ព្រឹត្តិការណ៍ - នយោបាយ ព្រឹត្តិការណ៍

24/08/2020 - 16:29

ប្រធានរដ្ឋសភា ង្វៀងធីកីមង៉ឹង ជំនួបសវនាការជាមួយប្រធានរដ្ឋសភាកម្ពុជា

ព្រឹកថ្ងៃទី ១៥ សីហា នៅវិមានរដ្ឋសភា ប្រធានរដ្ឋសភា ង្វៀងធីកីមង៉ឹង បានជួបសវនាការជាមួយប្រធានរដ្ឋសភាកម្ពុជា សម្តេច ហេងសំរិន និងគណៈប្រតិភូជាន់ខ្ពស់កម្ពុជា ក្នុងឱកាសដែលគណៈប្រតិភូអញ្ជើញមកគោរពវិញ្ញាណក្ខ័ន្ធ អតីតអគ្គលេខាបក្ស ឡេខាភីវ។

ប្រធានរដ្ឋសភា ង្វៀនធីកីមង៉ឹង ជួបសវនាការជាមួយសម្តេច ហេងសំរិន ប្រធានរដ្ឋសភានៃព្រះរាជាណាចក្រកម្ពុជា។

តំណាងបក្ស រដ្ឋ រដ្ឋសភានិងប្រជាជនវៀតណាម ប្រធានរដ្ឋសភា ង្វៀងធីកីមង៉ឹង បានផ្ញើនូវបិយវាចាថ្លែងអំណរគុណយ៉ាងជ្រាលជ្រៅចំពោះព្រះបាទសម្ដេច ព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា; ប្រធានគណៈបក្សប្រជាជន សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា; ប្រធានរដ្ឋសភា ហេង សំរិន និងប្រធានព្រឹទ្ធសភា សាយឈុំ បានផ្ញើសារលិខិតចូលរួមរំលែកទុក្ខជូនអគ្គលេខាបក្ស ប្រធានរដ្ឋ ង្វៀងភូត្រុង ថ្នាក់ដឹកនាំវៀតណាម និងក្រុមគ្រួសារអតីតអគ្គលេខាបក្ស ឡេខាភីវ។

គណៈប្រតិភូជាន់ខ្ពស់កម្ពុជា ដឹកនាំដោយប្រធានរដ្ឋសភាសម្តេច ហេងសំរិន បានអញ្ជើញមកនិងចូលទៅគោរពវិញ្ញាណក្ខ័ន្ធ អតីតអគ្គលេខាបក្ស ឡេខាភីវដោយផ្ទាល់ ប្រធានរដ្ឋសភា ង្វៀងធីកីមង៉ឹង បានសង្កត់ធ្ងន់ថា នេះជាទង្វើដ៏ថ្លៃថ្នូរ សម្តែងនូវភាពស្និទ្ធស្នាល ទំនាក់ទំនងសាមគ្គីភាព និងមិត្តភាពជាប្រពៃណីរវាងប្រទេសទាំងពីរ ក៏ដូចជាមនោសញ្ចេតនារបស់គណៈបក្សប្រជាជនកម្ពុជា រដ្ឋ និងប្រជាជនកម្ពុជា ដែលផ្តល់ចំពោះអតីតអគ្គលេខាបក្ស ឡេខាភីវ។

ប្រធានរដ្ឋសភាបានបញ្ជាក់ថា បក្ស រដ្ឋ រដ្ឋសភានិងប្រជាជនវៀតណាមនឹងប្រឹងប្រែងអស់ពីកម្លាំងកាយចិត្តរួមជាមួយគណៈបក្សប្រជាជនកម្ពុជា រដ្ឋ រដ្ឋសភា និងប្រជាជនកម្ពុជា នឹងថែរក្សាជានិច្ចនិងពូនជ្រំទំនាក់ទំនង “អ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ ឋិតថេរចីរកាល” រវាងវៀតណាម និងកម្ពុជា ពីមួយថ្ងៃទៅមួយថ្ងៃកាន់តែអភិវឌ្ឍ ស៊ីជម្រៅ ប្រកបដោយប្រសិទ្ធភាព ជាក់ស្តែងលើគ្រប់វិស័យ នាំមកនូវផលប្រយោជន៍សម្រាប់ប្រជាជននៃប្រទេសទាំងពីរ ដើម្បីសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍនៅក្នុងតំបន់និងពិភពលោក។

តំណាងគណៈអចិន្រ្តៃយ៍នៃគណៈបក្សប្រជាជនកម្ពុជា ប្រធានរដ្ឋសភាកម្ពុជា សម្តេច ហេងសំរិន សូមចូលរួមរំលែកទុក្ខយ៉ាងក្រៀមក្រំចំពោះថ្នាក់ដឹកនាំបក្ស រដ្ឋ ប្រជាជនវៀតណាម និងក្រុមគ្រួសារអតីតអគ្គលេខាបក្ស ឡេខាភីវ ។ សម្តេច ហេងសំរិន បានសង្កត់ធ្ងន់ថា អតីតអគ្គលេខាបក្ស ឡេខាភីវ គឺជាមិត្តដ៏ល្អរបស់កម្ពុជា លោកធ្លាប់បានចូលរួមដោយផ្ទាល់ក្នុងការកសាង និងអភិវឌ្ឍន៍ប្រទេសកម្ពុជាបន្ទាប់ពីកម្ពុជា បានរួចផុតពីរបបប្រល័យពូជសាសន៍ ប៉ុលពត លោកតែងឧស្សាហ៍ជំរុញពង្រឹងទំនាក់ទំនងរវាងប្រទេសទាំងពីរកម្ពុជា - វៀតណាម។

ក្នុងឱកាសនេះ ប្រធានរដ្ឋសភានៃព្រះរាជាណាចក្រកម្ពុជា បានថ្លែងអំណរគុណយ៉ាងស្មោះស្ម័គ្រចំពោះបក្ស រដ្ឋនិងប្រជាជនវៀតណាម ដែលតែងតែជួយគាំទ្រគណៈបក្សប្រជាជនកម្ពុជា រដ្ឋ និងប្រជាជនកម្ពុជា ក្នុងការតស៊ូដើម្បីឯករាជ្យ និងសេរីភាព រំដោះចេញពីរបបប្រល័យពូជសាសន៍ ប៉ុលពត និងការងារកសាងនិងអភិវឌ្ឍប្រទេសជាតិនាបច្ចុប្បន្ន ៕

យោងតាមទីភ្នាក់ងារសារព័ត៌មានវៀតណាម

ចែករំលែកអត្ថបទ

ពាក្យគន្លឹះ