មហាសាមគ្គីជនជាតិ ភូមិស្រុកផ្លាស់ថ្មី

07/06/2021 - 16:53

ជីវភាពជនរួមជាតិខ្មែរនៅបាកលីវផ្លាស់ថ្មី

ប៉ុន្មានឆ្នាំកន្លង គោលនយោបាយពិសេសសម្រាប់ជនជាតិភាគតិចរបស់បក្ស និងរដ្ឋ តែងបានខេត្តសកម្មផ្សព្វផ្សាយអនុវត្តសម្រេចបានប្រសិទ្ធភាពបង្គួរ។ អាស្រ័យហេតុនោះ ជីវភាពសម្ភារៈនិងស្មារតីរបស់ជនរួមជាតិខ្មែរលើភូមិសាស្រ្តខេត្តបាកលីវ កាន់តែមានភាពរីកចម្រើន។

លោក ឡេសើុងហាយ អនុរដ្ឋមន្រ្តី អនុប្រធានគណៈកម្មាធិការជនជាតិ អញ្ជើញមកសួរសុខទុក្ខនិងជូនអំណោយដល់វត្តខ្មែរលើភូមិសាស្រ្តខេត្តបាកលីវ។

យោងតាមគណៈសាសនានិងជនជាតិខេត្តបាកលីវ ឆ្នាំ ២០២០ ផ្តើមពីប្រភពទុនបែងចែករបស់មជ្ឈិម ខេត្តបានវិនិយោគជាង ២២ ពាន់លានដុងដើម្បីកសាងហេដ្ឋារចនាសម្ព័ន្ធ និងជំនួយផលិតកម្មសម្រាប់ជនរួមជាតិខ្មែរ ។ ដូច្នេះ ជីវភាពរបស់ជនជាតិខ្មែរក្នុងខេត្ត ក៏មានភាពផ្លាស់ប្ដូរគួរឱ្យកត់សម្គាល់ អត្រាគ្រួសារក្រីក្រថយចុះ ចំនួនគ្រួសារគ្រាន់បើនិងធូរធារ កើនឡើងជារៀងរាល់ឆ្នាំ។ ឆ្មាំ ២០២០ គ្រួសារជនរួមជាតិខ្មែរបានចាកផុតពីភាពក្រីក្រ ៣៥៩/៥៤៨ គ្រួសារ។ តួយ៉ាងដូច គ្រួសារពូឡឹមដាយហ្វាង នៅភូមិកៃយ៉ា ឃុំហឹងហោយ ស្រុកវិញឡើយ ជាគ្រួសារក្របានរដ្ឋជួយឧបត្ថម្ភទុននិងពូជដំណាំ គាត់បានខិតខំប្រឹងប្រែងប្រកបការងាររកស៊ីដើម្បីចាកផុតពីភាពក្រីក្រ និងចិញ្ចឹមកូនរៀនចប់់មហាវិទ្យាល័យ ៣ នាក់។ ពូហ្វាង រៀបរាប់៖ “គ្រួសារខ្ញុំមានដី ១,៥ កុង អាស្រ័យបានរដ្ឋជំនួយដើមទុន និងពូជដំណាំ ទើបខ្ញុំធ្វើបានរោងសំណាញ់ដើម្បីដាំដំណាំ។ ដំណាំនាំមកនូវចំណូលផលជាប្រចាំ ទើបជីវភាពគ្រួសារខ្ញុំបានលំនឹងនិងកូនៗ រៀនចប់មហាវិទ្យាល័យ។ សព្វថ្ងៃ កូនខ្ញុំទាំង ៣ នាក់ មានការងារធ្វើលំនឹង ជីវភាពគ្រួសារក៏កាន់តែប្រសើរជាង”។

ព្រះតេជព្រះគុណតាំងសាវង្ស ព្រះចៅអធិការវត្តខ្វែងបបែលចាស់ មានថេរដីកា៖“ បច្ចុប្បន្ទ ភូមិស្រុកកៃយ៉ា គ្មាននៅផ្ទះឫស្សីប្រក់ស្លឹកទៀតទេ សុទ្ធតែផ្ទះថ្ម។ ពេលជីវភាពធូរធារ មាមីងក៏ជ្រះថ្លាកសាងវត្តអារាមកាន់តែមានភាពសមរម្យ និងស្រស់ស្អាត”។

មានទឹកសាបខួបឆ្នាំ មាមីងខ្មែរនៅភូមិកៃយ៉ា ឃុំហឹងហោយ ដាំដំណាំឈើហូបផ្លែ បង្កើនប្រាក់ចំណូលឱ្យគ្រួសារ។

ព្រះតេជព្រះគុណ តាំងសាវង្ស មានថេរដីកាបន្ថែម ប៉ុន្មានឆ្នាំនេះ អាស្រ័យបក្សនិងរដ្ឋ មានគោលការណ៍ គោលនយោបាយ ឧបត្ថម្ភទាន់ពេល ដើម្បីពង្រីកសេដ្ឋកិច្ច-សង្គមតំបន់ជនរួមជាតិខ្មែរ។ ប្រព័ន្ធហេដ្ឋារចនាសម្ព័ន្ធ និងធារាសាស្រ្តតំបន់ជនជាតិខ្មែរ បានវិនិយោគសម្រេចរួចរាល់ ឆ្លើយតបនឹងតម្រូវការជីវភាព និងការបង្កបង្កើនផលរបស់ប្រជាជន។ ជាពិសេស សាលារៀនក៏បានវិនិយោគកសាងតាមទិសដៅបទដ្ឋានជាតិ ជួយឱ្យកូនចៅជនរួមជាតិខ្មែរបានចូលរៀន រួមចំណែកលើកកម្ពស់កម្រិតប្រជាបញ្ញា។ ទន្ទឹមនឹងនោះ ព្រួតដៃជាមួយរដ្ឋអំណាចភូមិភាគក្នុងការផ្សព្វផ្សាយ ចលនាមាមីងខ្មែរមានការយល់ដឹងកាន់តែខ្ពស់ និងខ្នះខ្នែងប្រកបការងាររកសុីដើម្បីធ្វើមាន និងកាត់បន្ថយអត្រាគ្រួសារក្រីក្ររបស់ខេត្តថយចុះនៅក្រោម ១% ៕

យី្វអាញ់ -ត្រឹងហ្គោន

ចែករំលែកអត្ថបទ

ពាក្យគន្លឹះ