ព្រឹត្តិការណ៍ - នយោបាយ ព្រឹត្តិការណ៍

01/03/2021 - 15:06

ផ្តល់ជូននិងចែកចាយកាសែត ទស្សនាវដ្តីជាង ៩៤៣.៤១០ ប្រភេទដល់តំបន់ជនរួមជាតិភាគតិច

រយៈពេលកន្លង បណ្តាភូមិភាគនៅតំបន់តីណាមបូ បានអនុវត្តល្អនិងមានប្រសិទ្ធភាព ស្តីពីការផ្តល់ជូននូវកាសែត និងទស្សនាវដ្តីសម្រាប់តំបន់ជនជាតិភាគតិច និងតំបន់ភ្នំ ដល់មុខសញ្ញាត្រូវបានទទួលផល ។ ឆ្លងតាមរយៈការធ្វើស្ថិតិមិនទាន់ពេញលេញ ឆ្នាំ ២០២០ ភូមិភាគនានានៅតំបន់តីណាមបូ បានផ្តល់ជូននិងចែកចាយកាសែត ទស្សនាវដ្តីជាង ៩៤៣.៤១០ ប្រភេទ តាមសេចក្តីកំណត់។

ព្រះតេជព្រះគុណលីហ៊ុង ព្រះចៅអធិការវត្តពិទូឃោសរង្សី (ក្រុងកឹងធើ) កំពុងដោះដូរជាមួយលោកថាច់ខេន អតីតនិពន្ធនាយករងកាសែតកឹងធើ អំពីខ្លឹមសារនៃកាសែតកឹងធើ -
ភាសាខ្មែរ។

យោងតាមនាយកដ្ឋានភូមិភាគ III គណៈកម្មាធិការជនជាតិ៖ ខ្លឹមសារនៃកាសែតនិងទស្សនាវដ្តីបាននាំយកនូវគោលការណ៍ គោលនយោបាយ និងច្បាប់របស់បក្សនិងរដ្ឋបានទាន់ពេល ។ ទន្ទឹមនឹងនោះ លើកសរសើរមនុស្សល្អ ការងារល្អ ទម្រង់ផលិតកម្មដែលមានប្រសិទ្ធភាព ឆ្លុះបញ្ចាំងពីពិធីបុណ្យផ្សេងៗ អត្តសញ្ញាណជនជាតិរបស់ជនជាតិភាគតិចនៅក្នុងតំបន់។ ដោយហេតុនោះ ជាជំហានឆ្លើយតបបានតម្រូវការព័ត៌មានទំនាក់ទំនង រួមចំណែកដល់ការលើកកម្ពស់កំរិតវប្បធម៌ប្រជាបញ្ញា ជីវភាពវប្បធម៌ ស្មារតី និងការអភិវឌ្ឍសេដ្ឋកិច្ចគ្រួសារ នៅតំបន់ជនជាតិភាគតិចនៅណាមបូ ៕

ថាញ់ឡុង

ចែករំលែកអត្ថបទ

ពាក្យគន្លឹះ