ព្រឹត្តិការណ៍ - នយោបាយ ព្រឹត្តិការណ៍

13/12/2021 - 08:37

សុកត្រាំង ទទួលកម្មាភិបាលពេទ្យរបស់ក្រសួងការពារប្រទេស បង្កើនការឧបត្ថម្ភ បង្ការប្រឆាំងជំងឺ COVID-១៩

ខេត្តសុកត្រាំង ទើបទទួលកម្មាភិបាល សិក្ខាកាមរបស់វិទ្យាស្ថានពេទ្យយោធា (ក្រសួងការពារប្រទេស) ចំនួន៣៩រូប បង្កើនការឧបត្ថម្ភខេត្តសុកត្រាំងក្នុងការបង្ការប្រឆាំងជំងឺ COVID -១៩។ ឆ្លងតាមរយៈនោះ ចាប់ពីថ្ងៃទី ៥ ខែធ្នូ ឆ្នាំ ២០២១ កងកម្លាំងពេទ្យយោធា ត្រូវបានបង្កើន នឹងចាប់ផ្តើមចូលរួមសហការជាមួយនឹងកងជួរគ្រូពេទ្យនៅភូមិភាគដើម្បីបង្ការប្រឆាំងជំងឺ COVID-១៩ ក៏ដូចជាត្រៀមលក្ខណៈអនុវត្តនូវភារកិច្ចដែលប្រគល់ឱ្យ។

ថ្នាក់ដឹកនាំគណៈកម្មាធិការប្រជាជនខេត្តសុកត្រាំង ថតរូបអនុស្សាវរីយ៍ជាមួយនឹងគណៈប្រតិភូកម្មាភិបាល វេជ្ជបណ្ឌិតនៃវិទ្យាស្ថានពេទ្យយោធា។

លើកនេះ ក្រសួងការពារប្រទេសបង្កើនកម្មាភិបាល សិក្ខាកាម ចំនួន ២០៩ រូប (ក្នុងនោះមានសមមិត្តនារី ១៩ រូប)។ កងជួរគ្រូពេទ្យយោធា ត្រូវបានបង្កើនជូននាយកដ្ឋានព័ស្តុភារយោធភូមិភាគ ៩ (៥៣រូប); ក្រុងកឹងធើ (៣៩រូប); និងខេត្តនានា រួមមានខេត្តសុកត្រាំង (៣៩រូប); ខេត្តត្រាវិញ (៣៩រូប) និងខេត្តគៀងយ៉ាង (៣៩រូប) ៕

យ្វីអាញ់-វិមាន

ចែករំលែកអត្ថបទ

ពាក្យគន្លឹះ