មហាសាមគ្គីជនជាតិ គំរូក្នុងសហគមន៍

20/07/2020 - 14:57

ផ្សព្វផ្សាយច្បាប់ដល់ជនរួមជាតិខ្មែរ

ពូថាច់កើន អនុប្រធានក្លឹបបង្ការប្រឆាំងបទល្មើសភូមិក្បាលទូក ឃុំឡុងហ៊ីប ស្រុកថ្កូវ ខេត្តត្រាវិញ មានវិធីល្អៗជាច្រើនក្នុងការឃោសនា ផ្សព្វផ្សាយ អប់រំច្បាប់ក្នុងតំបន់ជនរួមជាតិភាគតិច។

លោកថាច់កើន (ខាងស្តាំ) កំពុងប្តូរយោបល់ជាមួយនឹងព្រះចៅអធិការវត្តក្បាលទូក។

ពូថាច់កើន ឱ្យដឹង៖ “មុននេះ ក្លឹបបង្ការប្រឆាំងបទល្មើសភូមិក្បាលទូក គ្រាន់តែផ្សព្វផ្សាយជារួមៗ ម្ល៉ោះហើយខ្លឹមសារមិនទាន់ស៊ីជម្រៅនិងសម្បូរបែប មិនទាន់ផ្សារភ្ជាប់នឹងតម្រូវការភាពជាក់ស្ដែងក្នុងជីវភាពរស់នៅរបស់មាមីង។ រីឯបច្ចុប្បន្ន មុនពេលចាត់តាំងផ្សព្វផ្សាយ ក្លឹបតែងស្ទង់មើល ក្តោបក្ដាប់តម្រូវការរបស់ប្រជាជន ដើម្បីជ្រើសរើសខ្លឹមសារឱ្យបានសមស្រប។ ក្លឹបចាត់តាំងប្រជុំមួយខែម្តង ពិសេស រៀងរាល់ត្រៃមាស ក្លឹបអញ្ជើញផ្នែកសមត្ថកិច្ចរបស់ឃុំ ស្រុក មកឃោសនា ផ្សព្វផ្សាយ ចែករំលែកនូវព័ត៌មានអំពីច្បាប់បាបគ្រោះសង្គម ឧក្រិដ្ឋកម្ម និងបញ្ហាស្ដីពីសេដ្ឋកិច្ច-សង្គម ដើម្បីជនរួមជាតិក្តោបក្តាប់បានព័ត៌មាន។ អាស្រ័យមានការធ្វើដូច្នោះ មាមីងចូលរួមក្នុងពេលផ្សព្វផ្សាយច្បាប់កើនឡើងពី ៣-៤ ដង”។

បងស្រីលឺធីសាង នៅភូមិក្បាលទូក ឱ្យដឹង៖ “ពេលចូលរួមផ្សព្វផ្សាយច្បាប់ម្តងៗ គឺខ្ញុំមានចំណេះដឹងបន្ថែម និងមានវិធានការបង្ការប្រឆាំងបទល្មើស។ ថ្មីៗនេះ ក្លឹបបានផ្សព្វផ្សាយអំពីការបង្ការប្រឆាំងជំងឺ Covid-១៩ ជំងឺផ្តាសាយបក្សី H៥N១ ។ល។ ព្រោះហេតុនោះ ខ្ញុំតែងចូលរួមយ៉ាងសកម្មក្នុងពេលផ្សព្វផ្សាយដែលក្លឹបចាត់តាំងឡើង ដើម្បីមានចំណេះដឹងបន្ថែម”។

លោកថាច់គីមសី ប្រធានគណៈកម្មាធិការរណសិរ្សមាតុភូមិឃុំឡុងហ៊ីប ស្រុកថ្កូវ ឱ្យដឹង៖ “ពូ ថាច់កើនគឺជាបុគ្គលសកម្មក្នុងការផ្សព្វផ្សាយនូវគោលការណ៍របស់បក្ស គោលនយោបាយច្បាប់របស់រដ្ឋដល់ជនរួមជាតិខ្មែរ។ គាត់មិនត្រឹមតែជាអ្នកមានប្រជាប្រិយប៉ុណ្ណោះទេ នៅទាំងជាកសិករគំរូមួយរូបក្នុងការចលនាផលិតកម្ម ជាមួយនឹងទម្រង់ផលិតស្រូវ គួបផ្សំនឹងការចិញ្ចឹមគោ។ ប្រជាជននៅភូមិភាគគោរពរាប់អាននិងចាត់ទុកពូជាគំរូក្នុងពលកម្មផលិត។ល។ ពូជាគំរូលេចធ្លោនៃការចលនា “រៀនសូត្រនិងធ្វើតាមអ៊ំហូ” នៅភូមិភាគ”៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ