មហាសាមគ្គីជនជាតិ គំរូក្នុងសហគមន៍

01/06/2020 - 14:55

គិតគូរជីវភាពជនរួមជាតិភាគតិច

លោកពូថាច់វៀត បានប្រជាជនទំនុកចិត្តជ្រើសតាំងជាអ្នកមានប្រជាប្រិយ នៅភូមិង៉ាយឡោ A ឃុំត្រាកូង ស្រុកត្រាអូង ខេត្តវិញឡុង។ រៀងរាល់ថ្ងៃ គាត់តែងផ្ដោតការគិតគូរដល់ជីវភាពជនរួមជាតិភាគតិច ដើម្បីមិនខកបំណងដែលមាមីងផ្ដល់ទំនុកចិត្តលើរូបគាត់។

លោកពូថាច់វៀត (ខាងឆ្វេង)ទទួលប័ណ្ឌសរសើររបស់គណៈកម្មាធិការជនជាតិ ។

តាមប្រសាសន៍លោក ថាច់ថេហៀង ប្រធានគណ:ជនជាតិស្រុកត្រាអូង មិនត្រឹមតែជាអ្នកមានប្រជាប្រិយនោះទេ លោកពូថាច់វៀត មានទំនុកចិត្តបានតែងតាំងជាលេខាសាខាបក្ស ប្រធានភូមិង៉ាយឡោ A ទៀតផង ម្ល៉ោះហើយគាត់តែងជិតដិតចំពោះស្ថានភាពរបស់ភូមិ។ រស់នៅស្រុកកំណើត លោកពូវៀត កាន់តែជ្រាបច្បាស់ ពីស្ថានភាពគ្រួសារ ជនរួមជាតិភាគតិចនៅទីនេះ។ ឆ្លងតាមរយ:នោះ គាត់បានធ្វើសេនាធិការដល់ថ្នាក់លើ ដើម្បីដំណោះស្រាយជំនួយសមស្រប។ ទន្ទឹមនឹងនោះ គាត់តែងចុះទៅដល់ផ្ទះប្រជាជន ដើម្បីផ្ដល់យោបល់ក្នុងការពង្រីកសេដ្ឋកិច្ចគ្រួសារ។ លោកពូវៀត រៀបរាប់: “ អាស្រ័យមានប្រភពទុនជំនួយ ទើបគ្រួសារថាច់ចាន់ហុង អាចមានឱកាសវិនិយោគចិញ្ចឹមគោ ឥឡូវគ្រួសារឈានឡើងធូរធារ។ ចំណែកគ្រួសារថាច់ហុង មានដីធ្លីច្រើនជាង គ្រួសារថាច់ចាន់ហុង យើងខ្ញុំណែនាំផ្ដល់យោបល់ ពង្រីកទម្រង់ VAC អាស្រ័យហេតុនោះ ទើបរកបានប្រាក់ចំណូលលំនឹងជាសន្សឹមៗឈានឡើងចាកភាពក្រីក្រ”។ បងថាច់ហុង រៀបរាប់: “ដើមឡើយគ្រួសារខ្ញុំទៅធ្វើការឈ្នួល ប្រាក់បានមកល្មមតែផ្គត់ផ្គង់ជីវភាពប្រចាំថ្ងៃ មិនមានសល់ផល។ ទៅធ្វើការឈ្នួលនឿយហត់ អស់កម្លាំងមកដល់ផ្ទះ ដេកសម្រាក ឯដីចម្ការទុកចោលទំនេរ។ បងវៀត គាត់មកផ្ទះខ្ញុំច្រើនដង ណែនាំខ្ញុំ បែងចែកកម្លាំងពលកម្មក្នុងគ្រួសារ យកខ្លីចិញ្ចឹមវែង រួចគាត់បានឧទ្ទេសនាមបុលទុនជំនួយរបស់រដ្ឋ ដើម្បីកែប្រែដីចម្ការធ្វើទម្រង់ VAC ។ ការងារកែប្រែដីចម្ការគឺខ្ញុំធ្វើដៃឯង ចំណែកប្រពន្ធខ្ញុំទៅធ្វើការឈ្នួលដើម្បីមានប្រាក់គិតគូរជីវភាពប្រចាំថ្ងៃ។ រហូតដល់ដីចម្ការបានកែប្រែលើកជាធារត្រឹមត្រូវហើយ ខ្ញុំក៏ទៅធ្វើជាងកំបោរ ប្រពន្ធខ្ញុំនៅផ្ទះដាំដុះ។ ជីវភាពគ្រួសារខ្ញុំបានលំនឹង អាស្រ័យបងថាច់វៀត ជួយណែនាំធ្វើការរកស៊ី”។

ពូថាច់វៀត ឱ្យដឹង ក្នុងភូមិង៉ាយឡោ A មានជនរួមជាតិខ្មែរ ៣៣៤ គ្រួសារ ក្នុងចំណោម ៤៧៧ គ្រួសារ ម្ល៉ោះហើយ ភូមិបានទទួលផលពីគោលនយោបាយពិសេសដោយឡែកជាច្រើនរបស់រដ្ឋ។ បណ្ដាញអគ្គិសនី ផ្លូវថ្នល់ ដំណាក់សុខាភិបាល ក៏បានវិនិយោគកសាង បង្កលក្ខណសម្បត្តិសម្រាប់ជនរួមជាតិខ្មែរពង្រីកសេដ្ឋកិច្ចគ្រួសារ។ ទោះជាដូច្នេះក៏ដោយ ប្រការដែលលោកពូវៀត កង្វល់បំផុតនោះគឺគ្រួសារក្រីក្រក្នុងភូមិនៅមានចំនួនច្រើន។ អាស្រ័យហេតុនោះ លោកពូវៀត តែងចំណាយពេលវេលាចុះទៅតាមផ្ទះជនរួមជាតិភាគតិចក្រីក្រ ដើម្បីស្វែងយល់និងរកដំណោះស្រាយជួយឧបត្ថម្ភសមស្រប។ លោកពូវៀត និយាយ៖ “ទោះបីឋិតក្នុងតួនាទីជាអ្នកមានប្រជាប្រិយ ឬជាលេខាសាខាបក្ស ប្រធានភូមិង៉ាយឡោ A ក៏ដោយ ទិសដៅរបស់ខ្ញុំគឺដើម្បីជួយប្រជាជនឱ្យមានជីវភាពកាន់តែល្អប្រសើរ”៕

ហាថាញ -ពេជ្រសឿន

ចែករំលែកអត្ថបទ

ពាក្យគន្លឹះ