មហាសាមគ្គីជនជាតិ គំរូក្នុងសហគមន៍

09/03/2021 - 09:39

អ្នកមានប្រជាប្រិយរួមចំណែកកសាងនិងពង្រឹងផែនមហាសាមគ្គីជនជាតិ

អ្នកមានប្រជាប្រិយក្នុងសហគមន៍ជនជាតិខ្មែរនៅខេត្តសុកត្រាំង បានចលនាប្រជាជនគោរពតាមគោលការណ៍របស់បក្ស គោលនយោបាយច្បាប់របស់រដ្ឋ។ ទន្ទឹមនឹងនោះ ខ្នះខ្នែងចូលរួមសកម្មភាពរបស់ភូមិភាគ។

ព្រះសង្ឃក្នុងវត្ត តែងលើកទឹកចិត្តមាមីងខំប្រឹងប្រតិបត្តិល្អការងារសាសនា អនុវត្តល្អការងារសង្គម។

ព្រះតេជព្រះគុណ ត្រឹងយ៉េត ព្រះចៅអធិការវត្តពេជ្រមង្គល ទីរួមខេត្តវិញចូវ មានថេរដីកា៖ "មាមីងពុទ្ធបរិស័ទខ្មែរ ជាអ្នកកាន់ពុទ្ធសាសនា ពេលមានបុណ្យទាន ឬថ្ងៃសីល មាមីងតែងអញ្ជើញមកវត្ត ពេលទេសនាម្តងៗអាត្មាភាពតែងលើកឡើងអំពីរឿងបុណ្យបាប រំលឹកពុទ្ធបរិស័ទឱ្យរស់នៅធ្វើល្អតាមផ្លូវសាសនា អនុវត្តល្អការងារសង្គម សាមគ្គីជួយគ្នាទៅវិញទៅមករួមគ្នាអភិវឌ្ឍ។ អាត្មានៅទាំងលើកទឹកចិត្តពុទ្ធបរិស័ទលើកកម្ពស់ស្មារតីប្រុងប្រយ័ត្នចំពោះឧបាយកលរបស់អានុភាពអមិត្ត ឆ្លៀតយកបញ្ហាសាសនា ជនជាតិ ដើម្បីញុះញ៉ុងបំបែកបំបាក់ផែនមហា សាមគ្គីជនជាតិ។ អាស្រ័យហេតុនោះ ភូមិ ស្រុកមានភាពសុខសាន្ត"។ លោកត្រឹងលីវ អ្នកមានប្រជាប្រិយ នៅឃុំលីវទូ ស្រុកត្រឹងដេ ជាបុគ្គលគំរូម្នាក់ក្នុងការរួមចំណែកនិងចលនាសង្គមូបនីយកម្មកសាងផ្លូវ ស្ពានជនបទ ដាក់លូបង្ហូតទឹកនៅភូមិភាគ។ លោកត្រឹងលីវ មានប្រសាសន៍៖ "ការងារដែលខ្ញុំធ្វើ គឺដើម្បីប្រយោជន៍រួមនិងការអភិវឌ្ឍរបស់ភូមិស្រុក។ ជាច្រើនឆ្នាំមកនេះ ខ្ញុំតែងចលនាមាមីងរួមវិភាគទាន ដើម្បីកសាងផ្លូវនិងស្ពានជនបទ លូបង្ហូតទឹក ដាក់អំពូលភ្លើងអគ្គិសនីតាមដងផ្លូវគិត ជាប្រាក់រាប់រយលានដុង។ ដោយកិត្យានុភាព ខ្ញុំបានមាមីងមានទំនុកចិត្ត ក៏បានបរិច្ចាគ ប្រាក់កាស គ្រឿងសម្ភារៈនិងកម្លាំងពលកម្មដើម្បីកសាងសំណង់។ ឥឡូវ មានផ្លូវទៅមក ងាយស្រួល តំបន់តាំងទីលំនៅគ្មាននៅទឹកលិចដូចមុន ពេលយប់ភ្លើងផ្លូវភ្លឺព្រោងព្រាត ញុាំងឱ្យភូមិស្រុកបឹងត្រៀកភ្លឺ បៃតង ជ្រះ ស្អាត"។

លោកយឿងសាខា ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង ឱ្យដឹង៖ "អ្នកមានប្រជាប្រិយក្នុងសហគមន៍ ជនជាតិភាគតិច ជាស្ពានតភ្ជាប់ដ៏សំខាន់រវាងបក្ស រដ្ឋនិងប្រជាជន។ ទន្ទឹមនឹងការចលនាមាមីងកសាងសំណង់ជនបទ ពួកគាត់នៅទាំងខ្នះខ្នែងក្នុងការផ្សព្វផ្សាយគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋដល់ប្រជាជន។ ផ្សះផ្សារសម្រុះសម្រួល សម្រេចជោគជ័យជាច្រើនករណីទំនាស់វិវាទក្នុងប្រជាជននិងសាសនា ខ្នះខ្នែងចលនាកូនចៅក្នុងគ្រួសារជៀសវាងបាបគ្រោះសង្គម មិនប្រព្រឹត្តខុសច្បាប់ មិនស្តាប់តាមការឃោសនាមួលបង្កាច់របស់ជនទុច្ចរិត។ល។ ផ្តើមពីនោះ រួមចំណែកលំនឹងសន្តិសុខនយោបាយ សណ្តាប់ធ្នាប់សុវត្ថិភាពសង្គមនៅភូមិភាគ"៕

លីធាន-មុនី

ចែករំលែកអត្ថបទ

ពាក្យគន្លឹះ