មហាសាមគ្គីជនជាតិ គំរូក្នុងសហគមន៍

28/09/2020 - 16:40

ភូមីបច្ចុប្បន្ន

ភូមីជាឃុំតំបន់ដាច់ឆ្ងាយរបស់ស្រុកមីទូ ខេត្តសុកត្រាំង មានជនរួមជាតិខ្មែររស់នៅជាង ៩២%។ កាលពីមុន ប្រព័ន្ធហេដ្ឋារចនាសម្ព័ន្ធនៅភូមីមានភាពអន់ថយ បង្កបង្កើនផលតាមទម្លាប់ចាស់ ទើបជីវភាពរបស់ប្រជាជននៅជួបលំបាកច្រើន។ ចាប់តាំងពីអនុវត្តកម្មវិធីទិសដៅជាតិស្ដីពីការកសាងជនបទថ្មី ឃើញថាជីវភាពរបស់ប្រជាជនកើនឡើងជាលំដាប់។

បង្គោលភ្លើងតាមដងផ្លូវអាស្រ័យប្រជាជនរួមវិភាគទានកសាង។

បច្ចុប្បន្ន តាមដងផ្លូវខេត្ត ស្រុកឆ្ពោះទៅមជ្ឈមណ្ឌលឃុំ និងផ្លូវចុះទៅតាមភូមិក្នុងឃុំភូមី ត្រូវបានក្រាលបេតុង។ ទន្ទឹមនឹងនោះ ប្រជាជនម្ចាស់ការរួមវិភាគទានភ្ជាប់អំពូលភ្លើងតាមផ្លូវជនបទ ធានាសន្តិសុខសណ្តាប់ធ្នាប់ ដោយកាត់បន្ថយគ្រោះថ្នាក់ចរាចរ។ ព្រមជាមួយនោះ នៅតាមដងផ្លូវថែមទាំងបានប្រជាជនដាំផ្កាលម្អ បង្កបានទេសភាពស្រស់ត្រកាល។ សងខាងផ្លូវបេតុងក្នុងភូមិគឺជាវាលស្រែដំណាំរួមផ្សំកំពុងលូតលាស់ល្អ។ តាមមណ្ឌលតាំងទីលំនៅ ផ្ទះឥដ្ឋរឹងមាំ សង់ត្រៀបត្រាគ្នា។ រូបភាពទាំងនេះឃើញថា តំបន់ជនបទភូមីកំពុងផ្លាស់ថ្មីពីមួយថ្ងៃទៅមួយថ្ងៃ។

 ផ្លូវជនបទភូមី ភ្លឺ - បៃតង - ស្អាត - ល្អ។

ព្រះតេជព្រះគុណលីវហ្វៀង ព្រះចៅអធិការវត្តបឹងកក់ មានថេរដីកា៖ “មាមីងពុទ្ធបរិស័ទខ្មែរ តែងយល់ពីផលប្រយោជន៍នៃការកសាងជនបទថ្មី ម្ល៉ោះហើយស្ម័គ្រចិត្តរួមវិភាគទាន ជាទឹកប្រាក់ បរិច្ចាគដី និងដំណាំរួមផ្សំ។ល។ ដើម្បីរដ្ឋអំណាចកសាងសំណង់ជនបទ។ មានបង្គោលភ្លើងប្រមាណ ៧០ ដើម តភ្ជាប់អំពូលភ្លើងដោយថាមពលព្រះអាទិត្យ តម្លៃទឹកប្រាក់ជាង ២០០ លានដុង តែងបានមាមីងម្ចាស់ការ រួមវិភាគទាន ញុាំងឱ្យតំបន់ជនបទភ្លឺចិញ្ចាច”។ លោកហ្វិញស្វឹងហ្វាង លេខាសាខាបក្សភូមិព្រែកពិន្ទង ឱ្យដឹង៖ “ចាប់ពីមានផ្លូវជនបទ ទឹកស្អាត អគ្គិសនីចុះដល់ផ្ទះនីមួយៗ ឃើញថា ជីវភាពមាមីងខ្មែររីកចម្រើនឆាប់រហ័ស។ មាមីងចេះធ្វើអាជីវកម្ម ជួញដូរ ចិញ្ចឹមសត្វ ដាំដំណាំរួមផ្សំ និងម្ចាស់ការជ្រើសរើសពូជស្រូវក្រអូប អនុវត្តបច្ចេកទេសក្នុងការបង្កបង្កើនផលទទួលបានទិន្នផលខ្ពស់ចំណេញច្រើន។ ពិសេស មាមីងគិតគូរឱ្យកូនចៅរៀនសូត្រ លើកកម្ពស់ប្រជាបញ្ញា និងអនុវត្តល្អគោលការណ៍ គោលនយោបាយរបស់បក្ស និងច្បាប់របស់រដ្ឋ”។

លោកសើុងសារ៉ាញ លេខាគណៈកម្មាធិការបក្ស ប្រធានគណៈកម្មាធិការប្រជាជនឃុំភូមី ឱ្យដឹង៖ “ផ្តើមពីឃុំលំបាកខាងផ្លូវជនបទ អត្រាគ្រួសារក្រីក្រជាង ៥០% ដោយសារកម្មវិធី គម្រោងផ្សេងៗរបស់រដ្ឋវិនិយោគមកទល់ពេលនេះ ឃុំសម្រេច ១៥/១៩ លក្ខឋាននៃការកសាងជនបទថ្មី។ បច្ចុប្បន្ន អត្រាគ្រួសារក្រីក្ររបស់ឃុំថយចុះនៅតែ ៩% ប៉ុណ្ណោះ; ផ្លូវជនបទជាសារវន្តបានឆ្លើយតបនឹងតម្រូវការធ្វើដំណើរទៅមកនិងដឹកជញ្ជូនទំនិញរបស់ប្រជាជន”៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ