេះមានសញ្ញាប្រព្រឹត្តបំពានមាត្រាទី ២១៧a នៃច្បាប់ព្រហ្មទណ្ឌ ស្ដីពីការធ្វើអាជីវកម្មតាមបែបពីរ៉ាមីតគ្មានលិខិតទទួលស្គាល់ស្របច្បាប់និងមានទង្វើផ្ដល់ព័ត៌មានបំប៉ោងអត្ថប្រយោជន៍ផលិតផល APLGO។

ដើម្បីជៀសវាងគ្រោះខាតបង់ទ្រព្យសម្បត្តិ និងការពាក់ព័ន្ធច្បាប់ នាយកដ្ឋានប្រកួតប្រជែងនិងការពារអ្នកប្រើប្រាស់ ក្រើនរំលឹកប្រជាជនមិនគប្បីចូលរួមវិនិយោគ ឬពង្រីកប្រព័ន្ធអាជីវកម្មរបស់អង្គការ បុគ្គលដែលមានសញ្ញដូចខាងលើ៕

ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ