មហាសាមគ្គីជនជាតិ ភូមិស្រុកផ្លាស់ថ្មី

23/02/2021 - 08:40

ជីវភាពឈានឡើងអាស្រ័យចិញ្ចឹមត្រីកន្ធរ

តាមបណ្តោយភ្លឺប្រឡាយចំណុះភូមិដាបាក A ផ្ទះឥដ្ឋដំបូលប្រក់ក្បឿងយ៉ាងសមរម្យ សាងសង់តាមស្ថាបត្យកម្មទំនើប។ នេះគឺសមិទ្ធផល ក្រោយពីរយៈកាលជាច្រើនឆ្នាំជនរួមជាតិខ្មែរនៅទីនេះប្រកបរបរធ្វើងៀតត្រីកន្ធរ។

ផ្ទះឥដ្ឋមានភាពសមរម្យ ត្រូវបានសាងសង់ឡើងអាស្រ័យប្រភពចំណូល
ពីរបរធ្វើងៀតត្រីកន្ធរ។

ភូមិដាបាក A (ឃុំខាញ់ប៊ិញតី ស្រុកត្រឹងវ៉ាន់ថើយ ខេត្តកាម៉ាវ) បច្ចុប្បន្ន មានគ្រួសារជនរួមជាតិខ្មែររស់នៅប្រមាណ ៦១ គ្រួសារ។ ជាច្រើនឆ្នាំមកនេះ អាស្រ័យប្រកបរបរធ្វើងៀតត្រីកន្ធរ ទើបជីវភាពមាមីងនៅទីនេះមានភាពប្រសើរជាងមុនច្រើន។ លោកយ័ញយឿង ផ្សារភ្ជាប់នឹងរបរចិញ្ចឹមនិងធ្វើងៀតត្រីកន្ធរអស់រយៈកាលជាង ៣០ ឆ្នាំនៅភូមិដាបាក A ឱ្យដឹង៖ “ពីមុន មាមីងនៅទីនេះធ្វើតែងៀតប្រៃ សព្វថ្ងៃដើម្បីឆ្លើយតបតាមតម្រូវការរបស់អតិថិជន គ្រួសារជាច្រើនបានធ្វើងៀតប្រៃ ប្រៃល្មម និងសាប។ សាច់ត្រីកន្ធរស្វិតល្មួត ហូបមានរសជាតិម្លាន់ឆ្ងាញ់ មធ្យមភាគត្រីស្រស់ ២,៤ គីឡូក្រាម ធ្វើបានងៀត ១ គីឡូក្រាម តម្លៃពី ២៤០.០០០ -៣០០.០០០ ដុង/គីឡូក្រាម ទៅតាមប្រភេទតូចឬធំ។

បច្ចុប្បន្ន ងៀតត្រីកន្ធរកាម៉ាវ មានដាក់លក់នៅលើទីផ្សារខេត្ត ក្រុងជាច្រើនក្នុងទូទាំងប្រទេស។ ងៀតត្រីកន្ធរអាចនឹងច្នៃជាម្ហូបបានច្រើនមុខដូច៖ ចៀន ដុតញាំ។ល។ ឆ្នាំ ២០២០ ដោយសារជំងឺ COVID-១៩ ទើបតម្លៃងៀតត្រីកន្ធរចុះថោក លក់ដូរយឺតបន្តិច ប៉ុន្តែរបរធ្វើងៀតត្រីកន្ធរនៅតែប្រព្រឹត្តទៅជាធម្មតា ពីព្រោះការងារនេះផ្តល់ចំណូលខ្ពស់ជាង បើធៀបនឹងការងារឯទៀតនៅភូមិភាគ។ លោកយ័ញយឿង ឱ្យដឹង៖ “នៅភូមិដាបាក A គ្រួសារណាមានលក្ខណៈសេដ្ឋកិច្ច គឺប្រមូលទិញត្រីកន្ធរដើម្បីធ្វើងៀត តួយ៉ាងដូចគ្រួសារខ្ញុំ ក្នុងមួយថ្ងៃយ៉ាងហោចណាស់ក៏ធ្វើបានពីរបីរយគីឡូក្រាម ថ្ងៃខ្លះឡើងដល់ ១-២ តោនត្រីស្រស់។ បងប្អូននារីទំនេរពីការងារស្រែចម្ការ មកជួយធ្វើត្រីដើម្បីរកប្រាក់ចំណូលបន្ថែម ក្នុងមួយថ្ងៃរកបានពី ១៥០.០០០ -២៥០.០០០ ដុង។ ផ្តើមពីនោះ ក្នុងភូមិមានគ្រួសារជាច្រើនបានចាកផុតពីភាពក្រីក្រ ឈានឡើងធូរធារអាស្រ័យប្រកបរបរចិញ្ចឹមនិងធ្វើងៀតត្រីកន្ធរ”៕

ឃុំខាញ់ប៊ិញតី បច្ចុប្បន្ន មានមូលដ្ឋានប្រមូលទិញ និងធ្វើងៀតត្រីកន្ធរប្រមាណ ១៨ មូលដ្ឋាន ក្នុងនោះ ដោយឡែកនៅភូមិដាក A មានដល់ទៅ ១២ មូលដ្ឋាន។ មិនត្រឹមតែបង្កការងារធ្វើជូនពលកររាប់រយនាក់ក្នុងភូមិប៉ុណ្ណោះទេ មូលដ្ឋានទាំងនេះនៅទាំងរកបានប្រាក់ចំណូលពី ២០០-៣០០ លានដុង/ឆ្នាំ៕

អាញ់វី-មុនី

ចែករំលែកអត្ថបទ

ពាក្យគន្លឹះ