មហាសាមគ្គីជនជាតិ គំរូក្នុងសហគមន៍

12/01/2021 - 08:57

អស់ពីចិត្តជាមួយនឹងការងារអប់រំ

លោកគ្រូថាច់ហ្វិញ ជាគ្រូបង្រៀនវិញ្ញាសាភាសាបាលីនៃសាលា មធ្យមសិក្សាបាលី - ខ្មែរត្រាវិញ បានរួមចំណែកយ៉ាងច្រើនដល់ការងារអប់រំនិងបណ្ដុះបណ្តាលកូនចៅជនរួមជាតិខ្មែរ។

លោកគ្រូថាច់ហ្វិញ។

លោកគ្រូថាច់ហ្វិញ ផ្ទះនៅអនុសង្កាត់ ៩ សង្កាត់ ៩ ក្រុងត្រាវិញ។ អាស្រ័យជីវភាពគ្រួសារខ្វះខាត ម្ល៉ោះហើយរៀនបានត្រឹមតែថ្នាក់ទី ៦ ក៏បង្ខំចិត្តឈប់រៀន។ ក្នុងរយៈពេលបួសរៀន គ្រូថាច់ហ្វិញ ក៏បន្តការសិក្សា រយៈពេលដែលវិទ្យាស្ថានពុទ្ធសាសនាខ្មែរ ស្ថិតនៅខណ្ឌអូរម៉ូង ទីក្រុងកឹងធើ បើកវគ្គសិក្សាដំបូង គ្រូថាច់ហ្វិញ ក៏បានព្រះចៅអធិការវត្តអនុញ្ញាតឱ្យនិមន្តទៅសិក្សា។ ឆ្នាំ ២០១៥ ប្រឡងបញ្ចប់កម្រិតសិក្សា សម្រេចបាននិទ្ទេសពូកែ លោកគ្រូក៏បានជ្រើសចូលបង្រៀនសាលាមធ្យមសិក្សាបាលី - ខ្មែរត្រាវិញ រួចប្រគល់ឱ្យទទួលបន្ទុកវិញ្ញាសាភាសាបាលី។

មិនត្រឹមតែបង្រៀនក្នុងសាលា លោកគ្រូថាច់ហ្វិញ នៅទាំងឆ្លៀតបង្រៀនតាមវត្តមួយចំនួនដោយឥតគិតកម្រៃ ដូចជា៖ វិញ្ញាសាភាសាបាលី វេយ្យាករណ៍ខ្មែរ និងភាសាបរទេស។ គ្រូថាច់ហ្វិញ ឱ្យដឹង៖ “ខ្ញុំកើតក្នុងគ្រួសារកសិករក្រីក្រ អាស្រ័យអនុវត្តតាមការណែនាំរបស់រៀមច្បង និងខិតខំអស់ពីកម្លាំងកាយចិត្ត ទើបមានចំណេះដឹង ក៏ដូចជាបទពិសោធន៍ក្នុងជីវិត ដូចបច្ចុប្បន្ននេះ។ ដូច្នេះ ទន្ទឹមនឹងការបង្រៀនអក្សរ ខ្ញុំតែងឆ្លៀតឱកាសបង្ហាញពីបទពិសោធន៍របស់ខ្លួន ដើម្បីសិស្សដែលមានជីវភាពខ្វះខាត ខិតខំជម្នះលំបាក បន្តការរៀនសូត្រ”។

គ្រូថាច់ហ្វិញ (ខាងឆ្វេង) កំពុងប្រជុំនឹងលោកគ្រូអ្នកគ្រូក្នុងសាលា។

សមណសិស្ស ថាច់ង៉ុកភឿក សាលាមធ្យមសិក្សាបាលី-ខ្មែរ ពិតឱ្យដឹង៖ “ លោកគ្រូថាច់ហ្វិញ មានចំណេះដឹងទូលំទូលាយខាងវិញ្ញាសាភាសាបាលី ដូច្នេះលោកគ្រូពន្យល់ឆាប់យល់ណាស់។ លោកគ្រូគឺជាអ្នកអស់ពីចិត្តជាមួយនឹងផ្នែកអប់រំ នៅពេលដែលសិក្ខាកាមមិនយល់ លោកគ្រូគាត់ពន្យល់សាចុះសាឡើង”។

លោកគ្រូត្រឹងមិញថាយ នាយករងសាលាមធ្យមសិក្សាបាលី - ខ្មែរ ឱ្យដឹង៖ “លោកគ្រូថាច់ហ្វិញ ជាគ្រូបង្រៀនម្នាក់មានជំនាញខ្ពស់។ លោកគ្រូក៏ជាប្រធានសហជីពអស់ពីចិត្តរបស់សាលា និងជាបុគ្គលគំរូម្នាក់ ច្រើនឆ្នាំបន្តបន្ទាប់តែងសម្រេចភារកិច្ចដែលបានប្រគល់ឱ្យ”៕

សឺនម៉ាល័យ-លេងមី

ចែករំលែកអត្ថបទ

ពាក្យគន្លឹះ