មហាសាមគ្គីជនជាតិ ភូមិស្រុកផ្លាស់ថ្មី

29/06/2020 - 15:30

កែលម្អជីវភាពប្រជាជនតាមរយៈការកសាងជនបទថ្មី

លោកឡេសហ្វាងវៀត អនុប្រធានគណៈកម្មាធិការប្រជាជនស្រុកផុងហ៊ីប ខេត្តហូវយ៉ាង ឱ្យដឹង ឃុំផុងហ៊ីប ស្រុកផុងហ៊ីប ទើបនឹងរៀបចំសំណុំបែបបទទទួលស្គាល់ជាឃុំសម្រេចបទដ្ឋានជនបទថ្មី។ ដូច្នេះ ស្រុកផុងហ៊ីបមានឃុំចំនួន ៥/១២ សម្រេចបទដ្ឋានជនបទថ្មី ចំណែកឃុំដែលនៅសេសសល់សម្រេចពី ១០-១៧ លក្ខឋាន។

ឃុំថាញ់ហ្វា ជាឃុំជនបទថ្មីដំបូងរបស់ស្រុកផុងហ៊ីប។

ក្នុងដំណាក់កាលកសាងជនបទថ្មី មុខមាត់ជនបទឃុំ ផុងហ៊ីបមានការផ្លាស់ប្ដូរយ៉ាងច្បាស់ ហេដ្ឋារចនាសម្ព័ន្ធសេដ្ឋកិច្ច-សង្គមព្រមៗគ្នា អគ្គិសនី ផ្លូវថ្នល់ សាលារៀន និងដំណាក់សុខាភិបាល ត្រូវបានសាងសង់យ៉ាងសមរម្យ ជីវភាពរបស់ប្រជាជនត្រូវបានកែលម្អនិងលើកកម្ពស់ពីមួយថ្ងៃទៅមួយថ្ងៃ។ល។ ចំណុចសំខាន់ក្នុងការកសាងជនបទថ្មីនៅផុងហ៊ីប គឺការឯកភាពនិងគាំទ្រចលនារបស់គណៈចង្អុលការកសាងជនបទថ្មី។ ពិសេស ប្រជាជនខ្នះខ្នែងផ្លាស់ប្តូររចនាសម្ព័ន្ធពូជដំណាំនិងសត្វចិញ្ចឹម។ ដូច្នេះ បើប្រៀបនឹងមុននេះ គឺប្រជាជនរកបានប្រាក់ចំណូលខ្ពស់ជាង។ ប្រាក់ចំណូលមនុស្សម្នាក់ៗ សម្រេចលើ៤៦លានដុង/ឆ្នាំ អត្រាគ្រួសារក្រីក្រនៅក្រោម ៤% ។

មិនត្រឹមតែប៉ុណ្ណោះ ជីវភាពរបស់ជនរួមជាតិខ្មែរនៅភូមិសាស្រ្តស្រុក បានផ្លាស់ប្តូរគួរឱ្យកត់សម្គាល់ក្នុងដំណើរការកសាងនិងសម្រេចបទដ្ឋានជនបទថ្មី។ ក្រោយរយៈពេល ៩ ឆ្នាំ ផ្តោតលើការកសាងជនបទថ្មី ស្រុកផុងហ៊ីប មានឃុំសម្រេចបទដ្ឋានចំនួន ៥/១២ គឺ៖ ថាញ់ហ្វា ភឿងភូ ភឿងប៊ិញ ប៊ិញថាញ់ និងឡុងថាញ់។ ចាប់តាំងពីសម្រេចបទដ្ឋានជនបទថ្មីមកដល់សព្វថ្ងៃ រដ្ឋអំណាចនិងប្រជាជននៅភូមិភាគ ជានិច្ចកាលតែងបង្កើនគុណភាពជនបទថ្មី ដូច្នេះហើយទេសភាពបរិស្ថាននៅទីនេះកាន់តែស្រស់ស្អាត។ បងស្រីធីឡឹង ឃុំថាញ់ហ្វា ឱ្យដឹង៖ “ ជនបទថ្មីផ្តល់ឱ្យយើងនូវអត្ថប្រយោជន៍ជាច្រើន ជាពិសេស ផ្លូវធ្វើដំណើរទៅមកបានងាយស្រួល។ អគ្គិសនីមានដល់គ្រប់គេហដ្ឋាន ដូច្នេះប្រជាជនព្យាយាមសន្សំប្រាក់ដើម្បីទិញគ្រឿងសម្ភារអគ្គិសនី ដូច៖ ឆ្នាំងអគ្គិសនី ទូទឹកកក កំសៀវទឹកអគ្គិសនី” ៕

ហាថាញ-ទីទុយ

ចែករំលែកអត្ថបទ

ពាក្យគន្លឹះ