មហាសាមគ្គីជនជាតិ ភូមិស្រុកផ្លាស់ថ្មី

01/12/2020 - 09:26

ជនរួមជាតិខ្មែរព្រួតដៃកសាងជនបទថ្មី

អស់រយៈកាលជាង ១០ ឆ្នាំ ផ្សព្វផ្សាយអនុវត្តកម្មវិធីទិសដៅជាតិនៃការកសាងជនបទថ្មី ខេត្តបាកលីវ មានឃុំសម្រេចបទដ្ឋានជនបទថ្មី ១០០%។ លទ្ធផលនេះ មានការព្រួតដៃរួមចំណែកយ៉ាងសកម្ម ពីសំណាក់ជនរួមជាតិខ្មែរ។

កសិករខ្មែរជាច្រើន បានអនុវត្តវិទ្យាសាស្រ្តបច្ចេកទេសក្នុងការដាំដុះ

នាំមកប្រសិទ្ធភាពសេដ្ឋកិច្ចខ្ពស់។

យោងតាមគណៈកម្មាធិការជនជាតិខេត្តបាកលីវ រយៈកាលជាង ១០ ឆ្នាំកសាងជនបទថ្មី ខេត្តមាន ៤៩/៤៩ ឃុំសម្រេចបទដ្ឋានជនបទថ្មី។ ចំណូលមធ្យមភាគលើមនុស្សម្នាក់សម្រេច ៥៨ លានដុង/ឆ្នាំ អត្រាគ្រួសារក្រីក្រ ថយចុះនៅ ១% អត្រាគ្រួសារប្រជាជននៅជនបទ មានទឹកស្អាតប្រើប្រាស់សម្រេច ៩៩,៨% មានអគ្គិសនីប្រើប្រាស់ជាង ៩៩% ។ សម្រេចបានលទ្ធផលនេះ គឺអាស្រ័យការព្រួតដៃយ៉ាងសកម្មរបស់រដ្ឋអំណាចគ្រប់លំដាប់ថ្នាក់ និងអង្គការមហាជននៅភូមិភាគក្នុងការផ្សព្វផ្សាយគោលការណ៍ និងអត្ថន័យនៃការកសាងជនបទថ្មី។ ពិសេសគឺការចូលរួមយ៉ាងសកម្មរបស់ព្រះសង្ឃ អ្នកមានប្រជាប្រិយក្នុងសហគមន៍ជនរួមជាតិខ្មែរអំពីការផ្សព្វផ្សាយគោលការណ៍ សេចក្តីសម្រេចរបស់បក្ស គោលនយោបាយនិងច្បាប់របស់រដ្ឋដល់ជនរួមជាតិខ្មែរ។ ព្រះតេជព្រះគុណ តាំងសាវង្ស ព្រះគ្រូចៅអធិការវត្តខ្វែងបបែលចាស់ ឃុំហឹងហោយ ស្រុកវិញឡើយ មានថេរដីកា៖ “ការកសាងជនបទថ្មី គឺជាគោលការណ៍របស់រដ្ឋ នាំមកផលប្រយោជន៍បម្រើប្រជាជន ម៉្លោះហើយមាមីងខ្មែរស្របចិត្តគាំទ្រ។ ជាច្រើនឆ្នាំមកនេះ អាត្មាភាពចលនាមាមីងពុទ្ធបរិស័ទរួមវិភាគទានកសាងផ្លូវជនបទបានប្រវែងជាង ១,៥ គីឡូម៉ែត្រ កសាងស្ពានជាច្រើនខ្សែ និងសង់ផ្ទះមេត្តាធម៌ជាច្រើនខ្នងជូនគ្រួសារក្រ”។

ដងផ្លូវគមនាគមន៍ជនបទលើភូមិសាស្រ្តខេត្តបាកលីវ។

ទន្ទឹមនឹងការចលនាជនរួមជាតិខ្មែរខ្នះខ្នែងចូលរួមកសាងជនបទថ្មី ភូមិភាគនានាក៏ប្រមូលផ្តុំ ជំរុញការបង្វែររចនាសម្ព័ន្ធពូជដំណាំ សត្វចិញ្ចឹម អនុវត្តវិទ្យាសាស្រ្តបច្ចេកទេសជឿនលឿនក្នុងការបង្កបង្កើនផលនៅតំបន់ជនរួមជាតិខ្មែរ បង្កើតនូវទម្រង់ល្អៗជាច្រើននាំមកប្រសិទ្ធភាពសេដ្ឋកិច្ចខ្ពស់។ លោកឡឹមវល្លិ៍ លេខាសាខាបក្សភូមិបៀងដុង A ឃុំវិញត្រាច់ដុង ឱ្យដឹង៖ “ពេលឃុំសម្រេចបទដ្ឋានជនបទថ្មី ជីវភាពប្រជាជនក៏បានលើកស្ទួយកូនចៅមានលក្ខណៈរៀនសូត្រត្រឹមត្រូវ។ ផ្លូវបេតុងតភ្ជាប់ដល់ផ្ទះ មានអគ្គិសនី ទឹកស្អាតប្រើប្រាស់ ព្រែកប្រឡាយមានទឹកសាប ខួបប្រាំវស្សា ម៉្លោះហើយមាមីងអនុវត្តវិទ្យាសាស្រ្តក្នុងការផលិតស្រូវ ដាំដំណាំរួមផ្សំឈើហូបផ្លែ ។ល។ រកបានប្រាក់ចំណូលខ្ពស់។ ផ្តើមពីនោះ មាមីងខ្មែរត្រៀមលក្ខណៈរួមទាំងកម្លាំងកាយនិងកម្លាំងទ្រព្យ ដើម្បីរួមនឹងរដ្ឋអំណាចកសាងជនបទថ្មី”៕

យ្វីអាញ់-មុនី

ចែករំលែកអត្ថបទ

ពាក្យគន្លឹះ