មហាសាមគ្គីជនជាតិ គំរូក្នុងសហគមន៍

08/11/2021 - 11:04

អស់ពីព្រះទ័យដើម្បីសាសនានិងសង្គម

ជាង ៣០ ឆ្នាំសាងផ្នួស ព្រះតេជព្រះគុណ ថាច់ថឿន ព្រះចៅអធិការវត្តបឹងក្រចាប់ថ្មី ឃុំតឹងហ៊ឹង ស្រុកឡុងភូ ខេត្តសុកត្រាំង តែងយកអស់ពីព្រះទ័យដើម្បីសាសនានិងសង្គម ហើយបានមាមីងពុទ្ធបរិស័ទគោរពស្រឡាញ់។

ពុទ្ធបរិស័ទ ប្រគេនអង្ករ ដើម្បីវត្តជំនួយដល់អ្នកក្រ។

ដើម្បីចែករំលែកទុក្ខលំបាករបស់មាមីងដែលមកពីតំបន់ជំងឺរាតត្បាត មកធ្វើចត្តាឡីស័កប្រមូលផ្តុំនៅភូមិស្រុក ព្រះតេជព្រះគុណ ថាច់ថឿន ចលនាពុទ្ធបរិស័ទ ដណ្តាំបាយជូនមាមីង។ កន្លង ១៤ ថ្ងៃ ចង្ក្រានបាយនៅវត្តដាំជិត ២ ពាន់ចំណែក វេចនំអន្សមចេក អន្សមជ្រូករាប់ពាន់នំ៘ ទន្ទឹមនឹងនោះ ព្រះអង្គនៅទាំងចលនាពុទ្ធបរិស័ទក្នុងនិងក្រៅប្រទេសចូលរួមវិភាគទានអង្ករជិត ៧ តោន និងគ្រឿងឧបភោគបរិភោគ ជំនួយអ្នកក្រីក្រដែលរងផលប៉ះពាល់ជំងឺ COVID-១៩។ លោកលីថាញ់ហ៊ឹង ជាពុទ្ធបរិស័ទវត្តបឹងក្រចាប់ថ្មី សំណេះសំណាល៖ “ព្រះតេជព្រះគុណ ថាច់ថឿន ព្រះអង្គតែងយកព្រះទ័យគិតគូរការងារសាសនា ការងារសង្គម។ ព្រះអង្គបានកសាងវត្តអារាមយ៉ាងសមរម្យ គិតគូរការរៀនសូត្ររបស់ព្រះសង្ឃនិងចលនាពុទ្ធបរិស័ទរស់នៅសាមគ្គី ចេះស្រឡាញ់រាប់អានគ្នា និងជួយគ្នាឆ្លងកាត់ការលំបាក ពង្រីកសេដ្ឋកិច្ចគ្រួសារ”។

អាយុ ១៨ ឆ្នាំ ព្រះតេជព្រះគុណ ថាច់ថឿន បានសូមម្តាយចូលវត្តសាងផ្នួស រៀនធម៌វិន័យផង រៀនអក្សរសាស្រ្តផង ដូច្នេះ ក្រោយពីរៀនចប់ថ្នាក់បាលីរង ព្រះអង្គឆ្លងទៅកម្ពុជា បន្តការរៀនសូត្រ។ ឆ្នាំ ២០០៥ ព្រះតេជព្រះគុណត្រឡប់មកវត្តកំណើតវិញ បានមាមីងពុទ្ធបរិស័ទនិងគណៈកម្មការវត្តជឿទុកចិត្ត តែងតាំងជាព្រះចៅអធិការរហូតមកដល់សព្វថ្ងៃ។ ឃើញវត្តមានសភាពចាស់ទ្រុឌទ្រោម ព្រះអង្គពិភាក្សានឹងគណៈកម្មការវត្តចលនាមាមីងពុទ្ធបរិស័ទរួមវិភាគទានកសាងកុដិ សាលា ព្រះពុទ្ធបដិមា ស្រះមុជលិន្ទ ក្លោងទ្វារ ដាំដើមឈើ៘ ធ្វើឱ្យវត្តអារាមកាន់តែមានសោភណភាព។ ព្រះតេជព្រះគុណ ថាច់ថឿន មានថេរដីកា៖ “ក្នុងនាមជាព្រះចៅអធិការវត្ត អាត្មាភាពមានភារកិច្ចកសាងវត្តអារាម និងគិតគូរដល់ការរៀនសូត្ររបស់ព្រះសង្ឃក្នុងវត្ត។ ចំពោះពុទ្ធបរិស័ទត្រូវតែឃោសនា ចលនាពុទ្ធបរិស័ទឱ្យរស់នៅក្នុងសាមគ្គីភាព ជួយគ្នាក្នុងរាល់កិច្ចការ ដើម្បីមានជីវភាពធូរធារ សុភមង្គល។ ជៀសវាងនូវពាក្យញុះញង់របស់អានុភាពខាងក្រៅឆ្លៀតឱកាសយកសាសនា ជនជាតិ ដើម្បីបំបែកបំបាក់ផែនមហាសាមគ្គីជនជាតិ។ រៀងរាល់ខែ ពេលដែលពុទ្ធបរិស័ទមកវត្ត អាត្មាភាពតែងចលនាពួកគាត់រស់នៅនិងធ្វើការឱ្យត្រូវតាមគោលការណ៍ គោលមា៌គារបស់បក្ស គោលនយោបាយ ច្បាប់របស់រដ្ឋ ”៕

យ្វីអាញ-លេងមី

ចែករំលែកអត្ថបទ

ពាក្យគន្លឹះ