ព្រឹត្តិការណ៍ - នយោបាយ ព្រឹត្តិការណ៍

01/06/2021 - 08:32

ទង្វើនិងទម្រង់ល្អៗ ផ្តើមពីការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ

គណៈអចិន្រ្តៃយ៍នៃគណៈកម្មាធិការបក្សខេត្តសុកត្រាំង ទើបចាត់តាំងកិច្ចប្រជុំបូកសរុបបណ្តោះអាសន្ន ៥ ឆ្នាំអនុវត្តបទបញ្ជាលេខ ០៥-CT/TW ចុះថ្ងៃទី ១៥/៥/២០១៦ របស់ការិយាល័យនយោបាយ ស្តីពីជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ (ហៅកាត់ថា បទបញ្ជាលេខ ០៥)។

បុគ្គល ២ រូប ទទួលបានប័ណ្ណសរសើររបស់នាយករដ្ឋមន្រ្តីនៃរដ្ឋាភិបាល។

រយៈពេល៥ឆ្នាំកន្លង ការរៀបចំបញ្ជ្រាបរៀនសូត្រ ប្រជុំជីវភាពបក្ស ផ្សព្វផ្សាយអនុវត្តនូវបទបញ្ជាលេខ ០៥ ជាបធានបទមួយត្រូវបានគណៈកម្មាធិការបក្សគ្រប់លំដាប់ថ្នាក់ អង្គការបក្សដឹកនាំ ចង្អុលការយ៉ាងម៉ឺងម៉ាត់ អនុវត្តព្រមៗគ្នា ទូលំទូលាយដោយរូបភាពជាច្រើន សម្បូរបែបជាក់ស្តែងដល់គ្រប់ស្ថាប័ន កម្មាភិបាល បក្ខជន សម្ព័ន្ធយុវជន សមាជិក និងមជ្ឈដ្ឋានប្រជាជន។ ឆ្លងតាមរយៈនោះ លើភូមិសាស្រ្តខេត្តបានលេចឡើង ៤.៨៤៩ សមូហភាពនិងបុគ្គលគំរូឆ្នើម មនុស្សល្អ-ការងារល្អ ទម្រង់ល្អ របៀបធ្វើថ្មីៗលើគ្រប់វិស័យសេដ្ឋកិច្ចសង្គម វប្បធម៌ អប់រំ សុខាភិបាល សាសនាជនជាតិ នយោបាយ និងសន្តិសុខការពារប្រទេស។ល។ ត្រូវបានគណៈផ្នែកគ្រប់លំដាប់ថ្នាក់ស្ងើចសរសើរនិងជូនរង្វាន់។ ទម្រង់សំខាន់ៗជាច្រើន មានភាពទម្លុះទម្លាយដូច៖ “លើកកម្ពស់គុណភាពការងារធ្វើសេនាធិការ ជំនួយការដល់គណៈកម្មាធិការបក្ស” “លើកកម្ពស់ស្មារតីទទួលខុសត្រូវក្នុងភារកិច្ចកសាងគុណភាពកម្មាភិបាល បក្ខជនមានគោលជំហរនយោបាយ សតិអារម្មណ៍រឹងមាំ” រៀបចំរៃអង្គាសក្នុងកម្លាំងប្រដាប់អាវុធ កសាង “ផ្ទះមិត្តរួមកង” “ពង្រីកទ្រឹស្តីព្រះពុទ្ធសាសនា-ធ្វើតាមគំរូ សីលធម៌អ៊ំហូ ធ្វើសប្បុរសធម៌ជាដើម…”។

ក្នុងឱកាសនេះ មានបុគ្គល ២ រូប បានទទួលប័ណ្ណសរសើររបស់នាយករដ្ឋមន្រ្តីនៃរដ្ឋាភិបាល មានសមូហភាពចំនួន ១៨ និងបុគ្គល ១៩ រូប បានគណៈកម្មាធិការប្រជាជនខេត្តជូនប័ណ្ណសរសើរអំពីស្នាដៃឆ្នើមក្នុងការរៀនសូត្រនិងធ្វើតាមឧត្តមគតិសីលធម៌ ឥរិយាបថ ហូជីមិញ៕

លីធាន-មុនី

ចែករំលែកអត្ថបទ

ពាក្យគន្លឹះ