មហាសាមគ្គីជនជាតិ ភូមិស្រុកផ្លាស់ថ្មី

27/09/2021 - 09:09

កូវង៉ាង កសាងស្រុកជនបទថ្មី

លោកស្រីត្រឹងធីគឹមជុង លេខាគណៈកម្មាធិការបក្សស្រុកកូវង៉ាង សំណូមពរ បក្ខភាគ រដ្ឋអំណាច អង្គការមហាជននយោបាយនានា បន្តជំរុញខ្លាំងក្លា ការអនុវត្តនូវលក្ខឋានជនបទថ្មី ដើម្បីស្រុកសម្រេចបទដ្ឋាននៅចុងឆ្នាំ២០២២។

ដងផ្លូវបេតុងជនបទថ្មីឃុំឡុងសើុង ស្រុកកូវង៉ាង។

ចាប់ពីដើមឆ្នាំ ២០២១ រហូតមកទល់ពេលនេះ គណៈកម្មាធិការបក្ស រដ្ឋដំណាចគ្រប់លំដាប់ថ្នាក់របស់ស្រុកកូវង៉ាង ខេត្តត្រាវិញ តែងឃោសនា ចលនាទូលំទូលាយក្នុងប្រជាជនអំពីការកសាងឃុំ ស្រុកជនបទថ្មី។ សហការផ្សព្វផ្សាយ ផ្គួបបញ្ចូលជាមួយនឹងការចលនារបស់សមាគម អង្គការមហាជនដោយមានទម្រង់ជាច្រើន។ លទ្ធផលនៃការពិនិត្យផ្ទៀងផ្ទាត់ឃើញថា មានគ្រួសារប្រជាជនចំនួន ៩២,៣៥% បានទទួលស្គាល់សម្រេចខ្លឹមសារចំនួន ៨ នៃគ្រួសារវប្បធម៌-ជនបទថ្មី; មានភូមិចំនួន ៨១/៩០ បានពិនិត្យជូនកិត្តិនាម ជាភូមិវប្បធម៌-ជនបទថ្មី សម្រេចអត្រា ៩០%; មានឃុំចំនួន ៨/១៣ សម្រេចបទដ្ឋានជនបទថ្មី។ រហូតមកដល់បច្ចុប្បន្ន មានឃុំចំនួន ២ គឺឃុំមីឡុងបាក់ និងមីឡុងណាម បានសម្រេចឃុំជនបទថ្មីកម្រិតខ្ពស់ ។ ស្រុកសម្រេចបានលក្ខឋានស្រុកជនបទថ្មីចំនួន ៦ រួមមាន៖ ផ្លូវគមនាគមន៍ ធារាសាស្រ្ត អគ្គិសនី ផលិតកម្ម សន្តិសុខសណ្តាប់ធ្នាប់សង្គម និងចង្អុលការកសារជនបទថ្មី។ ចំណែកលក្ខឋានក្រៅពីនោះ គឺលក្ខឋានគម្រោងផែនការ សុខាភិបាល-វប្បធម៌-អប់រំ និងបរិស្ថានមិនទាន់សម្រេចនៅឡើយ។ ស្រុកកូវង៉ាងខិតខំដល់ចុងឆ្នាំ ២០២១ នឹងបានខេត្តទទួលស្គាល់ឃុំជនបទថ្មីចំនួន ៣ ឃុំជនបទថ្មីកម្រិតខ្ពស់ចំនួន ២ ឃុំជនបទថ្មីគំរូ ចំនួន ២ និងឃុំក្រៅពីនោះនឹងសម្រេចលក្ខឋានឃុំជនបទថ្មីពី ១៦ ដល់ ១៧ ឡើងទៅ។ លោកថាច់ព្រឹក នៅភូមិផ្នោរក្រូច ឃុំហ៊ីបហ្វា បង្ហើបឱ្យដឹង៖ "ប្រជាជនយើងខ្ញុំមានក្តីត្រេកអរយ៉ាងក្រៃលែង ដោយសារមានសំណង់កសាងជនបទថ្មីនេះ បានធ្វើឱ្យដងផ្លូវមានផ្កាស្រស់បំព្រងចម្រុះពណ៌ មានស្ពានបេតុងរឹងមាំ និងបើកទូលាយ ដងផ្លូវរថយន្តអាចបើកបរដល់វាលស្រែ"។

លោកស្រី ត្រឹងធីគឹមជុង លេខាគណៈកម្មាធិការបក្សស្រុកកូវង៉ាង ឱ្យដឹងបន្ថែម៖ "ចំពោះការប្រែប្រួលយ៉ាងស្មុគស្មាញនៃជំងឺ COVID-១៩ ភារកិច្ចអភិវឌ្ឍសេដ្ឋកិច្ច-សង្គម ក្នុងអំឡុងប៉ុន្មានខែដើមឆ្នាំ ២០២១ របស់ស្រុកគឺជួបលំបាកច្រើន។ គណៈកម្មាធិការបក្សស្រុក គណៈកម្មាធិការប្រជាជនស្រុក សកម្មឃោសនា ចលនាប្រជាជន អនុវត្តមានប្រសិទ្ធភាពនូវផែនការ ផ្លាស់ប្តូរសេដ្ឋកិច្ចកសិកម្មតាមទិសដៅបង្កើនតម្លៃនិងអភិវឌ្ឍចីរភាព។ ទន្ទឹមនឹងនោះ បង្កើនការធ្វើឱ្យសុក្រឹតប្រពន្ធ័នយោបាយ មូលដ្ឋានស្អាតស្អំ រឹងមាំ។ អាស្រ័យហេតុនោះ មានវិស័យជាច្រើនមានជំហានអភិវឌ្ឍបង្គួរ លក្ខឋានកសាងស្រុកជនបទថ្មីក៏សម្រេចបានលទ្ធផលល្អប្រសើរដែរ"៕

សឺនម៉ាល័យ-វិមាន

ចែករំលែកអត្ថបទ

ពាក្យគន្លឹះ